Parallel LOVE

Zhan Ge's Reality

<Unicode>

Zhan Ge တစ်ယောက် အမှန်က အတွေးတွေ ဂယောက်ဂယက်ဖြစ်နေတာပါ.. သူဒီ Company စ လယ် ဆုံး စုံစမ်းပြီး ဘယ်သူက ဘယ်လိုအလုပ်မျိုးလုပ်နေတယ်ဆိုတာ သိပြီးမှ "သူတို့ကို လက်စားချေဖို့ဆို သက်သေအချက်အလက်ရှာပြီး အတွင်းကျကျ တိုက်ခိုက်မှရမယ်" ဆိုတဲ့အကြောင်းပြချက်နဲ့ တပည့်တွေအားလုံး တားနေရက်နဲ့ X Company ကြီးဆီကို သူခြေချလာခဲ့တာပါ..

X Company ဆိုတာ အပြင်ပန်းကြည့်ရင် ကျွမ်းကျင်တဲ့ Racer တွေကို မွေးထုတ်ပေးနေတဲ့ Company တစ်ခုပေါ့.. တိုးချဲ့လုပ်ငန်းတွေအနေနဲ့ Brand အသေးစားလေးတွေထုတ်ပြီး Racer တွေရဲ့ အဝတ်အစား အသုံးအဆောင်လေးတွေကို Fan တွေ အလွယ်တကူ သိမ်းဆည်းနိုင်အောင်ဆိုတဲ့ရည်ရွယ်ချက်နဲ့ Branded Accessories တွေလည်း ရောင်းချပေးတယ်.. ဒါက အများပြည်သူတိုင်းမြင်နေရတဲ့ X Company ရဲ့ Image ပေါ့...
နောက်ကွယ်က တကယ့်ကြီးမားတဲ့ လုပ်ငန်းကတော့ Racer တွေကို လူကုန်ထံအသိုင်းအဝိုင်းနဲ့ မိတ်ဆက်ပေးပြီး လူကုန်ထံတွေကို ပျော်ရွှင်မှုပေးခိုင်းတာပေါ့.. Racer တွေက သူတို့ရဲ့သိက္ခာအတွက် အစပိုင်းတော့ ငြင်းကြတာပေါ့.. ဒါပေမယ့်လည်း မငြင်းနိုင်အောင် ဆွဲဆောင်နိုင်တဲ့ လက်နက်ငွေသားက တအားကိုကြီးမားလွန်းတယ်လေ.. အဲ့ဒါကြောင့် အစပိုင်းက Host ဖြစ်မယ့်အနေအထားကို ငြင်းဆိုကြပေမယ့် နောက်ပိုင်းကျ သူတို့ကိုယ်တိုင် လိုလိုလားလားနဲ့ လုပ်ကိုင်လာကြတယ်

Xiao Wang တစ်ယောက် Company ကိုရောက်ပြီး သိပ်မကြာခင်မှာ CEO ရဲ့ PA က CEO ကို စကားဟလာခဲ့တယ်..

"ဆရာ အဲ့ကောင်လေးကို ခုထိမသွင်းသေးဘူးလား?? ဟို *** ရဲ့ သူဌေးကတော်မကြီးက မေးလှပြီ.. သူ့မခေါ်ပေးရင် ကျွန်တော်တို့အလုပ်ကို အခွန်စာရင်းစစ် ဝင်ခိုင်းလိုက်မယ်တွေဘာတွေပါ ပြောနေပြီ.. နည်းနည်းတွန်းဦးဆရာရေ"

"ခဏလေးနေပါဦးကွာ.. ဟိုကလေးက နဂိုကတည်းက စိတ်မြန်လက်မြန်နဲ့.. အခန့်မသင့်ဘဲ စာချုပ်လျော်တယ် မနေတော့ဘူးဆိုပြီး ထထွက်သွားရင် နောက်ပိုင်းကိစ္စတွေ ခက်မယ်ကွ.. အဲ့သူဌေးကတော်ကြီးထက် ဟို CEO ကို မျက်နှာချိုသွေးဖို့ဆို အဲ့ဒီ့သကောင့်သားလေးကို အသေအချာ ချော့မြူမွေးမှရမှာကွ.. ပျိုတိုင်းကြိုက်တင်မဟုတ် ဘဲတိုင်းကြိုက်မျက်နှာပေါက်နဲ့ဖြစ်တဲ့အပြင် Sport လေးကပါတော်တော့ ငါတို့အတွက် အမြတ်ချည်းပဲ! မင်းဘာသာ ဟိုအဘွားကြီးကို ကြည့်လှိမ့်ထားလိုက်.. အခွင့်ရမှ ဟိုသကောင့်သားလေးကို ဆေးတွေဘာတွေ ခိုးသွင်းပြီး ထွက်ပြေးမရ ဆက်နေကိုနေမှဖြစ်မယ့် အကြောင်းမျိုး ငါဖန်ထားလိုက်မယ်.. ခုတော့ သူ Racer အနေနဲ့စင်ပေါ်ရောက်ဖို့ အရင် လုံးပန်းလိုက်.. သွားတော့"
ဆိုပြီး X Company CEO က သူဆွဲထားတဲ့ Plan တွေကိုပြောပြပြီး PA ကို နှင်လွှတ်လိုက်တယ်...