الإمبراطور ( الجزء الأول من سلسلة سطوة الرجال)

طلب

شكرا للكل اللي شجعني أكمل أنتم الحاجة الوحيدة اللي مخليني مازالت بكتب رغم كل الكلام اللي أتكتب ليا و بطريقة مش حلوة خالص و لا تنفع بأي حال من الأحوال
أولا يا جماعه أنا مش عندى مشكلة إن يكون حد مش عجبه رواياتي أو معترض عليها
بس في طريقه أحسن أقول بيها كده
في ناس في الفيس في فصول الرواية لازم يشتم الرواية و الأحداث مش فاهمه ليه كل فصل  ؟؟؟
الرواية مش عجباك لازم كل فصل تقول كده و تشتم كمان
ياريت اللي يقول رأيه يقول بطريقة أحسن من كده و أفضل من غير شتيمة و لا كلام جارح
ثانيا الناس اللي مضايقه من التأخير أو إني وقفت روايات بسبب التفاعل و اتكلمت بأسلوب مش حلو
أنا بحب أكتب روايات و مش بطلب غير تصويت أو تعليق مظنش إنها صعبة أوي خاصة لما تكون الرواية عاجبك و بتقرأها
أنا لما بشوف التفاعل ده بيساعدني أكتب و أكمل لكن قلة التفاعل ده بتحبطني خالص لدرجة أني بفكر أحذف الرواية مادام هي كده كده مفيش حد بيقرأها و مهتم و بعدين أنا هعرف منين إني في حد بيقرأ و مهتم بها إلا لما يتفاعل

أخيرا الروايات هتنزل زي ما هي أنا بس أضايقت جدا من الموضوع و مكنتش أقدر أكتب حاجة
بعتذر من اللي وعدتهم بروايات تنزل لأني مش هقدر أكتبهم دلوقتي أنا حددت غيرهم عشان أكتب و رغم إني كتبت جزء من اللي وعدت بيه بس مش هعرف أكمله دلوقتي أسفة جدا