هازال أول ما شافت حال ادهم وهو يبكي زي الطفل المكسور حضنته: ادهم حبيبي وحد الله أنت ازاي كدا هاتصبر ليان فلازم تبقي اقوي من كدا يا قلبي... بس ادهم ماردش عليها وبكى لحد ما حس أن روحه هاتخرج منه... لانه عمره ما أتوقع بأن ابن عمه وصديق طفولته واخوه هيموت في السن الصغير ده ويموت بعيد عنهم بس هو مفيش بايده اي حاجه لأن ده قدر ربنا وما حدش يقدر يعترض عليه
ادهم خرج عن حضن هازال وبصوت مبحوح: هازال من فضلك خلي روز تجهز لي شنطة هدوم لأني مسافر مع أهلي
هازال بحزن: لا خلاص خليني أطلع أنا وأجهز لك كل حاجه بنفسي... ادهم هز راسه بالموافقة وطلع مع هازال وجهزوا كل شئ يحتاجه وعلى الساعة سبعة سافر ادهم مع أهله على تركيا وهازال جهزت شنطتها وعطت الخدم اجازه وراحت على بيتهم زي ما طلب منها ادهم وأول ما دخلت على بيتهم
أم خالد بخوف وهي شايفه هازال دخلت بشنطة هدومها: هازال ايه الي حصل بينك وبين جوزك بس لا يكون اتخانقتو يا بنتي
هازال بتعب أعدت: لا ياماما ادهم سافر لأن جوز أخته مات
أم خالد بصدمة: ايه وامتى حصل الكلام ده يا بنتي
هازال بزعل: والله ياماما علمي علمك بس أظن حصلت لهم الحادثه اول امبارح والنهاره اتصلت السفارة وعطوهم خبر وفاته... والله أنا حزينة على ليان مالحقتش تتهنى
أم خالد: ربنا يصبرها ويصبر أهلها وربنا يجعل مثواه الجنة
هازال بتفكير في ادهم: أمين والله يا ماما ادهم عيط لحد ماقال تعبت وانا أول مره أشوف دموعه كدا من وقت ما اتجوزنا
أم خالد: طبيعي يتأثر ماتنسيش ده ابن عمه وجوز اخته واكتر من اخوه
هازال بارهاق: اه ادهم بعيد شويه عن ريان... بس مش هقول غير الحمدلله وربنا يعين، لما اطلع اوضتي عشان أريح بس ربنا يخليك ياماما عاوزه اي لقمه اكولها وأنام احسن ميته من الجوع والصراحة مش هقدر استني لوقت العشا
أم خالد بخوف على بنتها: اسم الله عليك يا حبيبتي حالا اخلي ليندا تجهز لك الاكل يا حبيبتي
هازال ببتسامه مغتصبه: ربنا ما يحرمني منك يا قلبي... بعد ما هازال اتعشت وطلعت على غرفتها وأول ما أتصل بيها ادهم واطمنت عليه نامت... وبعد ثلاث أيام رجع ابو عز وادهم وابنه ريان مع جثمان عز ودفنوه في بلده وقاموا العزا في بيت الجدة... أما ايهاب وزهره فافضلو في تركيا عشان حالة ليان الصحية واللي ما تعرفش بموت جوزها
*******************************
وبعد شهر من الحادث وفي بيت الجلاد وفي غرفة ادهم
ادهم: هازال انا بكلمك ليه مش بتردي عليا
هازال باستغراب: أنا والله ما سمعتك يا حبيبي
ادهم بزهق: طيب تروحي معايا
هازال قفلت ملامحها وبنفس الاستغراب: فين نروح يا حبيبي
ادهم: على تركيا عند أمي وليان لأن أخوي ايهاب ما يقدرش يقعد اكتر من شهر وفاضل ما يقدرش يروح ويسيب مراته وهي تعبانه من الحمل عشان كدا أنا هسافر واقعد معاهم شهر لان مفيش غيري
هازال: ادهم أنت تقصد أننا نروح ونقعد شهر كامل... لا طبعا ما أقدرش عشان الكلية وانت ناسي بعد أسبوعين بدايه الامتحانات النهائية ف ازاي عاوزني أسافر وأضيع سنة كاملة
ادهم عشان يرفع ضغطها: طيب على راحتك أنا هاخد أماني معاي لأنه مستحيل أسأفر لوحدي وأنا عندي زوجتين
هازال رفعت حواجبها: عادي روح حد قال لك ماتروحش معاك
ادهم أتنهد من قلبه: طيب يا هازال وأنا عند فيك هخدك أنتي ومش واخد أماني...ويلا قومي عشان ننزل ونقعد مع بابا بدال ما هو قاعد لوحده
هازال وقفت وحطت ايدها علي وسطها: ممكن تقولي قصدك يعني ايه هتخليني أروح غصب عني يا ادهم... أنا قلت لك مش عاوزه اروح يعني الموضوع مش غصب يا بن الناس... وأنا بقول لك عندي امتحانات وأنت تقولي عند فيك هتروحي والله يا ادهم كدا كتير
ادهم اتكتف: هازال حبيبتي أنا قلت اللي عندي ودلوقت قومي عشان ننزل لأن بابا قاعد لوحده
هازال لفت لـ ادهم ظهرها: سوري أنا عندي بحث... بس استغربت أنه ما ردش عليها فلفت واتفاجأت بيه واقف وراها ومتعصب على طول قالت بخوف/ خلاص حالا نازله معاك وقامت بدون ما تسمع رده ونزلت معاه
أنت تقرأ
ارهقتي رجولتي بجنون العشق
Romanceالمقدمه هو انسان لا يقبل النقد مهما كان نوعه، أو التحدي لأي سبب. متسرعٌ دائماً في قراراته، بسبب عصبيته الزائدة.لا يقبل الرأي الذي يعارضه، أو يناقشه، حيث يكون دائماً متمسكاً برأيه، فهو عنيدٌ لا يكسر. اما هي عنيده لا تحب فرض الأمر الواقع عليها سريعه...
