البارت الثامن
عند هازال
هازال واقفه مع أمها وأختها هدى
أم خالدواقفه توصي بنتها: أنتبهي على نفسك وزي ما قلت لك البيوت أسرار فلازم تحفظي سر بيتك
هازال بشجاعة مصطنعة: أن شاءالله ياماما متخافيش عليا
هدى: انا جهزت لك كل شيء وحتى شنطة سفرك جاهزة ومجوهراتك... وهتلاقيها في المكان اللي قلت لك عليه أوكي أما هديتك مننا هندهالك لما ترجعي من السفر واياكي تنسي تتصلي بيا قبل ما تسافروا علشان أطمن عليكي
هازال: متخافيش أن شاء الله
زهره: يلا ياهازال علشان ادهم واقف مستنيكي.. هازال هزت رأسها بالموافقة وراحت له وخرجوا من القاعة وطلعو علي بيتهم الجديد هي وادهم... لأن ادهم رفض أنه يقضي أول يوم لهم في الفندق وطول الطريق وهما ساكتين وأول ما وصلوا على بيتهم نزل ادهم وطلب منها تنزل وأول ما دخلوا قعد في الصالة
ادهم بقرف: روحي غيري فستانك وتعالي لأني عايز أتكلم معاكي
هازال بمكر : حاضر...وبينها وبين نفسها (يكونش فاضية لك أنا اترزع استناني من هنا لحد بكرة )
ادهم استغراب من وقوفها: سمعتي انا قلت ايه ولا أعيد كلامي تاني
هازال بحدة: سمعت وأنا أيش عرفني بالبيت علشان أروح للاوضه وأغير...قولي هي فانهي حته وانا دوغري اروح
ادهم ضرب جبينه:اخ صح نسيت وعلى العموم اوضتنا في الدور التاني اول اوضه هتلاقيها في وشك لزم
هازال: طيب شكرا... مشت وسابته وطلعت علي اوضتهم واول ما دخلت قفلت الباب بالمفتاح وقلعت الفستان الي كان بالنسبه لها زي الصخر علي جسمها وقعدت قدام المرايا وفكت تسريحة شعرها وقامت اخدت بورنس ودخلت الحمام أخدت لها دش دافي وبعد ما خرجت لبست قميص عادي قصير ولفت شعرها بالمنشفه وحطت رأسها ونامت متجاهلة الشخص اللي قاعد مستنيها تحت
ننزل تحت نلاقي العريس نام علي روحه من كتر ما مل من انتظار العروسه الي طلعت من ساعة ولا نزلت
ادهم فاق وبص لساعته واستغرب : غريبه مالها دي طلعت ولا نزلت ... .. وبعد تفكير/ خليني أطلع اشوفها ليكون حصلها حاجة وانا قاعد هنا زي الاطرش في الزفه ادهم خلع الجرافت وطلعلها واول ما جه يدخل الاوضه لقي الباب مقفول بالمفتاح ...ابتسم علي غبائه وبينه وبين نفسه(والله وطلعتي مش هينه يا بنت العفاريت يعني دخلتي الاوضه وقفلتي الباب وانا قاعد تحت زي المقطف بستناكي والله انا غبي بس ملحوقه يا بنت النكديه بس كويس انك عملتي كده عشان مبقاش افتريت عليكي من الباب للطاق انا هوريكي شغلك النهارده) ادهم فاق من تفكيره ودق الباب
هازال: .........
ادهم ابتسم بطريقه مستفزة: هازال أفتحي الباب لو سمحتي
هازال واللي كانت في سابع نومه ومصدره لادهم الطرشه : ........
ادهم بدء يفقد اعصابه:هازال افتحي الباب وخلي ليلتك تعدي والا والله لو دخلت عليكي هاخليكي شبه صنيه الكنافه المحروقة
هازال الي فاقت وردت بسخرية: لو قدرت تدخل اعمل الي تقدر عليه
ادهم بالفعل فقد اعصابه : طيب خمس دقايق وهتشوفيني قدامك والله لخليكي تندمي على الحركة دي يا بنت أبوكي وهنشوف مين هيخلصك مني
هازال: .........
ادهم نزل على مكتبه ودخل واخذ لابتوبه وبعد كدا فتحه وأخد شفرة الفتح وخرج ورجع على اوضتهم وفتح الباب عليها... أأأأأها انتي الي جبتيه لنفسك يا ست هازال ....هازال انصدمت من الشخص اللي دخل عليها والي ما أتمالكش نفسه وطاح فيها ضرب بغيظ بايده ورجله... وهازال كانت تترجاه وتتأسف علشان يسيبها بس ادهم مكنش حاسس بنفسه وهو بيضربها وما سبهاش غير لما هو تعب من الضرب..هازال زحفت بعد الضرب الي اخدته وراحت في اخر زاويه في الاوضه وضمت نفسها وفضلت تبكي بوجع
ادهم بينهج وزعق: والله يا زفته لو ما تعدلتي أنا هعدلك بطريقتي أنا ادهم ابن الجلاد مره تقفلي السكه في خلقتي ومرة تطنشيني وتطلعي وتقفلي الباب علي نفسك وانا زي التيس قاعد مستنيكي قال ايه تحت ...مين انتي علشان تعملي فيا كدا ياحيوانه ان ماربيتك من اول وجديد ما اكون ادهم...هازال مش بترد لان كل حته فيها بتصرخ الم ووجع من الضرب الي اخدته...اما ادهم بكل برود غير هدومه وحط راسه علي السرير من غير ما يهتم لامرها..وفي اليوم الثاني فتح عينه على صوت موبيله
ادهم بصوت كله نوم: الو
زهره بابتسامة: اهلا بعريسنا القمر... كل ده نوم قوموا انت ومراتك الساعه عدت اتنين ونص
ادهم: طيب أن شاء الله يا ماما
زهره: طيب تيجوا تتغدوا معنا ولا تحب ابعتلكم الاكل مع ماهي
ادهم: لا ابعتيه يادوب هفوق وهدخل اخد دش واصلي الظهر
زهره: مممم طيب ايه رأيك تيجي وتاخد هدية هازال عقبال ما يجهز الغدا
ادهم:خلاص ماشي امرك زهرة خانوم اصلي واجيلك
زهره بابتسامة: طيب يا حبيبي أنا هقوم وأجهز الهديه قبل ما تيجي واسيبك في أمان الله يا قلبي .... ادهم قفل مع أمه وقام قعد بكسل بس افتكر هازال لف عينه بسرعة للزاويا بس مالقاهاش فقام بسرعة وخرج يدور عليها في البيت بس مالقاهاش ولا لقي أي أثر ليها ادهم رجع لاوضه نومهم/ يا ربي تكون اتصلت علي اهلها وقالت لهم الي حصل وجم خدوها ليلتك كحلي يا ادهم وفجاه رفع راسه لاوضه الملابس فقام ودخل... ولقاها كانت هازال ممدده على سجادتها ونايمة ادهم ندم من اللي عمله فيها بعد ما لمح وشها اللي اتغير من الضرب قرب عليها ونزل عشان يشلها ويرفعها من الارض
هازال حست بيه فبعدته عنها: أبعد عني واياك تلمسني
ادهم بسخرية: والله بمزاجي اسيبك بمزاجي المسك كله بمزاجي واوعي تنسي انك ملكي أوكي يعني لو حبيت اخد منك حقوقي هاخدها انشالله غصب عنك ولو إنتي بنت أبوكي أرفضي علشان أتصل بخالد اخوكي وهو يتصرف معاكي ودلوقت قومي فزي عشان تتنيلي تطفحي ومش عايز اي نقاش..... وطلع وسابها تنعي همها وحظها الاسود الي وقعها في هذا الكائن ..اما ادهم دخل اخد شاور وبعدها خرج صلي وراح لامه
زهره وهي بتحضن ادهم:حبيبي الف مبروك يا عريس الف مبروك وصباحية مباركة يا حبيبي
ادهم بابتسامة: الله يبارك فيكي يا زهره ويبارك في عمرك وبابا والبت ليان عاملين ايه
زهره: الحمد لله أحنا بخير المهم انت عامل ايه مع عروستك تلاقيها تعبانه من ليله امبارح (وغمزتله)
ادهم فهم قصد أمه فتنهد من قلبه وبابتسامة: والله ياماما عادي ده شئ بيحصل مع كل بنت متجوزه
زهره: كلامك صح بس البنت لسه صغيرة والله أمها وأختها عيطوا لحد ما خرجتوا من القاعة......لكن تعرف أنا حسيت بأنهم ما كانوش عايزنها تتجوز دلوقت الا بعد سنتين لأني سمعت أمها بتقول كدا وقالت الله لا يسامح اللي كان السبب في تعاسة بنتها... والله يا ادهم معرفش ليه كانت بتدعي علي مين فسالتها لو كانت تقصدك أو لأ فطمنتني لما قالت إنها مش تقصدك
ادهم بابتسامة وبينه وبين نفسه (والله هازال ما ينخاف عليها بالعكس أنا اللي لازم يخافوا عليا منها): ماما هازال صحيح صغيرة شوي في السن بس والله في بنات أتجوزوا وهما أصغر منها وعلى العموم هي عادي هتتعود على الحياة الزوجية مع مرور الوقت
زهره: المهم يابني بلاش تقسي عليها وحاول تمسك أعصابك لو غلطت عليك بكلمة لأني عارفه البنات في السن ده .. ودلوقت قولي امتى رحلتكم
ادهم: النهارده أن شاء الله الساعة 12 باليل
زهره: يبقي تيجي تتعشوا معانا عشان تودعونا انت واخوك
ادهم خاف لا يجيب هازال بعد ما ضربها: لايا زهرة أحنا هنخرج نتعشي في المطعم وبعد كدا هنطلع على المطار على طول وأن شاء الله لما نرجع نبقي نيجي ونتعشى معاكم
زهره بابتسامة: طيب يا حبيبي تروحوا وترجعوا بالسلامة أهم شيء راحتكم والشغاله بتاعتكم امتى بتوصل
ادهم: أن شاء الله بعد يومين وياريت يا زهورتي تجربيها وتخلي ماهي تدربها علي الشغل كويس لان هازال هتنشغل بدراستها واكيد ماعندهاش وقت فراغ تعلمها
زهره بكل ترحيب: اطمن يا حبيبي
ادهم وقف: طيب انا لازم أرجع ل هازال زمانها قاعدة بتستناني اصلها مش بتقدر علي بعدي عنها
زهره عطت ادهم علبه فخمه فيها طقم الماس: يلا يا حبيبي ربنا يحفظكم وحالا الغداء يوصلكم...ادهم هز رأسه بالموافقة وباس ايد أمه ولسه بيخرج يرجع على بيته بس وقفه صوت أخته
ليان بابتسامة: ازيك يادومي وهازال فين ليه ما جاتش معاك
ادهم بنفس الابتسامة: حيلك يا ابله ليان علشان أقدر أرد عليكي وعلى العموم أحنا بخير وهازال في البيت... وأن شاء الله لما نرجع من السفر هتيجي وتزوركم ودلوقت انا لازم أروح علشان البت زمانها سقطت من الجوع
ليان: طيب خلاص أنا جاي معاك علشان أتغدى معاكم
زهره مسكت ليان من ايدها: أنتي فين رايحه استني هنا واتكسفي علي شكلك عايز البنت تقول عننا ايه مش بنفهم
ادهم بمجاملة: خليها يازهره تيجي عادي
زهره زقت ادهم من ظهره:بقولك انت كمان روح لمراتك زمانها ماتت من الجوع...
ادهم خرج من عند أمه وهو بيضحك على أمه وأخته ليان... وأول ما دخل البيت دخل على اوضه المكتب وفتح خزنته وحط هدية هازال اللي أمه عطتهالوا
*****************************
عند هازال
قامت وغيرت هدومها وسرحت شعرها وقعدت بتعب تستناه ادهم وهي بتفكر تنتقم منه ازاي عشان ضربها بس قطع تفكيرها صوت فونها الي رن
هازال ردت على فونها بابتسامة مصطنعه: الو ايوة ياهدي
هدى بتردد: قوليلي بسرعة جوزك عندك ولالأ
هازال بقرف: لا مش عندي ولا أعرف فين غار
هدى باستغراب من أختها: زوزو أنتي وبعدين معاكي في طولة اللسان دي وبعدين في واحدة تقول على جوزها كداا في صباحيتها كمان بجد لسانك طويل ومحتاج لقص
هازال بعصبية: يا شيخه بلا صباحية بلا بطيخ واللي فيا مكفيني ويفيض ياهدي فاريت انتي كمان مترفعليش ضغطي وتزيدي البله طينه
هدى ضحكت لانها فكرت انها فهمت الموضوع غلط: عادي يا حبيبتي مسيرك تتعودي مع الأيام
هازال عقدت حواجبها وباستغراب: أتعود على أيه أن شاء الله
هدى باستغراب حقيقي من أختها: على اللي تم بينك وبين جوزك أنتي مالك النهارده ... .. و على العموم انا اتصلت بيك علشان أطمن عليكي وأبارك لك ودلوقت أنتبهي على نفسك وأحترمي الراجل شويه وبلاش تفضحينا قدام الناس مفهوم
هازال بصوت باكي: والله حرام عليكم اللي قاعدين تعمله فيا وانا متاكده انكم هتقتلوني بالجلطه انتم والبومه ادهم
هدى بعصبية: هازال يا حيوانه أحترمي الراجل... والله معاه حق لو سمعك وقتلك وطين عشتك يلا مع السلامه يا متهوره.. وقفلت السماعة في وشها
= معقولة يا زمان تعمل كدة فيا..معقولة تبعنى وتيجى مع اللى بعونى عليا.
هازال بعصبية: يا ربي أنا هلاقيها منين ولا منين هلاقيها من هدى ولا من البلوه الفاشل اللي عندي
ادهم بصرامة: مين البلوه الفاشل يا هازال... وشاور على نفسه/ تقصديني أنا يا لسان زي المبرد
هازال وقفت وبارتباك: لا أنا ما أقصدكش أنا بتكلم هو انت لازم تلزق نفسك في اي كلمه انا اقصد جوز هدي اختي اصله مزعلها يعني
ادهم أتكتف وبص لها: لا والله للدرجادي أنا غبي عندك
هازال بخجل: أنا أسفه بس أنا قلت كدا لأني كنت متغاظه من اللي عملته فيا امبارح
ادهم بحدة: والله ماحدش قالك تدخلي الاوضه وتقفلي على نفسك وتخليني قاعد اتخلل تحت زي البدنجان صح... .. هازال جات ترد بس ادهم وقفها/ خلاص انتهى الموضوع ودلوقت أنزلي علشان نتغدى لأن الغدا جاهز
هازال حولت عنيها بطريقه مضحكه : طيب... ادهم اتنهد وهز راسه بالنفي واختفي من قصادها
هازال بصوت واطي:هازال اعقلي كدا يا ماما وربنا يستر ودلوقت اقوم انزل لا يتحول عليا واالله يا زوزو ما نتي ناقصه ضرب
ادهم وهازال وفاضل ونوره سافروا على فرنسا لقضاء شهر العسل
وأول ما وصلوا على الفندق ووصلوا على غرفهم وقبل ما يدخلوا
فاضل بهمس: ادهم ممكن أتكلم معاك قبل ما تدخل اوضتك
ادهم التفت لهازال: أدخلي وأنا شويه وجايلك... وبعد ما دخلت هازال/ خير كنت عايز ايه يا فاضل
فاضل بإحراج: ادهم ممكن أسألك سؤال بس ربنا يهديك بلاش تتعصب عليا
ادهم باستغراب: اتكلم وأنا مش هتعصب عليك
فاضل بتردد: ادهم أنت قربت من هازال ولا لأ
ادهم قاطع أخوه: لأ... بس ليه بتسال أنت السؤال ده
فاضل اتنهد وبهمس: يعنى زي حالتي... طيب أنت ليه ضربتها كدا... وعلى فكره حاسس انها بتكرهني من نظرات الاحتقار اللي بتضربني بيهم
ادهم ضحك: سيبك منها أنا هتكلم معاها... وبخصوص بنت خالتك هي أقوى منك
فاضل: لا والله يمكن نفس السبب اللي خلاك ما تقربش من هازال هو نفسه اللي خلاني ما أربش من نوره
ادهم : انا مش مستعجل علي هازال هي الليله وبكره لما نرجع شقتنا هتمم جوازنا لان طلبت من امك تخلي حد من الشغالين تروح وتنضف الشقه لانك عارفني مش بحب الفنادق من ايام جوازاتي العرفي فما بالك لو كانت مراتي ام ولادي..والدور والباقي عليك يا عريس ودلوقت تصبح علي خير... ... ادهم ساب فاضل ودخل على اوضته وأول ما دخل ما شافش هازال وسمع صوت ميه فعرف أنها تأخد دش فقعد على السرير وقلع جاكيته وجزمته ورمى نفسه على السرير بطريقة عشوائية....
أنت تقرأ
ارهقتي رجولتي بجنون العشق
Romanceالمقدمه هو انسان لا يقبل النقد مهما كان نوعه، أو التحدي لأي سبب. متسرعٌ دائماً في قراراته، بسبب عصبيته الزائدة.لا يقبل الرأي الذي يعارضه، أو يناقشه، حيث يكون دائماً متمسكاً برأيه، فهو عنيدٌ لا يكسر. اما هي عنيده لا تحب فرض الأمر الواقع عليها سريعه...
