البارت ١٧
منه محمد كاتب
هازال خرجت وقعدت في الصاله: انا في بيتي ليه انا عملت ايه عشان تشتمني وتتنرفز عليا
خالد بنفس العصبية: انتي معندكيش دم من يوم ما اتجوزتي جيتي مره واحده زورتي ابوك وامك وحاليا دخلتي في شهر متزفته فينك ليه مش بتسالي
هازال بارتباك وخوف من أخوها: والله مشغولة من البيت للجامعة ولو خرجت أروح بيت جدة ادهم او بيت حماتي
خالد بحدة: اه طبعا دول اهم طبعا حضرتك خايفة على زعل الأستاذ ادهم عشان كدا كل يوم أنتي عندهم واحنا نتحرق مش كدا
هازال واللي كانت خايفه ادهم يخرج ويزعل: لا والله القصة مش كدا
خالد:اكتمي هتكدبي كمان قولي ان جوزك هو اللي منعك تيجي عندنا يا هانم
هازال باستغراب من تفكير أهلها: لا والله ادهم ما منعني... وعلى العموم بكره جايه عندكم وأتغدى معاكم (أن شاء الله) إذا كان ده يرضيكم
خالد بنفس الحدة: أنا كمان شايف كدا أفضل لأن ابوك مضايق من عدم زيارتك لينا... وياويلك لو قلتي لامك أني اتصلت بيك مفهوم
هازال: طيب فهمت... أنا لما اجي بكره هتكلم معاكم
خالد: نشوف وياويلك لو ما جيتيش... ودلوقت مع السلامة وقفل الخط بدون ما يسمع ردها
هازال: يا الله انا فعلا مقصرة مع أهلي المفروض كل أسبوع أكون عندهم بس الظاهر هاخلي جمعة عند أهلي وجمعة عند جدة ادهم
ادهم بتريقه وهو بيقعد جنب هازال: يانصيبك الاسود يا ادهم اظاهر مراتك اتجننت
هازال بشهقة: ايه انا مجنونه يا ادهم
ادهم شدها لحضنه: اه أنتي فعلا مجنونه في واحدة تسيب جوزها قاعد لوحده وتخرج بره تتكلم مع نفسها
هازال بدلع: والله أظن أنت شفت أني ما خرجتش الا وقت ما جالي أتصال
ادهم واللي هيموت و يعرف الشخص اللي أتصل بيها: طيب مين كان بيكلمك صحبتك ولا أختك
هازال ببراءة: لا دي ولا دي بس كان أتصال ضروري
ادهم بزعل من جوابها: أها طيب مش لازم أعرف
هازال حست بان ادهم زعل فمدت ايدها ومسكت شفايفه: والله أنا بموت في الناس اللي يزعلوا علينا
ادهم بخبث قرب منها وكأنه بيبوسها بس العكس عضها: دي هدية من عندي
هازال واللي بعدت عن ادهم وهي تتحسس مكان العض: ادهم ليه كدا يا حياتي انا هريحك خالص هسيبلك المكان وأنا بكره رايحه بيت أهلي
ادهم بتعجب: نعم بيت أهلك ليه؟ هتعملي ايه في بيت أهلك
هازال بابتسامة: ازاي يعني هعمل ايه في بيت اهلي هتغدا معاهم
ادهم عقد حواجبه: ماشاءالله امتى قررتي أنك تروحي بيت أهلك وتتغدي من غير ما تقولي لي
هازال وهي تبلع ريقها: والله لسه خالد متصل بيا ومبلغني
ادهم بانفعال: ماشاء الله... وأنا طبعا أخر من يعلم صح
هازال بهدوء: ادهم حبيبي أنا أكيد مستحيل أروح بدون علمك... والشيء التاني بابا زعلان مني لاني مش بروحلهم وانا لسه قافله مع خالد وانا اكيد كنت هقولك
ادهم بشوية عصبية: اه طبعا بس بعد ما قررتي واتفقتي مع أخوك قولتي لي صح ليه يعني أنا طرطور عندك
هازال والي خافت من رفض ادهم: والله يا حبيبي أنا ما قلت كدا... وأنا قلت لك أني مستحيل أروح بدون علمك.. وكمان يا ادهم أنا من وقت ما اتجوزت ماروحتش بيت اهلي ... عكس مرات أخوك دي تقريبا بـ تنام عند أهلها
ادهم وقف: طيب أنا عاوز اشوفك ازاي هتروحي من غير موفقتي وتاني مره اياك تقارني بيني وبين اخويا اوك لانه فاضل وانا ادهم..ومرواح عند اهلك مافيش تاني مره قبل ما تاخدي قرار تشارويني ...ولف وخرج وسابلها المكان ودخل على مكتبه ورزع الباب بكل قوته... مما خال هازال تنط من الخوف
هازال نفخت: يا ربي أنا دلوقت القيها منين ولا منين من ادهم العصبي ولا من خالد القاسي ولا من بابا الزعلان ربنا يهديك يا ادهم بس بلاش تزعل وتنكد علينا وعليا وع نفسك ...هقول ايه غير ربنا يصبرني عليك .. وقامت وطلعت على غرفتها القديمة واللي ما زالت ريحة البرفيوم موجودة فيها ودخلت وغيرت هدومها وخرجت ورجعت على الغرفة التانية وقعدت تتراسل مع أسماء لحد ما تعبت ونامت... أما ادهم فبعد ما خلص شغل قعد يفكر في أماني وفي اللي عملته فيه، وبعدين رجع فكر في هازال اللي حس أنه كان قاسي معها لأنها بس طلبت أنها تروح لبيتهم وده من حقها... وأول ما حس بالتعب طلع على غرفتهم ونام جنب هازال
أنت تقرأ
ارهقتي رجولتي بجنون العشق
Romanceالمقدمه هو انسان لا يقبل النقد مهما كان نوعه، أو التحدي لأي سبب. متسرعٌ دائماً في قراراته، بسبب عصبيته الزائدة.لا يقبل الرأي الذي يعارضه، أو يناقشه، حيث يكون دائماً متمسكاً برأيه، فهو عنيدٌ لا يكسر. اما هي عنيده لا تحب فرض الأمر الواقع عليها سريعه...
