**المستشفي **
.
.
.
الحلقة الاولي
انا >>اوف اول يوم ليا و انتاخر هكي شن يقولو عليا الناس من اول يوم
وندق علي باب الحمام هيا يا منذر سقدني
منذر >>تي باهي ما تسكنيش هضا كله اول يوم
انا>> قتلك عطيني السيارة قتلي تو نوصلك انا تحمل عادا
منذر >>نوران امسحيلي الكويش صبح صبح وانتي ما تسكتي بكل
ماما >>كنكم انتو لثنين عصبح
انا >>صباح الخير يا مامي شي غير ولدك مركب 😒
منذر >>هيا اطلعي قدامي كملت
انا >>ماما ادعيلي ربي يوفقني
ماما >> ربي يوفقك ويفتحها عليك يا دكتورتنا
وطلعت انا ومنذر ونتعاركو وصلني وحطني قدام مستشفي
منذر >> امتي نجکے؟
انا>>منڈر رھ اول ےوم لپا
منذر>> باهي بعد تكملي رني عليا
انا >> حاضر
نڑلت و خديت نفس وگنت متوترآآ وخايفا بكل فرحانة ان حلمي تحقق و بنقعد دكتوره ومتوتره ومش عارفه گيف حيگون الشغل وناس لي معاي گپف قريت اية الكرسي و خشيت مع باب المستشفي قابلني الاستعلامات مشيت شوورهن
انا >> لو سمحت :/
وگان فے اثنين مقابليني مش فاطنين لي بكل
حسن >> تو انا مش قتلك معش تقربي حاجه مش شورگ مني قالك تكتبي اسم الماريض ؟ مش هضا شغلي انا
نهي >|والله بلكي تسحابني خداما عندگ انا ؟ مغير احلف بس
حسن >>استغفر الله يا ربي
نهى >>حسن ما تعليش صوتك في وجي
حسن >>تي غير روحي انتي وهل روج لي لونه لون تشاديه 😂😂 وقعد حسن يضحك
وانا معش فطنت الروحي الا وانا نضحك معاه عشان فعلا لون الروج كان غريب وصصبح مش وقته بكل
وانا نضحك بصوت عالي بحتت فيا نهي
نهي متعقده >>تفضلي ~_~
انا وحسن مستمرين فضحك
حسن >> عشان تعرفي انك مضحكه بس حتي الناس يضحكو عليكي
نهي >> حسن شوف شغلك
رقالها وعدت من حذانا
حسن >> متعدليش عليها تو شوي اخري ترد وجها بارد تفضلي كيف نخدمك
انا >> عندي موعد مع الدكتور عمر رئيس الاطباء
حسن >> شكلك الدكتوره الجديده
انا >> ان شاء الله ☺
حسن>> دكتور في عمليه تو شويا ويطلع منها تفضلي تريحي
انا >> شكرا وقعمزت
قعدت شويا نتأمل في المستشفي وفجأة نسمع صوت هرجه و صوت اسعاف و دكتور ونهي طلعو يجرو وانا بما ان الفضول يقتل فيا قتل طلعت معاهم
الدكتور >>شن الي صار
المسعف >>حادث عطريق السريع والمصاب بروحه ما معش حد ويده خش فيها قزاز واجد
جا حسن يجري >> اسمه شنو وماسك دفتر وقلم
المسعف>> ما معش اوراق ولا معاه شي تلفون معاه و طافي
وهما يحكو طبعا وحاطين المريض عالبريلا و يجرو بيه وانا نجري معاهم وكنت متوتره بكل
الدكتور>> يده تبي خياطه قدامي افتحو الغرفه 402
نهي >> حاضر وعدت تجري
وكان الدكتور يجري بالمريض وانا جنبه ومش عارفه ليش كنت نمشي معاهم بس كنت متحمسه بكل
