البارت 19 ت
في بيت الشناوي
ساره بخبث لـ هازال واللي كانت سرحانة: هازال حبيبتي ما فيش حاجه في الطريق
هازال بغباء: حاجه زي ايه
سارة بضحكة: هههه لا سلامتك يا عسل وأنا متأكدة بأنك عارفه انا اقصد ايه بس بتستهبلي عليا
هازال والي حبت تهرب من سؤال سارة: والله شكلي هقوم وأروح علي بيتي عشان أروح وأجهز للجامعه
أم خالد: الله مش أنتي قلتي إنك بتروحي بعد المغرب
هازال بابتسامة: عادي ياماما ع بال مروح واجهز واستني رجوع ادهم يادوب وكمان عاوزه افوت علي السوبر ماركت اشتري شويه حاجات للتلاجه لان ادهم مش بيفضي من شغله والسواق واحد حمار اي مطب هوب يلزق فيه
سارة: مممم خلاص نصلي المغرب ونطلع سوى مع السواق وناخد ليندا معانا نقضي كذا حاجه وبعديها نوصلك ونرجع للبيت
أسماء: لا يا قلبي وصلوني انا الاول لأني عاوزه اذاكر لان ليندا دي غبيه ومش بتحب تذاكر خالص
هازال: مالها ليندا بقي والله شاطره انتي بس الي خلف خلاف ومش بتحبي تروحي معاها
أسماء باستغراب: اروح فين معاها بالظبط... وبحدة/ لا يا حبيبتي أنا ماليش خلق خالتي تقولي أن انا بوظت بنتها(بالتبنيي)
أم خالد: هازال حبيبتي انا حطيت أكل لـ ادهم لما تيجي مروحه خديه معاك
هازال بابتسامة: أن شاء الله .. تسلمي يا ست الكل، ويارب ما يحرمني منك
الكل: أمين
أم خالد: هازال بلاش تطولي حبيبتي علينا حاولي تيجي عندنا لو حتي مره من كل اسبوع
هازال بابتسامة: أن شاء الله هحاول ويمكن أجي وأتغدى معاكم يوم الجمعة لو وافق ادهم
أسماء بخبث: الله هو انتي مش بتروحي على بيت جدة جوزك الأسبوع ده
هازال الي افتكرت الي حصل لها في آخر زيارة: لا مش هروح وحتى لو ما جيتش هنا هقعد في بيتي... أسماء استغربت من نبرة هازال بس ما حبتش تعلق وفضلت السكوت
سارة: أن شاء الله يوافق على الأقل تشوفي هدى لا نها بتقول انك وحشتيها قوي
هازال: طيب ليه ماتيجو انتو عندي البيت وتزوروني
أسماء: والله المفروض أنتي اللي تعزميني يا هانم
هازال عطت أسماء نظرة بمعنى أسكتي: خلاص أن شاء الله اشوف يوم وأقولكم تيجو عندي نتعشا سوي وانتي كمان يا ماما لازم انتي وبابا تيجو
أم خالد: أن شاء الله علي خير...
فات الوقت بسرعة وهازال رجعت على بيتها على العشاء وأول ما دخلت نادت روز عشان ترتب الاغراض اللي اشترتها وبعد كدا خرجت وقعدت في الصالة واتصلت على ادهم بس للاسف ما ردش عليها
****************************
في بيت الجلاد
زهره: قولي يا محسن انتو ليه قررتو الشبكه وكتب الكتاب في الوقت القصير ده والله مانلحقش نجهز البنت
الجلاد: أن شاء الله تقدري يا حبيبتي بس المشكلة في كل ده ازاي نقدر نقنع ليان
زهره: أه والله كلامك صح بس والله أنا متأكدة أنها مش ها ترضى
الجلاد: لا في واحد بس يمكن يقنعها... وبتفكير في أخوها ادهم.. وفي نفس اللحظة دخل ادهم وفاضل وكريم اللي كان يبكي... الجلاد بص لـ زهره الي كانت نفس الاستغراب والدهشه
ادهم وفاضل: السلام عليكم
الجلاد وزهره الي باصين باستغراب من أشكال عيالهم: وعليكم السلام
الجلاد عيونه ع كريم وبتساؤل: مين ده اللي معاكم... ابن مين وليه بيعيط وليه أصلا جايبينه معاكم
فاضل بص لـ ادهم اللي كان ساكت وبعدين التفت لأبوه وبتردد: ده كـ ريـم يـ ــا بابا
الجلاد وبخوف وشك: ايوه ابن مين... بــ ــس لا يــ ـكــ ـون
ادهم قاطع ابوه:كريم ابني يا بابا ابني من لحمي ودمي وصلبي
الجلاد وقع على الكرسي من الصدمة:انت قلت ايه ابنك يا ادهم
زهره بانفعال بعد ما شافت زوجها واقع: حسبي الله ونعم الوكيل فيكم انتم الاتنين ايه مجرمين ميجيش من وراكم غير المشاكل والله لو حصل لابوكم اي شر مستحيل اسامحكم طول حياتي
ادهم راح قعد جنب أبوه وهو يبكي زي الطفل: بابا والله أحنا أسفين ربنا يخليك سامحني
الجلاد بتعب: ليه تعمل فينا كدا ليييه يا ادهم ليييه
فاضل قرب جنب أبوه: بابا الله يخليك أسمعه والله اللي حصل كان غصب عنه
كريم لما شاف الجلاد تعبان راح طبطب ع كتفه وقالو ببراءه: انت تعبان دلوقت اقول لماما توديك للدكتور
ادهم صرخ في وجه كريم: غور اترزع هناك ربنا ياخدك انت وامك
الجلاد بتعب وعتب: ماتدعيش ع الولد يا ادهم
زهره بحدة: قوم وأطلع بره يا ادهم...ادهم بص لـ امه باستغراب وبعدين بص لـ لأبوه وقام وخرج... وبنفس الحدة لفاضل/ قوم أنت التاني واتصل بالدكتور ربنا ياخدكم أنت وأخوك
فاضل قام بسرعة وأتصل على الدكتور: حالا الدكتور جاي
زهرف بخوف: محسن حبيبي ايه فيك يا قلبي
الجلاد بتعب: آآآآآه... الحمد لله على كل حال يا زهره والله حاسس حياتي بتنتهي بسبب ادهم أو فاضل
فاضل بانفعال: يابابا حرام عليك أنا عملت ايه.
بعد شويه حضر الدكتور وعطى الجلاد أبرة خلته يروح في سابع نومه بعد ما قال ان ضغطه أرتفع عليه عشان كدا تعب وبعد ما وصل فاضل الدكتور لف لقي كريم بيشهق من العياط وهو نايم علي الكنبه فاضل زعل جدا ع كريم لان ادهم مشي وسابه
زهره قعدت جنب فاضل: فين اخوك الحيوان أتصل بيه وخليه يجي وياخد ابنه
فاضل : وفين يوديه بس ياماما الله يهديك
زهره بحدة: والله ماليش فيه خليه ياخده ويرجعه عند امه
فاضل بهدوء: أمه مش هنا أمه في العجمي يا امي
زهره نفخت بضيق: والله أنتم شويه كلاب يعني خلصتم علي بنات القاهره ووصلتم لبنات اسكندريه
فاضل والي بدأ يضايق من كلام أمه: ماما انتي مالك بتطلعي مره واحده ع العموم ام كريم من هنا بس هي سافرت اسكندريه عشـ
زهره بعصبية: حسبي الله ونعم الوكيل فيكم أنا في حياتي ما شفتش عيال زيكم الله يعين هازال ع ما ابتلاها لما تعرف المصيبه
فاضل اتنهد وبهدوء: وانا في حياتي ما شفتش أم تتحسبن على عيالها غيرك ودلوقت عن اذنك يا امي... فاضل خرج وساب أمه واللي حست بأنها قست على ولادها في لحظة غضب وندمت على اللي عملتو و التفتت لكريم واللي بدأ يرتجف من البرد فحست بانكسار في قلبها فقامت وراحت وقعدت جنبه وشالته بحنان وحضنته وبعد كدا باست خده وبعدت شعره عن وشه وفضلت تدقق في ملاحه واللي كانت نفس ملامح ادهم وشويه من فاضل بس فيه شئ غز قلبها وخلاها تحب الطفل اللي ما تعرفش مصيره مع أب مستهتر ما يعرفش أي مسؤولية وأم ما تعرفهاش وما تعرفش ازاي رضيت تتجوز من شخص مش عارف قيمتها ..
أنت تقرأ
ارهقتي رجولتي بجنون العشق
Romanceالمقدمه هو انسان لا يقبل النقد مهما كان نوعه، أو التحدي لأي سبب. متسرعٌ دائماً في قراراته، بسبب عصبيته الزائدة.لا يقبل الرأي الذي يعارضه، أو يناقشه، حيث يكون دائماً متمسكاً برأيه، فهو عنيدٌ لا يكسر. اما هي عنيده لا تحب فرض الأمر الواقع عليها سريعه...
