ادهم أول ما التفت وشاف هازال اللي كانت واقفه ومصدومة من شكل غرفتهم فاتنهد وراح وسحبها من ايدها ورماها على السرير وقفل باب الجناح و باب غرفة النوم وقرب منها.................
ادهم بعصبية: رجعتي يا هانم أنتي مين عشان تقفلي السماعة في وشي يا زفته
هازال بخوف: أأدهم أنا ماعملتش حاجه والله ولا كنت مع ولد( وبعياط) والله العظيم أنا كنت في الجامعة
ادهم أول ما شافها كدا نسى اللي عملته وقعد وشدها لحضنه وضمها بقوه: بس خلاص متعيطيش ارجوك أهدي
هازال وهي ترتجف من الخوف: والله ما خنتك مع أي ولد وأنا لسه خارجه من الجامعة وعلى طول رجعت على البيت
ادهم وهو يمسح على شعرها: طيب حبيبتي وأنا واثق فيك
هازال بعدت عن حضن ادهم ولفت بعيونها في ارجاء الغرفة: أنت زعلان مني لأني قلت هروح المطعم مع البنات
ادهم أتنهد من أعماق قلبه: لا بس أنا عندي شوية مشاكل في الشغل والشيء التاني لو تحبي نروح مطعم مش تقوليلي هروح مع صحابي ومدري ايه انا مش بحب الحركات القرعه دي
هازال بهدوء: بس أنا أتفقت مع صحابي البنات... وأنت أحرجتنا برفضك يا حبيبي
ادهم بحدة: عشان كدا قفلتي في خلقتي السكه... وكمان قوليلي صحابك دول متجوزين
هازال نزلت راسها في الأرض: لا كلهم بنات
ادهم بصلها: طيب المرة دي هعدهالك بس والله يا هازال مره تانيه تقفلي الخط قولي ع نفسك ياحفيظ ومتلوميش غير نفسك مفهوم
هازال حست بخطأها: أه فهمت وأنا أسفه يا ادهم ووالله ما كانش قصدي أقفل السكه في وشك
ادهم اتنهد من الي عملو في الغرفة: طيب ايه رأيك نقوم ونخرج وأنا ناوي أعزمك على المطعم اللي تحبيه
هازال بفرح: والله وقامت... وحضنت ادهم بكل قوتها و باسته على خده:ربنا مايحرمني منك
ادهم فرح من تصرف هازال: تعرفي أنا كل يوم هاعزمك عشان تحضنيني وتبوسيني كدا
هازال بخجل: ادهومي وبعدين معاك...ادهم ضحك على تصرفها وقام ومسكها وخرجوا بعد ما قال للخدم يرتبوا وينضفوا غرفتهم
********************************
نرجع لبيت الجلاد
ليان اللي كانت تكلم خلود: أه كلمتها وقالت خلاص من بكره تبدأ الجلسة
خلود: طيب وامتى جايه عشان نروح ونختار الفستان
ليان: أمي بتقول استني للاسبوع الجاي عشان بتوصلها فساتين من إيطاليا وزي ماأتفقنا الكوافير والفستان علي حسابي
خلود بابتسامة: ياعسل ربنا ما يحرمني منك وزي ما اتفقنا اليوم هفوت عشان نروح ونشتري باقي الطلبات
ليان: طيب اقول لماما ونروح خلاص
خلود: طيب يا قلبي بس تردي علي عشان افوت... ليان قبل ما ترد دخل عليها أبوها
محسن : بتكملي مين يا ليان
ليان وهي تبعد الموبيل عن ودنها وبهمس: بكلم خلود صحبتي يا بابي
محسن قعد جنبها: طيب خلصي بسرعة لأني عاوزك في موضوع ضروري
ليان رجعت تكلم خلود بسرعة: خلود خلاص أكلم ماما وأرد عليك يا قلبي
خلود: أوكي يا قلبي باي
ليان قفلت مع خلود وبصت لـ أبوها وبابتسامة: خير يا حبيبي
الجلاد بكل جدية: أسمعيني كويس عمك أبو عز أتصل بيا... ليان أول ما سمعت كدا حست بخوف غير طبيعي/ وأتكلم معاي في موضوع خطوبتكم
ليان بارتباك: بابا انت بجد بتتكلم
الجلاد بنفس الأسلوب: استعدي خطوبتك من عز هتكون بعد أسبوع فهمتي
ليان ببكاء: بابا والله انا مش عاوزه اتجوز دلوقت والله بجد حرام الي بتعملو فيا ده
الجلاد بشوية عصبية: ليان خلاص الموضوع منتهي وأنا قلت اللي عندي... وقام وخرج وسابها
ليان بعياط: والله حرام ليه يعمل فيا كدا ربنا ياخدك ياعز يوعدك بحادثه تموت فيها واتخلص منك يعني ما لقيتش غيري تخطبها وتتجوزها ربنا ياخده ويريحني منه
زهره دخلت على ليان وبعصبية: اسكتي الله يهديك ليه تدعي على الولد بالدعوه البشعه دي وهو شاريك
ليان بعصبية: ياعالم أفهموني... أنا مش عاوزه اتجوز ايه العيشة دي اف
زهره بنفس العصبية: والله لو عندك كلمه روحي واتكلمي مع أبوك لأني زيك ما أعرفش حاجه
ليان برجاء: يا امي ربنا يخليك أتكلمي معاه والله أنا ما عاوزه اتجوز دلوقت
زهره باستغراب: ليان أنتي ايه حكايتك لا تكوني بس....
ليان وهي تقاطع أمها: امي متخافيش والله أنا مش بحب حد ولا سبت بس مسألة الجواز مش في رأسي حاليا
زهره: لا متخافيش جوازك هيكون في الاجازة حاليا خطوبه وبس
ليان: طيب أنا موافقه بس الله يخليكم خلوه بعد شهر لان خلود فرحها قريب وأنا مالحقش أجهز نفسي وأساعد خلود في تجهيز نفسها الله يخليكم أجلوه لو فعلا بتحبوني
زهره هزت رأسها بالنفي: روحي وكلمي أبوك لأني مش عاوزه ادخل في الموضوع... ليان بصت لـ أمها وخرجت من غرفتها ونزلت عند أبوها
أنت تقرأ
ارهقتي رجولتي بجنون العشق
Romanceالمقدمه هو انسان لا يقبل النقد مهما كان نوعه، أو التحدي لأي سبب. متسرعٌ دائماً في قراراته، بسبب عصبيته الزائدة.لا يقبل الرأي الذي يعارضه، أو يناقشه، حيث يكون دائماً متمسكاً برأيه، فهو عنيدٌ لا يكسر. اما هي عنيده لا تحب فرض الأمر الواقع عليها سريعه...
