ادهم بعد خروجه شاف هازال متكومة حوالين نفسها ونايمة على طرف السرير فابتسم وراح يصحيها بهدوء: هازال حبيبتي قومي وادخلي أنا خرجت
هازال واللي كانت في سابع نومه: ..........
ادهم قعد جنبها وبعد شعرها عن وشها وفضل يتأملها ويتأمل جمالها وبعد كدا قرب منها وباسها في خدها على الخفيف عشان ما تحسش بيه ثم مددها على السرير وغطاها باللحاف لأن الجو كان بارد وبعد كدا لبس هدومه وطفى النور ونام جانبها... وعلى الساعة سته ومع طلوع الشمس فتحت هازال عيونها فقامت مفزوعة ودخلت الحمام وأخدت دش مستعجل وبعد ما خرجت صحت ادهم عشان صلاة الفجر واللي فاتتهم وراحت تصلي هي في الصالة وبعد ما صلت قعدت تسبح
ادهم بصوت عالي شويه من جوه: حبيبي تحبي تفطري دلوقت ولا ننزل نتمشى شويه لحد معاد الزيارة، نأخد غدا ونروح ونتغدى مع أمي وليان وبعد كدا نشوف هنعمل ايه ولا تحبي ترجعي تنامي
هازال بكسل: لا ما أقدرش أخرج دلوقت عشان لسه واخده دش واخاف اتعب لان الجو بارد
ادهم: طيب يا حبيبتي أيه رأيك أطلب الفطار من الفندق نفطر وننام لحد معاد الزيارة
هازال: أوكي حبيبي اعمل اللي يريحك... هازال وادهم فطروا وناموا وعلى الساعة 12 راحوا على المستشفى وقعدو مع زهره وليان لحد الساعة خمسة وبعد خروجهم راحوا واتمشوا واتعشوا وعلى الساعة تمانيه ونص رجعوا على الفندق وناموا من شدة التعب... و بعد مرور تلات أسابيع رجع ادهم مع أمه وأخته وهازال على القاهره وكان في أستقبالهم في المطار ايهاب وفاضل ونوره وبعد ما خرجوا من المطار راحوا على بيت الجلاد واتعشوا هناك وبعد كدا ايهاب وزوجته ريناد وابنهم عبدالله راحوا على بيتهم ونوره وفاضل راحوا هم كمان على بيتهم
هازال بتعب من قاعده الطيارة وبهمس لـ ادهم: ادهم قوم نروح البيت والله حاسه ظهري ها ينكسر من كتر القاعده
ليان واللي فهمت طلب هازال وبرجاء: هازال ادهم الله يخليكم ما تروحوا وأقعدو معنا بس يومين.. وبعدين كدا روحوا على بيتكم... الجلاد بص لـ بنته بحزن فتنهد وما قالش حاجه لأنه مش بيحب يضغط على هازال وادهم بشئ مش حبينو
ادهم بحنان: أطمني يا حبيبتي أنا هقعد معاك أسبوع ومش يومين المهم أنتي تكوني مبسوطة
زهره بصت لـ ادهم واللي حست أنه أستعجل في قراره: ادهم أنت المفروض ما تقولش كدا لحد ما تسال مراتك يمكن يكون لها رأي تاني يا بني
ادهم بص لـ هازال فشد ايدها وشبك صوابعه مع صوابعها : ماما ما أظنش أن هازال تمانع أنها تقعد عندكم هنا... وأظن أن رأي هازال من رأيي ولآآآآ أيه رأيك يا حبيبتي
هازال رفعت رأسها فشافت الكل مركز معاها: كلام ادهم صحيح يا حماتي وأنا مكان ما يكون فيه ادهم انا هكون معاه ،وهنا وبيتنا واحد بالعكس انا مبسوطه أني أكون معاكم في مكان واحد... بس بعد أذنكم أنا هاطلع فوق لأني عاوزه أنام
زهره بابتسامة: روحي يا بنتي ربنا يوفقك ويرضى عليك
ليان: ماما أنا كمان هطلع على اوضتي وأنام عاوزين مني حاجه قبل ما أطلع
زهره بشفقه: لا يا حبيبتي بس اوعي تنسي تأخدي علاجك قبل ما تنامي
ليان: أن شاء الله تصبحو ع خير... هازال وليان طلعوا وزهره التفتت لـ ادهم
ادهم باستغراب: زهره كانك هتقولي حاجه
زهره: ادهم مش كأنك استعجلت بقرارك يا بني يمكن البنت تحب ترجع على بيتها والله حاسه أنك أحرجتها
ادهم بابتسامة: ماما حبيبتي هازال متعملش حاجه مش مقتنعه بيها ولو كانت عاوزه تروح كانت قالت ولا يهمها .. والشيء التاني أحنا لازم نوقف مع ليان في محنتها يا زهره ودلوقت تصبحو على خير
ألكل: وأنت من أهل الخير... ادهم طلع على غرفته
زهره: محسن انت ليه ساكت من بدري
الجلاد: والله ما أعرف أقول لك يا ايه يازهره بس بجد مش عارف ازاي أكافئ هازال عشان وقفتها مع ليان... لأن بجد البنت دي أصيله رغم صغر سنها
زهره: اه والله هي فعلا بنت حلال مع أنى كنت خايفه منها وقت ما خطبها ادهم... لكن الحمد لله هي وأهلها أخلاقهم عاليه
الجلاد بابتسامة مسك ايد زهره: الحمد لله... ودلوقت سبينا من ادهم ومراته وطمنيني عنك انتي وحشتيني يا عمري
زهره بابتسامة خجل: وأنت كمان وحشتني يا قلبي... وربنا لا يعيدها علينا أيام
الجلاد افتكر عز : أمين يا رب وربنا يرحم عز مات وهو في عز شبابه بس الحمد لله على كل حال
زهره وهي تربت على كتف الجلاد: ده حال الدنيا والله أعلم مين عليه الدور الله أعلم ويلا يا حبيبي خلينا نطلع على غرفتنا لأني والله تعبت ونفسي أنام
الجلاد: طيب يا حبيبتي قومي... قامو طلعوا على غرفتهم وناموا
أنت تقرأ
ارهقتي رجولتي بجنون العشق
Romanceالمقدمه هو انسان لا يقبل النقد مهما كان نوعه، أو التحدي لأي سبب. متسرعٌ دائماً في قراراته، بسبب عصبيته الزائدة.لا يقبل الرأي الذي يعارضه، أو يناقشه، حيث يكون دائماً متمسكاً برأيه، فهو عنيدٌ لا يكسر. اما هي عنيده لا تحب فرض الأمر الواقع عليها سريعه...
