البارت السابع
منه محمد
خرجت وطلعت على اوضتها واللي كانت أسماء قاعده منتظرها على أحر من الجمر
أسماء بابتسامة: اخيرا شرفتي ياست العرايس ها بشريني شوفتي العريس كان عامل ازاي شكله حلو ولا وحش
هازال بصت ل أسماء وبصوت باكي: والله حاسه اني هموت أو أتجنن يا اسماء
أسماء عقدت حواجبها وبخوف: ليه يا هازال انتي ماعجبكيش العريس
هازال واللي مازالت مصدومة: ادهم طلع أخو فاضل يا اسماء
أسماء بتعجب: مين فاضل
بقلم منه محمد
هازال: فاضل الولد اللي اتخنقنا معاه أيام فرح أخوي خالد مع أني حاسه بأن ادهم وفاضل نفس الشخص لأننا اتقابلنا قبل كدا ولأن ريحة البرفيوم بتاعه مش غريبه عليا
أسماء بحيره: والله لو كان كلامك مظبوط ده معناه هو اتجوزك بدافع الانتقام مش حب فيكي
هازال بلعت ريقها: أسماء والله انا خايفه يطلقني بعد الجواز ع طول وساعتها مش هترحم من كلام الناس
أسماء بخوف: والله لو حصل كدا حيكون أكبر مشكله لكن إحنا لازم نتصرف
هازال بسخريه: نتصرف وازاي نتصرف يا فالحة قوليلي.. وقبل ما ترد أسماء دخل خالد عليهم وكان علي اخره...هازال وأسماء وقفوا بسرعة اتفزعوا من دخلته كده فجاه
خالد راح ووقف قدام هازال وبصريخ وشدها من ايدها: أنتي بجد حيوانه ولا بتتكسفي علي دمك ازاي تقولي للراجل يقوم يروح بيتهم وهو اول مره يجي عندنا
هازال بارتباك: والله العظيم ده عيل كداب ما قلت له الكلام ده بالمرة
خالد بنفس الصريخ ونفض ايدها: انكتمي ياللي مش بتتكسفي علي دمك كمان بتكدبي الراجل بجد انتي قليله الادب
أسماء: خالد ارجوك وطي صوتك علشان خالتي لا تسمعك هي وعمي وأنت عارف هازال مستحيل تطرده ويمكن هو بـ يتبلي عليها
خالد بص جهه أسماء وبحدة: لا والله يعني الراجل بيتبلى عليها لكن طبيعي تقولي كدا فردة ولقت أختها
ساره دخلت قطعت الخناق: خالد أنت هنا وأنا بدور عليك
خالد: نعم خير ايه عندك أنتي التانية
سارة: مامتك عايزاك علشان تاخد عمي معاك على المسجد
خالد بحدة: أول ما أرجع من المسجد هديكي رقم ادهم تتصلي بيه وتعتذريلو ويارب يقبل
ساره: خالد إحنا بنصلي وبنخرج علشان هدى جاي تاخدنا
خالد لف لسارة : وعلى فين بتروحوا يا مدام
ساره بارتباك: رايحين على المحلات علشان نشتري لهازال هدوم جهزها ومتنساش ان فاضل شهر علي جوازها يعني يادوب نلحق نجهز!!!
خالد بسخرية: تجهزوها أهم شيء انتبهوا انها ماتهربش مع نفس الشخص اللي هربت معاه قبل كده وتفضحنا قصاد جوزها ...هازال رفعت راسها وبصت لخالد بقهر طنشها وخرج وسابها بحرقتها من اتهامه الباطل
ساره بخجل من تصرف خالد: معليش يا هازال متزعليش منه صدقيني هو خايف عليكي ومهما يكون هو أخوكي ودلوقت صلوا والبسوا قبل ما تيجي هدى علشان نروح
هازال بصوت باكي: روحوا أنتم أنا تعبانه ومليش نفس أروح أي مكان واشتروا اللي عايزينه لأني واثقه في ذوقكم... أسماء بصت لسارة بحزن علي حاله هازال
أسماء: أقولك طنشي كلام خالد يعني بضيقي نفسك على شيء ما يستاهلش ولا حضرتك عايزنا نتعب وأنتي تقعدي يادلوعه في البيت لكن والله لو ما روحتيش معانا لا أشتري لك قمصان نوم هشك بشك تخليكي تحملي من الأسبوع الأول
هازال احمر وشها من كلام أسماء وبغضب: أسوم انتي قليله الادب
أسماء وساره: هههههه من هازال
سارة: والله أنتي عسل يا ست البنات ودلوقت يلا جهزي نفسك علشان نروح ونلف ونخربها
أسماء بابتسامة: دقايق ونكون جاهزين إن شاء الله يا سوسو... سارة مشت تروح لجوزها تهدي اعصابه
أسماء صعبت عليها هازال حبت تفكها: هازال جوزك البخيل جابلك معاه ايه
هازال بدون مبالاة: جاب باقة ورد جوري أحمر ومعاها هديه ودلوقت ممكن تسبيني اصلي والبس علشان نقدر نروح وبطلي تساليني اسئله عنه ولا تجبيلي سيرته وش الفقر ده .. أسماء فصلت من الضحك عليها وهي بتتكلم عن البومه ادهم
هازال راحت مع أخواتها وبنت عمها على السوق وطبعا كل واحد كان يختار لها شيء أما هي فكانت في عالمها وفي حياتها اللي بتبدأ مع شخص كان أخوها هو سبب دمارها... وأول ما تعبوا قعدوا في الكوفي علشان يشربوا شاي
هدى باستغراب من هدوء أختها: هازال حبيبتي مالك انتي النهارده مش علي طبيعتك قوليلي بتفكري في ايه
هازال بابتسامة بارده: ولا حاجة حبيبتي
ساره بخبث: أكيد بتفكر في حبيب القلب وتتمنى قربه النهارده قبل بكره
هازال عقدت حواجبها: تقصدي مين يا سارة
أسماء بضحك على هازال: تقصد ادهومه يا غبية
هازال بفزع وهمس بعد ما لمحت شخص بصصلها بتركيز: أ..أ...ادهــــــــم ولفت لأسماء
أسماء: اه ادهم بت مالك انتي النهارده فعلا مش طبيعيه...هازال بصت ليهم وقامت وراحت للشخص الي كان واقف بيبصلها بتركيز
فاضل باستغراب: خير نعم جايه لحد عندي ليه
هازال بحدة: أنا برضه اللي جاية عندك ولا حضرتك اللي ما عندكش شغلانه وقاعد تراقب فيا
فاضل بضحكة سخرية: انتي عبيطه وارقبك ليه انشاء الله وانا مالي بيكي علشان ارقبك اظن انتي دلوقت بقيتي واحده من عيلتنا وانا مجبور احترمك لانك مرات اخويا واحمدي ربنا ان ادهم مش هنا ولا كان دفنك في مكانك علشان تعرفي تمشي بلبس عريان ومحزق وملزق علي جسمك
هازال عرفت بأن ظنها خاب وبدون شعور اتعصبت على فاضل: ربنا ينتقم منك ويدمرلك حياتك زي ما دمرت حياتي ...وانا ولا عرفاكم من بعض ناقصه تشقلبولي حياتي ربنا يخدك انت واخوك في يوم واحد قول امين ... اتجمعوا صحاب فاضل وادخلوا لفض الاشتباك بينهم بس فاضل فاق من صدمته ووقفهم بعيد.. أما هازال بصت لفاضل من فوق لتحت بحتقار ورجعت للبنات
هازال /هدي يلا بينا انا عايزة ارجع البيت لو ممكن
هدى واللي شافت كل حاجه: ممكن تقوليلي مين الشاب ده الي روحتي واتكلمتي معاه ياهانم من غير لا خشي ولا كسوف
أسماء واللي عرفت فاضل على طول: يلا يا بنات أنا نسيت حاجاتي في المحل هازال تعالي نروح بسرعة ونجيبها ونرجع... أسماء قامت وسحبت هازال بسرعة وسابوا ساره وهدى
اسماء بعصبيه:ممكن تقوليلي ايه الي وداكي عند فاضل
هازال واللي خافت من كلام فاضل وارتبكت على طول: كنت مفكراه ادهم وقاعد يرقبني بس طلع أخوه الحيوان
أسماء بحدة: هازال أنتي لازم تنسي اللي حصل بينك وبين فاضل انسي بقي لانك اتجوزتي اخوه بلاش تخربي بيتك بسبب تهورك المجنون ده
هازال بحده : أنتي يا اسماء الي بتقولي كده نسيتي الي عمله معايا وبكل سهوله عايزاني أنسى
أسماء بابتسامة: هازال حبيبتي ربنا يكملك بعقلك ويسعدك خلاص أنسى وإنتي هتتجوزي أخوه ويمكن حصل كل ده عشان تكوني من نصيب ادهم فرجاء متعمليش شئ تندمي عليه طول عمرك ..ودلوقت ممكن تهدي ونرجع نكمل حاجتنا ونرجع علي البيت
هازال وبتفكير في كلام أسماء: طيب اوك... أسماء ابتسمت ومسكت ايدها ورجعوا عند هدى وساره
أسماء: يالله يا بنات لو خلصتوا علشان نروح ونكمل باقي المشتروات... هدى وساره بصوا لبعض بتعجب وبعدين بصوا لايد اسماء الخالية
هدى: أسوم فين الحاجات بتاعتك الي نستيها في المحل
أسماء بعفويه: أي حاجات يا هدى
ساره وهازال: هههههه
هدى: أظن أنك قلتي بأنك نسيتي حاجات في المحل وهتروحوا تجبوها صح ولا انا جالي زهايمر
أسماء عضت على شفايفها وبأرتباك: أف أه صح افتكرت هو الحكاية أنا........
هدى بحدة: الحكاية بما فيها أنتم الاتنين كنتم بتكذبوا صح
أسماء بخجل: في الحقيقة اااه وأنا أسفه... المهم بعد ما خلصوا البنت رجعوا على البيت
أنت تقرأ
ارهقتي رجولتي بجنون العشق
Romanceالمقدمه هو انسان لا يقبل النقد مهما كان نوعه، أو التحدي لأي سبب. متسرعٌ دائماً في قراراته، بسبب عصبيته الزائدة.لا يقبل الرأي الذي يعارضه، أو يناقشه، حيث يكون دائماً متمسكاً برأيه، فهو عنيدٌ لا يكسر. اما هي عنيده لا تحب فرض الأمر الواقع عليها سريعه...
