وبعد مرور أسبوع وفي بيت ادهم
ادهم كان في مكتبه بيشتغل على بعض التصاميم وهازال كانت في المطبخ بتعملو قهوة... فرن موبيل هازال
ادهم: هازال تعالي شوفي موبيلك بيرن حد بيتصل بيك
هازال: ....................
ادهم قام وأخد موبيل هازال ولقى الرقم بدون أسم فخرج وراح لحد عندها: هازال حبيبتي أنتي ليه مش بتردي عليا من بدري بقولك تلفونك بيرن
هازال: معليش يا حبيبي والله ما سمعتك مين اللي بيتصل دلوقت
ادهم: ممممم الرقم بدون أسم يا قلبي
هازال بابتسامة أخدت الفون وحطته في جيبها: ماليش خلق أكلم حد... ودلوقت قولي خلصت عشان نخرج الجنينه نشرب قهوه لأن الجو حلو كمان ليان قالت جايه تسهر معانا
ادهم: لا والله لسه يا حبيبتي ما خلصتش لكن أنتو أخرجوا... وأنا لما اخلص احصلكم وكلها نص ساعه واكون مخلص قشطا
هازال ببتسامه: قشطا يا حبي... اه على فكره يا ادهم أنا عاوزه اعمل عزومه صغيرة أعزم فيها أهلي وأهلك وكمان نعزم خالتو فاطمة وتيته سوسن
ادهم: لا لو بتعزمي أهلنا لازم تعزمي كل العايله مع أني ما أعرفش سبب العزومة الي علي غفله
هازال بتسكب القهوه: سبب العزومة لأنك رجعت بالسلامة يا حبيبي وأنا من ساعه ما اتجوزتك محدش جالي عشان كدا قلت اعزمهم يا روحي انا
ادهم بغمزه: طيب المفروض العزومه تكون للرجاله مش للحريم
هازال: عادي كدا ولا كدا أنت لازم تعزم بابا وعمي وأخواتي وأخواتك وعادي أي شخص تحبه يحضرصح
ادهم بابتسامة: صح طيب وامتى تحبيها يا عسل حياتي
هازال: أيه رأيك يوم الجمعة ويكون عشا
ادهم بعتراض: لا خليها الخميس لأن الجمعة ليلة مفترجه
هازال: طيب خلاص اتفقنا أنت تتصل على الرجاله وأنا على الحريم بس كنت عاوزه رقم خالتو فاطمه وعمتك جوهره
ادهم: أوكي يا حبيبتي اتفقنا ودلوقت أنا هدخل وأخلص شغلي والحقكم
هازال: طيب يا قلبي أنا كمان هاتصل بـ أسماء عشان ننسق للعزومة وكمان نختار المحل اللي ها طلب منه العشاء
ادهم: لالالا انا هبعت اجيب طباخ واشتري دبيحه وبعض الوازم الجنابية
هازال: خلاص أوكي اعمل اللي يناسبك يا قلبي...
هازال وادهم عزموا كل العيلة والكل أنبسط من اليوم لأن كل شيء كان منسق على حسب طلب هازال وادهم
***************************
نرجع للمستشفى عند عماد
عماد: عامله ايه النهارده انسه تهاني
تهاني بصوت متعب: الحمد لله على كل حال بس أنا امتى هطلع من هنا يا دكتور
عماد التفت لنهاد ثم لتهاني: ليه للدرجه مليتي مننا
تهاني بنفس الوضع: لا بس خلاص عاوزه أرجع البيت... وأنا حاسه نفسي بأني افضل حاليا
عماد بابتسامة: بس الموضوع ده أنا اللي يقرره... ومش أنتي يا أنسه تهاني
تهاني واللي كانت منزله رأسها في الأرض: لا يا دكتور أنا بجد حاسه أني بخير وأقدر امارس حياتي بشكل طبيعي
عماد: طيب أوكي بس هتفضلي معانا يومين أتأكد أنك كويسه ثم تقدري ترجعي على بيتكم
تهاني: طيب شكرا
عماد: نهاد خلاص وقفي السيروم وأمشي على باقي العلاج... وأنتي يا أنسه تهاني ألف سلامه عليك
ام جاسر: شكرا يا دكتور وربنا يوفقك
عماد ابتسم: عادي يا خالة ده واجبنا ودلوقت عن أذنك... وخرج هو ونهاد
تهاني:ماما فين بشري ليه ماجاتش النهارده
أم جاسر: اتصلت من شويه وقالت إنهم في الطريق هي وأخوك ليه عاوزه حاجه حبيبتي
تهاني: لا يا حبيبتي سلامتك
أنت تقرأ
ارهقتي رجولتي بجنون العشق
Romanceالمقدمه هو انسان لا يقبل النقد مهما كان نوعه، أو التحدي لأي سبب. متسرعٌ دائماً في قراراته، بسبب عصبيته الزائدة.لا يقبل الرأي الذي يعارضه، أو يناقشه، حيث يكون دائماً متمسكاً برأيه، فهو عنيدٌ لا يكسر. اما هي عنيده لا تحب فرض الأمر الواقع عليها سريعه...
