نرجع عند البنات
أسماء وهي تتصل على هازال: الو فينك يا عسل أنا عند باب أهل جوزك
هازال: أوكي يا عمري حالا ابعت لك روز عشان تجيبك عندنا على الجنينه
أسماء: طيب يا قلبي... هازال بعتت روز لأسماء واللي دخلت وقلعت الطرحه ورتبت شعرها ودخلت تحت أنظار شخص لمحها من المراية من غير ما تشوفه.. وعلى دخولها على الجنينه قابلت نوره فسلمت عليها وكملت طريقها مع روز على المكان... نوره دخلت وشافت أخوها قاعد ومبتسم
نوره بتعجب: أنت قاعد هنا الله اومال ازاي عدت أسماء
ريان بتعجب مصطنع: ومين بتكون أسماء دي كمان... وأنا علي ما اظن أننا ماعندناش واحده من البنات بـ الاسم ده
نوره: أسماء مش من العيله أسماء بنت خالة هازال مرات ادهم وأختها في الرضاعة
ريان باستنكار: لا ما شفتش أسماء ولا معاني وأصلا أنا كنت سرحان
نوره قعدت: على العموم عامل ايه يا حبيبي واخبار صحتك
ريان بابتسامة: الحمد لله مبسوط والله... أنتي الي عامله ايه وفاضل كويس
نوره: الحمد لله بس غريبه جيت بيت عمي لأني من ساعه ما اتجوزت ولا جيت عندي غير مرتين وبس ولا كأني أختك الصغيرة
ريان: والله حتى دلوقت جيت لأني وصلت خالتي زهره لولا كدا ماكنتش جيت .. وهي أصرت علي اقعد وأتعشى معاهم هي وعمي
نورة: خالتي وفين خالتي... قطع كلامهم دخول ماهي وقدمت العصير لريان
ريان بابتسامة لماهي: شكرا... خالتي طلعت عشان تغير هدومها وتنزل
نوره بابتسامة: أوكي أنا هقوم وهرجع عند البنات
ريان شدها: لا خليك شوي معايا لحد ما تنزل خالتي وبعد كدا روحي بدال ما أنا قاعد كدا بكلم نفسي زي المهبول... نورة ماتت من الضحك من تعليق أخوها
فاضل دخل: أن شاء الله دايما ضحكتك ترن .. وبعد ما سلم على ريان وقعد جنب نوره/ ضحكيني معاك يا قلبي
ريان بغرور: بتضحك عليا لأني قلت أني قاعد بكلم نفسي زي المجنون
فاضل: وأنت كمان ربنا يهديك في حد يقول على نفسه كدا
----------------------------
وفي الجنينه
سميحه وهي عيونها علي أسماء اللي عاجبتها: بقول ايه يا أسماء أنتي متجوزه يا حبيبتي
هازال واللي ما عجبتهاش طريقة سؤال سميحه: لا مش متجوزه بس كانت مخطوبة بس ماحصلش نصيب
سميحه حست باحراج: أسفه لو كنت ضايقتكم بالسؤال... بس عادي أنا سالت لأنها ماشاء الله حلوة وفيها مواصفات يتمناها أي شخص
ليان حست بان سميحه اضايقت من معاملة هازال: وليه تسألي يا سموحه.. ولا أنتي ناويه تخطبيها لـ خوك شاكر... سميحه اكتفت بالابتسامة وما ردتش
أسماء: الله يهديك يا هازال ليه كلمتي البنت كدا هي بس سألت سؤال
هازال بحدة: أسكتي أنتي التانية
ليان واللي حبت تلطف الجو: سميحه ايه اخبار البنات متواصله معاهم
سميحه: أه بس مش كلهم بس عفاف وفايزة أما البقية بس لو اتقابلنا في الجامعة... بس أنتي ما قلتليش مش ناوي تكملي دراستك
ليان: لا هرجع اكمل السنة الجاية لأني مستحيل أسيب دراستي
أسماء بنعومة: أه والله كلامك صح لأن الانسان مالوش غير شهادته
ريناد واللي قفلت فونها: أسماء أنتي وهازال في نفس التخصص
أسماء: أكيد وفي نفس القاعة كمان
ريناد بابتسامة: ماشاء الله عليكم ربنا يخليكم لبعض
الكل: أمين
نوره: السلام عليكم
ليان: نوره كنتي فين أنتي من بدري قلتي رايحه تسلمي على أخوك ولا رجعتيش
نوره قعدت وبصت لـ أسماء عاوزه تتأكد من شيء: أيوه روحت وسلمت عليه وهو قاعد في الصالة حتى فاضل لسه جاي
ليان: امممم أوكي
نوره: اخبارك يا أسوم... أسماء وهازال بصو لـ نوره باستغراب
أسماء بابتسامة ناعمة: الحمد لله كويسه يا حبيبتي أنتي الي عامله ايه واخبار الحمل معاك
نوره بتلميح: الحمد لله يا قلبي مبسوطة اني شوفتك النهارده
أسماء باستغراب وهمس لهازال: هازال مالها سلفتك وأخت جوزك مالهم بجد النهارده والمصحف انا مش مطمنه
هازال بنفس الهمس: سيبك منها ولو عملتلك اي حاجه وضيقتك انا هعرف اتفاهم معاها
ماهي بابتسامة: مدام ليان فنش
ليان: أوكي شكرا ماهي... بنات يلا نقوم نتعشى... و البنات اتعشوا وبعد كدا كملوا سهرتهم وعلى الساعة سبعه روحو سميحه وريناد مرات ايهاب على بيتهم
أسماء: أيوه يا كمال فيك ايه ليه اتاخرت عليا
كمال: أنا قريب منك خليك جاهزة واوعي تتاخري عليا في الخروج سامعه
أسماء: أن شاء الله بس أنا مش في بيت هازال أنا في بيت أهل جوزها
كمال: طيب مع السلامه
أسماء بابتسامة: مع السلامه
هازال: فينه قريب
أسماء: أه بيقول هو قريب فياريت تخلي روز تجيب شنطتي لأن نوره بتقول اخوها وجوزها في الصالة
هازال: طيب يا حبيبتي... هازال اتصلت على روز وطلبت منها تجيب شنطه اسماء
نوره: أسوم خلينا نشوفك مره تانيه لأني بحسك قريبة مننا
أسماء بابتسامة: أن شاء الله يا قلبي...أسماء اخدت شنطتها وودعت البنات ورجعت على البيت مع أخوها
ليان بتعب: آآآآه والله تعبت خليني أقوم وأطلع على اوضتي أخد دش وأصلي وأنام
هازال: صح تعب بس والله انبسطنا وفرفشنا شويه
ليان بعتب: الحمد لله... بس والله يا هازال زعلتيني لما كلمتي سميحه بالطريقه دي لأنها بس سألت أختك تجاوبيها أنتي بالاسلوب ده
هازال بكل جديه: وهي ليه تسال أصلا ما كانش له داعي أنها تسألها لأني حسيت بأنها أحرجتها
ليان بضحكه: وليه أحرجتها وأنا زي ما قلت لك أهل سميحه بيدور لشاكر علي عروسه فممكن أختك عجبتها عشان كدا سألت
نوره بتساؤل: أنتم عن مين بتكلمو بالظبط
ليان: عن أسماء أخت هازال
نوره بصدمة: ليه أسماء مش مخطوبة وأظن أني سمعتك ياهازال بتقولي إنها هتكتب كتابها فايه الي حصل
هازال بهدوء: مفيش نصيب وحصل خلافات واهل العريس زعلوا وبعد كدا رجعوا تاني بس أسماء رفضت
نوره بابتسامة قامت: يمكن خير يا حبيبتي... ياشيخه بس انتي مكبره موضوع سميحه لما اقوم اروح عند ريان... ليان وهازال بصو لـ بعض باستغراب من نوره وتصرفتها
هازال: الحمد لله والشكر على نعمة العقل بنت عمك والله مش طبيعية يا ليان
ليان ضحكت: قومي وخلينا نطلع ننام ده أفضل حل لينا
أنت تقرأ
ارهقتي رجولتي بجنون العشق
Romanceالمقدمه هو انسان لا يقبل النقد مهما كان نوعه، أو التحدي لأي سبب. متسرعٌ دائماً في قراراته، بسبب عصبيته الزائدة.لا يقبل الرأي الذي يعارضه، أو يناقشه، حيث يكون دائماً متمسكاً برأيه، فهو عنيدٌ لا يكسر. اما هي عنيده لا تحب فرض الأمر الواقع عليها سريعه...
