البارت ١٣
زهره بخوف: ماعرفش يا امي.. بنات الله يخليكم اتحركوا جيبوا ميه أو اتصلوا بالدكتورة
ادهم بحدة: خليها تموت ربنا يخدها... وخرج وسابهم
روان جابت كوبايه الميه ...وزهره اخدتها منها وحطت شويه علي ايدها وغسلت وش هازال
***************************
نرجع للبنات
ليان ببكاء وخوف: والله حرام لييييه ادهم يعمل فيها كدا انا اول مرة اشوفه متوحش كدا
روان: ليان حبيبتي خلاص أهدي أكيد في شيء بينهم حصل وانتي متعرفهوش
ليان بنفس الحال: وحتى ولو... ماكنش من حقه يضربها بالوحشيه دي
نوره بعد ما شافت هازال زعلت عليها: طيب هو ليييه ضربها فهميني
ليان بحيره: والله ما أعرفش يا نوره ما أعرفش
نوره لفت لغاليه اللي كانت خايفه فراحت عندها وأأعدت جنبها: غالية لا يكون لك يد في اللي حصل
غالية بارتباك واضح: أأأأنا ليه! انا مالي وبعدين انتي ليه مفكرة اني ليا يد...انا اصلا ايه دخلني فيهم وادهم انا خلاص خلاص مش عايزاه
نورة حست من أرتباك غاليه أن ليها يد في الموضوع وبهمس: ليه عملتي كدا مش حرام عليكي البنت كانت هتموت في ايده وذنب البنت دي في رقبتك
غاليه بنفس الوضع: والله ما كانش قصدي وماكنتش أعرف انه هيضربها كدا وبالوحشيه دي يانوره...وشويه ودخلت دريه والجده سوسن
الجدة : بنات مين فيكم اللي اتصلت ب ادهم وقالت له أن مراته في الجنينه مع فارس(ابن عمه)
البنات: ........ ساكتين ومحدش رد
الجدة بحدة: ردوا عليا لا والله أدخل أبو كل واحدة منكم في الموضوع........
**************************
في بيت الجلاد
زهره بدموع دخلت وقعدت جنب محسن الجلاد
محسن: نامت
زهره بحزن: أه نامت... والله تقطع القلب وبمجرد ما افتكر الي حصل جسمي كله يقشعر وجسمي كله يتلبك ...اصلك يا محسن ما شوفتش منظرها وهو نازل فيها ضرب والمشكله البنت كانت مستسلمه علي الاخر كانها مستنيه الموت علي ايده..وعمري ابدا ما تخيلت ابني يعمل في واحده ست وضعيفه كدا ...ودلوقت قولي رد عليك الحيوان ابنك
محسن بغضب: أيوة رد... ودلوقت يجي
زهرة: طيب أنا طالعه علي اوضتي لاني مش عايزة اشوفه بعد الي عمله في البنت
محسن: طيب يا حبيبتي أنا هتكلم معاه واحصلك..
دخل ادهم....زهره بصت لادهم نظره متغلفه لوم وعتاب وسابته ومشت
ادهم دخل لابوه:مساء الخير
محسن اتنهد: اهلا اترزع يا استاذ
ادهم نزل راسه وقرب وقعد جنب ابوه:اهلا بيك يا بابا
محسن بهدوء: ممكن تقولي ايه التصرف الهمجي الي عملته في بنت الناس
ادهم: ........ لا رد
محسن بعصبيه: طيب ماتردش... بس احب أقول لك أنك ظلمت البنت لأن اللي شفتها ما كانتش هازال.... ... كانت واحدة من بنات عمك
ادهم واللي كان مُصر على كلامه: لايابابا... والله اللي شفتها كانت مراتي وأنا متأكد
محسن بشوية عصبية وأستغرب من ادهم: يعني أنت بتكذبني يا زفت
ادهم بارتباك: لا يابا...انا مش قصدي اكذبك ومهما يكون انا مستحيل اقول عنك كداب يا بابا...
محسن: تهورك واستعجالك هيخرب بيتك المشكلة أنت اللي مختار البنت وأنت عارف أخلاقها فأزاي تصدق اي شئ يقلهولك ...وفارس نفسه حلف انه مكلمش مراتك وكان بيكلم بنت من بنات عمك والبنت اول ما شافتك خافت لانها كانت بشعرها وخافت تضربها
ادهم بهدوء: طيب لنفترض أنه زي ما بتقوله انها مش هازال الي كانت واقفه مع فارس...طيب مين الي اتصل وقالي مراتك واقفه مع فارس في الجنينه ولو مش مصدقنا تعالي بنفسك وشوفها واقفه تتكلم معاه
محسن بحده: وأنت طبعا روحت زي الطور ومسكت البنت وطحت فيها ضرب صح... بس أنا حابب أأكد لك أن هازال ما خرجتش من البيت وكذا شخص شهدوا ليها... والوقت اللي بتقول حضرتك انهم اتصلوا بيك هي كانت في الصالة منتظره القهوة هي وليان وأظن أنت شفتهم بنفسك لما دخلت على الصالة والمفروض تسألها.. مش تطيح في البنت ضرب لدرجة أنه أغمى عليها لأن حضرتك ما رحمتهاش من الضرب وكنت ناوي تموتها من غبائك... وبهدوء/ ادهم يابني هازال امانه فحرام اللي عملته فيها... وأهلها لو عرفوا عمرهم ماهيخلوها عندك وممكن توصل للطلاق
ادهم بصدمة: طلاق والله مستحيل أطلقها لو عملوا ايه
محسن بسخريه: لا والله عايزهم يسكتوا لك وأنت طاعن في عرض بنتهم
ادهم بتنهيدة وندم: يمكن أكون غلطان... بس خليك مكاني لما يتصلوا بيك ويقولولك مراتك واقفه مع شاب غريب بالنسبةلها هيكون ايه رده فعلك غير كدا يا بابا انا بحبها وبغير عليها حتي من اخواتها الرجاله اعمل ايه غصب عني
محسن جز علي سنانه: تغير شيء وتشك فيها شيء تاني... وعلى العموم الله يهديك ويصبر هازال عليك لأنك لو كنت جوز بنتي والله ما أخليها تعيش معاك لو دقيقة واحدة اشحال أنا أبوك بقولك الكلام ده فما بالك لو كان شخص غريب
ادهم كان بيقلب كلام أبوه في دماغه: .................
محسن: طيب أنا طالع هروح أنام
ادهم بتردد: طيب هازال فينها يا بابا
محسن: هازال نايمه فوق... واعمل حسابك هي هتقعد عندنا كام يوم لحد ما تهدى أعصابها وأتمنى أنك ما تضايقهاش يا ادهم
ادهم: طيب بس خليني أتكلم معاها يمكن ترضى تسامحني
محسن بحدة: لا مش هتشوفها... وسيب البنت في حالها لأنها بجد أعصابها تعبانه وما قدرتش أمك تنيمها الا بطلوع الروح
ادهم مسح وشه بكفوف ايده: طيب هي فينها دلوقت
محسن: فوق في اوضتك نايمة
ادهم هز راسه بالموافقة: طيب عن أذنك أنا مروح البيت علشان أنام
محسن: في حفظ الرحمن وربنا يهدي النفوس يا بني
ادهم : آمين مع السلامة... ادهم خرج وراح على بيته وقلبه بيأكله على هازال اللي ضربها وظلمها بالباطل... ومحسن الجلاد طلع على اوضته هو كمان بعد ما اتخانق مع اخوه بسبب الي عملته غاليه في هازال
أنت تقرأ
ارهقتي رجولتي بجنون العشق
Romanceالمقدمه هو انسان لا يقبل النقد مهما كان نوعه، أو التحدي لأي سبب. متسرعٌ دائماً في قراراته، بسبب عصبيته الزائدة.لا يقبل الرأي الذي يعارضه، أو يناقشه، حيث يكون دائماً متمسكاً برأيه، فهو عنيدٌ لا يكسر. اما هي عنيده لا تحب فرض الأمر الواقع عليها سريعه...
