وفي بيت الشناوي... وفي غرفة هازال بالتحديد
أسماء: تقبل الله يا قلبي
هازال وقفت بتعب من الحمل: منا ومنك يا قلبي
أسماء: يلا ننزل ونتغدى معاهم جعانه جدا
هازال: لا ماليش نفس، أنزلي واتغدي وبعدين تعالي
أسماء بتريقه: هازال حبيبتي لا يكون اتحولتي لجمل كل ما جعتي تاخذني من جسمك وتاكلي وأنا ما أعرفش
هازال عقدت حواجبها: لا والله أنتي بتتكلمي جد يعني لوما اكلتش أكون زي الجمل
أسماء: أه والله ... ووالله مسكين ابنك اللي هاتولديه من قبل ما يطلع للدنيا وأنتي مجوعاه امال لو انولد من فين ها ترضعيه واوعي تقوليلي بتديلو رضعة عشان يطلع غبي شبهك
هازال فتحت عيونها ورفعت حاجبها وبحده: أنا غبية يا عبيطه
أسماء بكل جدية: أه والله انتي غبيه في واحده تسيب بيت جوزها بدون سبب وتيجي وتعيش عند أهلها وهي حامل لآآآآآآ والمشكله الكل ساكت لك... والله المفروض عمي يشدك من شعرك ويرجعك على بيتك
هازال واللي حست بغصة وبرغبة ببكاء: أسماء رجاء ماتفتحيش الموضوع.. وكفايه اللي فيا لأني ماليش خلق أتكلم عن ادهم
أسماء بأنفعال: وأنا للمرة الالف بقولك بلاش تخسري جوزك بسبب تهورك وغبائك... هازال انت هنا بقالك يومين او تلاته والمسكين من يوم ما جيتي وهو يومين يجي هنا عشان يرضيك لدرجة أنه طفش والدليل أنه ما جاش امبارح والنهارده أنتي حتى الاتصال رافضه تردي عليه.. والله لو أنا منه بسيبك لحد ما تيجي لحد عندي بقي من نفسك لوحدك
هازال اتعصبت بدون شعور وببكاء: تهوري أنا, دلوقت بقيت أنا المتهوره والغلطانة... طيب أنتي اللي بدافعي عنه تعرفي انه هو الي خطفني يوم فرحي بغرض الانتقام لأني ضربت أخوه قلم وعضيته لأنه أعترض طريقي في المول... وبعد ما أبوه جبروا يتجوز جه وخطبني... وأنتي تقوليلي يخليني أرضى من نفسي ,أسماء ادهم ما جاش يراضيني الا لأنه عرف أنه هو الغلطان ومش أنا... وأنت أختي وعارفه ومتاكده اني بكره الشخص اللي يكذب... بس هو سكتت! أنا مش قادره أكرهه تعرفي ليه لأني بقيت بحبه واعشقه وبحس أن حبه بقي يجري في عروقي وبقي جزء من قلبي... وبعد كدا هازال حطت ايدها على وشها وبكت بهستريه... دخلت أم خالد وقعدت جنب هازال وحضنتها وفضلت تهديها وهي باصه لـ أسماء اللي كانت مصدومة من كلام هازال... واللي أتفقت مع خالتها أنها تستفز هازال في الكلام عشان تعترف بكل حاجه حصلت بينها وبين ادهم
أم خالد بخوف: بس يا حبيبتي الله يرضى عليك ماتعيطيش يا بنتي والله مافيش شيء يستاهل تنزلي دمعتك عشانه
أسماء قعدت جنب هازال وحطت ايدها على كتف هازال واللي بعدت عن أسماء و قالت: أنا أسفه يا هازال سامحيني والله ما كانش قصدي أني أزعلك يا روحي وربنا يشهد أن غلاوتك أكتر من أي شخص في الكون
هازال واللي بعدت عن حضن أمها: كذابه أنتي دايما تدافعي عن ادهم... وبانفعال/ يا أختي لو كنتي بتحبيه قوللي وأنا خلاص هاتطلق منه وروحي اتجوزيه وخديه وأشبعي بيه أهم شيء تبعدوني عن شركم أنت وهو!!!!!!
أم خالدبعصبية :هازال بس أنتي ازاي تقولي الكلام ده لاختك... أما أسماء فكانت مصدومة من كلام توأم روحها لها فقامت وأخدت شنطتها وخرجت من غرفة هازال جري ونزلت تحت قبلت طارق الي يادوب راجع
طارق شاف أسماء اللي نزلت وهي بتعيط: أسماء انتي بتعيطي ،،وليه بتعيطي يا حبيبتي
أسماء واللي دموعها كانت تنزل شلال: مفيش حاجه بس الله يخليك وصلني على البيت يا طارق
طارق باستغراب: ليه طب فهميني ايه الي حصل... وليه بتعيطي كدا حد مزعلك هنا في البيت
أسماء وهي تهز رأسها بنفي: لا مافيش... بس ربنا يخليك عاوزه أروح بيتنا خلاص أنا مش عاوزه اقعد هنا
طارق بشوية حدة: أسماء ايه الكلام ده اظن هنا كمان بيتك صح ولا ايه
أم خالد نزلت علي السلم بسرعة: أسوم حبيبتي...
أسماء مسحت دموعها والتفتت لخالتها: نعم يا خالتي
أم خالد حضنت أسماء وبندم: أنا أسفه يا بنتي ما تزعليش من أختك وكل اللي حصل بسببي أنا... والله لو كنت أعرف أنها بتقول كدا ماكنت طلبت منك أنك تتكلمي معاها
أسماء: لا يا خالتي محصلش حاجه وهازال مهما كانت هي أختي وبتفضل أختي... بس أنا لازم أرجع على بيتنا.... زينب صممت هي وطارق وبصعوبه أنهم يقنعو أسماء أنها تقعد وما ترجعش على بيتهم...
......
نرجع لهازال واللي كانت فكره توديها وفكره ترجعها ... وخصوصا أنها ندمت أشد الندم على الكلمة اللي قالتها لأختها في ساعة غضب... وهي أصلا ازاي بغبائها فكرت تقولها الكلام ده واللي فعلا كلام ان دل دل علي كلام مجانين هي كانت عارف من ليان بس لما تسمع حاجه ولما تشوف بعينك حبيبك هو الي بهدلك وعذبك حاجه تانيه.. طيب هي فعلا لو استمرت كدا هتفقد ادهم ... بس ادهم غلطان لأنه كان يشوفها تتعذب ولا فكر أنه يعترف لها وهو أصلا ليه عمل فيها كدا هل فعلا لأنه بيحبها بس اللي يحب ما يغدرش بـ حبيبه كدا.. بس هي دلوقت وبسرعه لازم تروح وتتعذر لأختها اللي زعلت منها... في نفس اللحظة اندق الباب ودخلت ليندا
ليناد: هازال ماما تحت عاوزاك
هازال: طيب جايه بس ادهم الي جه
ليندا بابتسامة: لا مجاش النهارده بس يمكن يجي بعدين يلا متتاخريش .. هازال سكتت وليندا خرجت وسابتها... هازال غيرت هدومها ونزلت لعل وعسى تعرف ليه ادهم ماجاش اليوم .. وأول ما نزلت سلمت وقعدت جنب أسماء واللي ما التفتت ولا بصتلها
أبو خالد بابتسامة: منوره يا هازال عامله ايه يا حبيبتي
هازال بابتسامة: الحمد لله ياقلبي أنا بخير
أبو خالد: الحمدلله... ودلوقت سموا وأبدوا...هنا الكل بدا يأكل ماعادا هازال اللي كان كل تفكيرها مع جوزها... وبعد العصر خرجت من غرفتها وراحت على غرفة الضيوف وقبل ما تدخل دقت على الباب وبعدين دخلت
هازال برجاء: ممكن أتكلم معاك يا قلبي
أسماء نامت على السرير وعطت هازال ظهرها: مش عاوزه أتكلم مع حد لأني عاوزه انام وبعد ما اصحي هاروح بيتنا فلو سمحتي أخرجي وسبيني لوحدي لأني مش عاوزه أزعاج
هازال طنشت أسماء وراحت وقعدت قدامها وبدمعة أما أسماء فغطت وشها كلو بالحاف: أنا أسفه والله ماكانش قصدي أقول الكلام اللي قلته
أسماء: .............
هازال واللي بدئت تبكي: أسماء الله يخليك لا تكوني علي أنتي والزمن وصدقيني والله ماكان قصدي أقول الكلام الي قولته.. ولو كنت بكدب عليك ربنا يخدني ودلوقت
أسماء بعدت الحاف عن وشها وقعدت وبحدة: أنا ما طلبتش منك أنك تقسمي ولو سمحتي بلاش غباء وماتدعيش على نفسك ماشي
هازال قامت وقعدت جنب أسماء وحضنتها و أسماء اللي كانت بتحاول تبعدها عنها وهي تبكي من قلبها: والله اسفة... الله يخليك سامحني وأنا أوعدك أني عمري ما ازعلك... أسماء أنتي أختي وأنتي أكتر شخص عارف بالي بيني وبين ادهم، وأنا برفض اقابله عشان قلبي ما يضعفش وأسامحه.. ولو كنتم معتقدين بأني راضيه بالي عملتو والله العظيم كلكم غلطانين وخصوصا أنت يا توأم روحي لأن معظم أسراري عندك...وبشهقه/ أسماء والله أنا تعبت خلاص تعبت... أسماء زعلت على هازال فضمتها هي كمان بحنان وبعدين خرجتها عن حضنها
أسماء: هازال خلاص ورحمه امي خلاص ماتعيطيش لأني والله سامحتك وأنتي عارفه اني مش بحب أشوف دموعك... هازال مسحت دموعها فكملت أسماء كلامها/ يا عمري أموت أنا على الناس اللي بقيت شبه الطماطم... واول ما هازال سمعت الكلمه زادت في العياط فاستغربت أسماء منها/ يا ربي وليه رجعتي تعيطي مره تانيه
هازال: ولا حاجه بس افتكرت ادهم دايما يقولي الكلمه دي لو زعلت
أسماء وهي تمسح دموع هازال: يا عمري أنا على حبيبة ادهومي
هازال بتفكير: أسوم في اعتقادك ليه ادهم مجاش امبارح ولا النهارده تفتكري طفش مني وناوي يطلقني ويرتاح والله م
أسماء حطت ايدها بسرعة على بوء هازال وقاطعتها: اسم الله عليكم، لا أن شاء الله... ربنا ما يكتبها وهو ادهم هيلاقي وحده تحبه زيك يا حبيبتي وصدقيني ادهم يمكن ما جاش لأنه مشغول
هازال قاطعت أسماء: بس هو ما أتصلش كمان زي كل مره
أسماء بابتسامة: هازال يمكن هو ما اتصلش لأنه عارف انك مش هتعبريه ولا تردي عليه .. وبرجاء وهي تمسك ايد هازال/ هازال حبيبتي ادهم ب يحبك وأنتي كمان بتعشقيه فبلاش تفقديه لأنك مش هاتتحملي فراقه أبدا... وزي ما هو عمل شئ مش كويس في حياتكم أكيد عملك حاجات تانيه حلوه... حبيبتي حاولي تشوفي الجزئية اللي مش كويسه في ادهم وشوفي أفضل جانب له ... هازال جات ترد بس أسماء كملت كلامها/ لا لا ماترديش دلوقت انتي وروحي اوضتك وافتكري كل حاجه مرت بحياتكم حلوه وقارني بينها وبين كل شيء سيء... وبعدين شوفي أنتي ايه أكتر الحاجات الحلوه ولا الحاجات السيئه... وفكري في كلام أماني اللي قالت لك وقت ما زارتك لأنها عارفه ادهم أكتر منك وهي قالت لك أنك أنتي حب ادهم الحقيقي والوحيد
هازال بحزن: وأنا كمان ادهم هو أول حب لي... صحيح بأني قلتلو بأن جاسر كان أول حب لي بس بعد ما عشت مع ادهم عرفت معنى الحب الحقيقي يا أسماء وحسيت بطعمه
أسماء بابتسامة وسخرية: ممممم بجد والله شوقتني... وازاي كان طعمة مالح ولا حلو عشان أنا كمان نفسي ادوقه
هازال رمشت : بس كدا حالا ادوقهولك وشدت المخدة وفضلت تضرب أسماء وهم يضحكو... وعند الباب من بره كانت أم خالد واقفه وتسمع كل الكلام وفرحت جدا بأنهم أتصالحو لأنها عارفة ومتأكدة بأنهم مستحيل يستغنو عن بعض بس في نفس الوقت مستغربة من ادهم اللي له يومين ما جه ولا أتصل زي العادة
أم خالد من أعماق قلبها: ربنا يحفظك يا ادهم من كل شر وربنا يهدي النفوس بينك وبين هازال وترجع لك... وأن شاء الله ما تولدي إلا في بيتك يا بنتي
أنت تقرأ
ارهقتي رجولتي بجنون العشق
Romanceالمقدمه هو انسان لا يقبل النقد مهما كان نوعه، أو التحدي لأي سبب. متسرعٌ دائماً في قراراته، بسبب عصبيته الزائدة.لا يقبل الرأي الذي يعارضه، أو يناقشه، حيث يكون دائماً متمسكاً برأيه، فهو عنيدٌ لا يكسر. اما هي عنيده لا تحب فرض الأمر الواقع عليها سريعه...
