زهره باستغراب من كلام هازال: انتي تقصدي ايه بكلامك ده؟
لكن ادهم دخل بسرعه قبل ماتنطق هازال وتعرف امه عن ماضيها وبحده : اقولك بدال العياط الي زي العيال ده قومي خلينا نرجع على البيت
هازال بعناد: أنا مش راجعه معاك
ادهم بضحكة ساخرة مسك هازال من معصمها ويشدها عشان تقوم: لا والله... والله ياهانم مش بمزاجك انتي هترجعي معايا غصب عنك ويلا قومي لا أشدك من شعرك
زهره وهي تحاول تفك ايد هازال من ادهم بحدة: هو ايه ده(وبأمر) ادهم اتفضل سيب البنت واخرج
ادهم بشوية عصبية: والله ماانا خارج من الاوضه غير رجلي على رجليها... والله يا هازال لو ما مشيتي معايا هتشوفي وش مش هايعجبك
ليان بارتباك وخوف من عصبية أخوها: ادهم خليها بس شويه لحد ما تهدا وبعدين روحوا على بيتكم
ادهم صرخ في ليان لدرجة أنها نطت من الخوف: اكتمي أنتي التانية لأني ما سالتكيش واختفي عن خلقتي واحمد ربنا انك لسه واقفه كل حته فيك سليمه !!!!
ليان بصت لـ أخوها وبخوف: أنا أسفه وخرجت وسابت لهم الغرفة وعلى خروجها دخل الجلاد
الجلاد: ايه جري مالكم أنتم... وأنت ليه بتصرخ زي القطر الخربان علي اختك
ادهم مسح وشه: مافيش حاجه بس عاوز اخد مراتي وأرجع على البيت وأمي بتقولي خليها هنا وأنا مستحيل أخليها بعد اللي حصل النهارده
الجلاد اتنهد وهز راسه بالنفي: خلاص خليكم أنتم الاتنين وناموا هنا وأظن اوضتك موجوده زي ماهي
ادهم: وليه ننام هنا ونسيب بيتنا
الجلاد بشوية عصبية: ادهم خلاص انتهى الموضوع خلصنا.. ولحد هنا وكفايه بقي
ادهم: طيب يا بابا أنا هاعمل الي تأمر بيه اهم شئ ماتزعلش مني ولا امي تزعل مني وبحدة لمراته/ وأنتي يا هانم اتفضلي قدامي
الجلاد: اتعشوا وبعد كدا أدخلوا ناموا
ادهم: اوك... وبالفعل نزلوا واتعشوا... وادهم يتوعد في سره أنه هيعاقب هازال بطريقته... وبعد ما اتعشوا وفي غرفة ادهم
هازال حطت ايدها فى وسطها: عاوزه أغير هدومي لو سمحت... ادهم واللي كان في غرفة لبسه سمعها بس ماردش عليها... هازال دخلت عليه وبحدة/ أظن أنا بتكلم معاك فبلاش تطنشني لو سمحت... ادهم شد هازال من ايدها وثبت جسمها بايده على الجدار فمنعها من الحركة وحط ايده على بؤها
ادهم وهو في قمة غضبه وبحدة: والله يا هازال لو ما سكتيش لهتشوفي مني الي عمرك ماشوفتي وحسابك معايا لما بس نرجع على البيت... والله لأخليك تفكري مية الف مره قبل ما تاخدي أي قرار... هازال انقهرت من تصرف ادهم وتهديده ليها فماكان منها غير أنها غرزت سنانها في ايده واللي كانت تشد ايده بكل قوه
ادهم دفعها بعيد عنه وهو حاسس بألم شديد في مكان ما عضته: يا بنت الذينا! يعني لسه ما عقلتيش من اللي جالك قبل كدا صح طيب صبرك علي... ادهم شد فوطه من دولابه لدرجة أن معظم الهدوم وقعت على الأرض وحط الفوطه في بؤها وبعدين ثبتها على الجدار وتناوب في عضها برقبتها و في دراعها وأخر شيء في صوابعها وأول ما سابها بعد الفوطه عن بؤها
هازال عيطت و بكل عصبية: يا متوحش والله لأردهالك
ادهم بضحكة سخرية مسك ايده من الألم: المتوحش تلميذك يا مدام هازال... وبحدة/ وكرريها عشان يقابلك اكبر من الي جالك دلوقت سلام يابدنجان ... وخرج وسابها في غرفة اللبس وهي تبكي من شدة الألم
هازال بهمس: حيوان ندل والله لأنتقم منك يا ادهم الكلب... وبعد كدا خرجت وشافته نايم على السرير فراحت وشدت اللحاف منه وبعد كدا نامت جنبه
ادهم رجع شد اللحاف وبحدة: هات لحافي ودي اوضتي وبوسي ايدك اني خليتك تنامي معايا ولو عندك اي اعتراض روحي ونامي في اوضتك الي في بيتكم
هازال قعدت وسحبت اللحاف: أظن أنت اللي روحت بيتنا واتجوزتني فاتحمل نتيجة قرارك... ادهم استغفر وقام وجابلو لحاف تاني ونام جنب هازال اللي كانت تبرطم...
وفي اليوم التاني وعلي السفره
هازال وادهم: صباح الخير
الجلاد وزهره: صباح الخير
زهره بابتسامة: يله تعالوا أفطروا
ادهم لف لـ هازال المتعصبه عشان اللي عملو فيها ورد علي امه: لا ياماما أنا لازم أروح البيت عشان الحق اغير واطلع علي الشركه
الجلاد: أفطروا وبعدين روحوا
ادهم: طيب... وراحوا وقعدوا يفطرو... بس ادهم أول ما مد ايده عشان يأخد العصير من قدام أمه
زهره بشهقه: ادهم ايه الي في ايدك يا بني
ادهم عرف قصد أمه: والله يا امي أنا عندي ناس بتتصرف تصرفات كريم ما يعملهاش
هازال بهمس ما سمعهوش غير ادهم: كريم في عينك يا غبي... وبحدة/ أنت ليه كل يوم تشبهني بكريم ده الي لحد دلوقت ولا شفته من العيله كلها ولا انت قصدك عمي كريم صح
زهره بصت لـ ادهم: أنا اقولك مين هو كريم يا بنتي
الجلاد وادهم في نفس الوقت: لا...
ادهم التفت لأمه: بلاش يا ماما مش النهارده
هازال واللي التفتت لعمها وادهم ثم زهره: لا يا طنط أنا عاوزه أعرف مين هو كريم لأن ادهم كل يوم بيشبهني بيه عشان كدا لازم أعرف مين بيكون
ادهم اتوتر: خلصي أكلك بسرعة عشان أوصلك على البيت وأروح على شغلي لأني مش عاوز أتأخر
هازال: طيب بشويش ... وأنا أصلا خلصت الحمد لله
ادهم وقف: يلا يا انا ماشي عاوزين اي حاجه مني
أالجميع: سلامتكم يا بني وربنا يحفظك... ادهم وهازال خرجوا بعد ما ودعوا أهله ورجعوا البيت وأول ما دخلوا على غرفتهم ادهم طلب من هازال تجهز له لبس ودخل الحمام عشان ياخدلو شاور.. هازال جهزت اللبس وبعد كدا أخدت موبيل ادهم وبدئت تفتش فيه عشان تشوف الصور لعل وعسى توصل لشيء يخص كريم اللي شاغل بالها وأول ما حست بأن ادهم هيخرج رجعت الموبيل بسرعة لمكانه... ادهم خرج ولبس وبعد كدا ودعها وراح لشغله... بس هازال اصرت انها تفتش البيت اللي ما تعرفش معظم الغرف اللي فيه... هازال فتشت كل الغرف الموجودة في بيتها واكتشفت غرفة البلياردو واللي كانت فاضيه تماما وبعد ما خلصت دخلت على غرفة مكتب ادهم وبدأت تفتش في ادراج ادهم واللي كان معظهم مقفول بس لقيت سي دي مكتوب عليه خاص جدا، وفلاش فاسبته في مكانه ظنا منها أنه خاص للشغل ( مع أنها لو كانت أخدته كانت عرفت اسرار كتير عن ادهم وأولها يوم المزرعة اللي خطفها فيه)هازال زهقت فقررت أنها ترجع على غرفتها وبالفعل دخلت وأخدت دش ونامت لحد الساعة ١٢ وأول ما قامت نزلت تحضر الغدا بمساعدة ميري... وعلى الساعة أتنين وربع خلصت وطلعت على غرفتهم وغيرت هدومها ونزلت تستني ادهم وأول ما رن موبيلها ردت
هازال: الووو بقلبي
أسماء بسرعه: اخبارك واخبار صحتك أسمعي مش هاطول عليك بس النهارده عاوزاك ضروري تجيلي علشان فيه ضيوف جاين لي
هازال بتعجب: ضيوف أيه أن شاء الله... وأنتي أصلا لسه راجعه من المزرعة
أسماء: أه رجعت النهارده الصبح أوكي... ودلوقت أسمعيني عاوزك تتشيكي لأن خالتي وهدى كمان بيكونو هنا يارب تكوني فهمتي... وكمان ما تتأخريش علي العصر وتعالي بسرعة
هازال بحدة: لا والله في البداية خلي ادهم باشا يوافق وبعدين أجيلك
أسماء بتأكيد: والله يا هازال لو ما جيتي لأزعل منك.. ولا أنتي أختي ولا أنا أعرفك
هازال: طيب خلاص لايطقلك عرق... وأن شاء الله أجي ويلا باي
أسماء: باي... هازال قفلت من أسماء وقعدت تفكر ازاي تقنع المتوحش لما يرجع انها تروح عند اسماء
ادهم واللي سمع نص المكالمة: مساء الجمال علي المتوحشه
هازال وفقت والتفتت لـ ادهم بابتسامة خبيثه: اهلا بحبيب قلبي
ادهم رفع حواجبه باستغراب: لا والله... من امتى المحبة
هازال راحت ناحية ادهم وبنعومة: ايه الكلام ده بس يا روحي والله انا بحبك لله في لله ودلوقت اطلع غير هدومك واتغدي وارتاح
ادهم رفع حاجب: أخلصي عندك ايه يامصيبه حياتي
هازال برجاء: مممم عاوزه أروح عند أختي عشان عندهم ضيوف
ادهم عقد حواجبه: أختك مين بالظبط
هازال: أختي أسماء
ادهم واللي حب يرفع ضغطها: أتغدا وأفكر لو ممكن تروحي ولالأ
هازال برجاء: لا يا ادهم والله لو ما روحتش عندها هتزعل مني
ادهم: هازال أنا قلت اللي عندي... ولا نسيتي الي عملتيه فيا امبارح فلو نسيتي انا بقي مش ناسي ودلوقت عن إذنك يا عسل حياتي... ومشي وخلاها وهي بتبرطم وهو يضحك عليها
***************************
وفي بيت أهل أسماء...
أسماء: شيماء روحي وألبسي بسرعة وأنزلي عشان لو جات هازال تطلعيها عندي على طول ماشي؟
شيماء بنعومتها الدائمة: اوكشن يا أختي وعلى فكرة كمال جاب الجاتوه وانا حطتهم في التلاجه
أسماء: طيب شكرا... شيماء خرجت وأسماء كملت مكياجها الناعم نوعا ما وبعد ما خلصت بصت في ساعتها اللي كانت خامسة ونص/ يا الله يا هازال كل ده تأخير مع أني قلت لك توصلي ع العصر وتكوني هنا بجد انت واحده معندهاش دم
هازال من عند الباب: أكيد تقصديني صح
أسماء التفتت لها وبزعل مصطنع: لآآآ... كنت خليك جيتي ليه ياهانم لسه واصله والناس على وشك الوصول
هازال ابتسمت ودخلت وقفلت الباب وبعد كدا راحت وقعدت جنب أسماء: أسفه بس والله مش بايدي ادهم كان رافض يجيبني وما رضىش الا بطلوع الروح وبشروط كمان
أسماء اتخصرت: وليه أن شاء الله الأستاذ رافض تيجي عندي
هازال بخبث: لأني أمبارح رفعتلو ضغطه زي ما هو قال فحب يرفع هو كمان يرفعلي ضغطي النهارده
أسماء: وأنتي حضرتك لحد امتى هتفضلي علي الحال ده لامتي يعني
هازال بحدة: والله لو كنتي شفتي عمل فيا ايه ماكنتي قلتي لي الكلام ده ... وفكت الإيشارب عن رقبتها وورتها أثار عض ادهم واللي كان مزرق ومحمر بشكل فظيع
أسماء بخوف: يا نهار احمر لا أكيد جوزك ده عقله ضارب عشان يعضك بالطريقه دي
هازال بخبث: لا هو أنتقم مني لأني عضيته في ايده... فانتقم مني وعضني في تلات أماكن وقال في أي يوم أعضه هو هايزيد في عضي
أسماء بضحكه من قلبها: والله انتو الاتنين ضاربين قومي قومي من جنبي كلب مسعور
هازال ابتسمت: لكن ماقولتليش مين هما الضيوف الي جاين يا هانم
أسماء بتنهيده: أهل صديق أخوي كمال
هازال باستغراب: وليه عاوزين ايه جاين عندكم ليه
أسماء باستياء وشوية عصبية: يا الله يا هازال أنتي في بعض الأحيان يكون فيك كمية غباء غير طبيعي، أنتي ناويه تجنيني يا بنت الناس يعني أنا بقولك أهل صديق كمال جاين يعني في اعتقادك ليه ابو ام الغباء!
هازال بخوف من عصبية أسماء المفاجأة: الله الله انا أنا سألتك بس حضرتك اتعصبتي علي عاوزني اعملك ايه
أسماء : هازال انا بنصحك تروحي عند دكتور نفسي عشان يعالجك من غبائك الزايد اللي أنتي في بعض الأحيان وبصرخه/ يا غبية... وقامت وسابت هازال اللي كانت مستغربة منها... وعلى الساعة سبعة جم الضيوف وخطبوا اسماء واللي انبلهوا عليهم هي هازال والكل طبعا فرحان وعلى الساعة 11رجعت هازال لبيتها.
......................
تاني يوم في بيت ادهم
أسماء: يلا يا حبيبتي خدي بالك من نفسك ولازم تروحي المستشفى علشان تتأكدي
هازال بفرحه: يعني رايك ما اقولش لحد لغايه ما اروح للدكتوره
أسماء: والله يا هازال خايفه تروحي وتقولي لحد وتطلع التحاليل غلط وماتنسيش احنا خام مش عارفين اي بدنجان مشينا علي التعليمات وهما في الصيدليه قالو لازم تروحي عند الدكتوره وتحللي زياده تاكيد من الحمل
هازال ملست علي بطنها: يا رب يا أسوم أكون حامل لأني نفسي أكون أم زي سارة نوره وأختي هدى
أسماء وهي تلبس شوزها: أهم شيء البيبي يكون شبهي ومش شبهك أنتي وأبوه
هازال بابتسامة: أن شاء الله على كدا هيطلع قمر أربعتاشر ماشاء الله
أسماء: على كدا كل يوم هاجيلك عشان تتوحمي عليا
هازال: أوكي يا قلبي وياويلك لو ما جيتيش يا هانم عشان أتوحم عليك
أسماء باستها: أوكي يا حبيبتي يلا مع السلامة
هازال: مع السلامة يا قلبي وشكرا وربنا ما يحرمني منك... وعقبال ما أشوف عيالك أنتي وحماده يا قلبي
أسماء بارتباك: هازال ممكن تسكتي أنا بمجرد ما أفكر في الموضوع بحس بارتباك في معدتي وفي النهاية شكلي هرفض واخلص منه
هازال بانفعال: اوعي يا غبية ترفضي... وبعدين مش قلتي الولد عجبك فاليه بقي ترفضي
أسماء: ربنا يكتب اللي فيه الخير يلا مع السلامة لا كمال يدبحني قبل ما أتجوز
هازال ضحكت: مع السلامة يا روحي وسلمي عليه... أسماء راحت وهازال رجعت على غرفتها وهي في قمة السعادة وتتمنى أنها تروح على بيت أهلها عشان تقدر تروح للمستشفى القريبة من بيتهم وتتأكد من حملها... وطبعا اتصلت على هدى وأمها وقالت لهم كل شيء وأول ما قفلت مه أمها رن موبيلها ومع رنة الموبيل دق قلبها وحست بخوف وبالاخص أن الرقم غريب وبدون أسم فقررت أنها ما ترد ش زي ما وعدت أسماء ولكن مع تكرر الاتصال ردت
هازال ردت بخوف : الوو
المتصل بصوت شبه باكي: الووو هازال فين ادهم
هازال باستغراب: ادهم مش موجود لكن مين أنتي
المتصلة بنفس الصوت بس المرة مقطع: أنـــ ـــا أم كــــــــ ريــــــ م
هازال بغصة وصدمة: ام كريم بس سوري اي كريم بالظبط
المتصلة بشهقة من البكاء: كريم ابن ادهم وانا زوجه ادهم ام كريم يا هازال
هازال: ............
المتصلة بخوف: الووو
هازال: شكلها جاتلها ساكته قلبيه بالشفا ............
المتصلة بنفس الخوف: الو هازال ردي علي ماتسكتيش كدا ارجوك
...........
وفي المكتب
ادهم واللي كان في أجتماع مع أعضاء الشركة
هشام بكل جدية: طيب يا ادهم أنا معاك في كل شيء بس مين بيمسك مشروع المول لأن أنا عندي مشروعين... ادهم التفت لفاضل
فاضل برجاء: لا يا ادهم ولا حتي تفكر... لأني لسه ما خلصتش مشاكلي مع المهندس تبع شركتي
ادهم بشوية عصبية: يعني والمشروع مين الي هيمسكه لاني أنا كمان ماسك مشروع المستشفى ومعظم وقتي بكون هناك عشان أشرف على المهندس فهد... وخلاص باقي لنا تسع شهور عشان نخلص ده لو أستعجلنا في الشغل
هشام بهدوء: طيب هدي أعصابك يا ادهم أحنا اتجمعنا عشان نحط النقط على الحروف مش نتخانق وخلاص أحنا نتفق مع فهد أنه يكون المهندس المشرف على المشروع لأن فهد هو أفضل مهندس عندنا من بين المهندسين فايه رايك
ادهم هز رأسه بالموافقة: طيب على بركة الله... قطعهم رنه موبيل ادهم .. ادهم خرج موبيله وأول ما شاف أسم المتصل/ اهلا يا ست الكل
زهره ببكاء: ادهم تعالي بسرعه علي البيت مراتك مش بترد عليا ومشعارفه حصل لها ايه بسرعه
ادهم وقف بسرعة وبخوف:ليه ايه الي حصل يا امي
زهره بنفس الوضع: والله ما أعرف بس أنت لازم تيجي ضروري لأنك عرفها أكتر مني
ادهم بتوتر: طيب، طيب انا جاي يا امي جاي.. وأول ما قفل
فاضل: خير ايه الي حصل يا ادهم
ادهم واللي كان على وشك الخروج: هازال..هازال.. مشعارف يا فاضل مشعارف ربنا يستر وخرج يجري
هشام بخوف من وضع ادهم: فاضل روح مع أخوك متسبهوش يروح لوحده... فاضل تنح لهشام وبعد كدا استوعب وخرج ولحق أخوه
يتبع
رايكم مهم
أنت تقرأ
ارهقتي رجولتي بجنون العشق
Romanceالمقدمه هو انسان لا يقبل النقد مهما كان نوعه، أو التحدي لأي سبب. متسرعٌ دائماً في قراراته، بسبب عصبيته الزائدة.لا يقبل الرأي الذي يعارضه، أو يناقشه، حيث يكون دائماً متمسكاً برأيه، فهو عنيدٌ لا يكسر. اما هي عنيده لا تحب فرض الأمر الواقع عليها سريعه...
