#المستشفي
.
.
.
الحلقة الرابعه و الاربعون
.
.
.
مسكت تلفونها لقيتها حاطه صورتي انا وياها لما كنا فى المغرب فتحت تلفونها و لقيته علي الفايبر قعدت نبحت وجيت بنحط التلفون بس لفتت انتباهي حاجه
واحد حاط صورته اشقر وعيونه ملونات ومسجل في التلفون بكل وقاحه عموري الاصفر :) نخش نكرها من شعرها ولا نعزق التلفون في وجهها ولا شن ندير؟ ؟؟
قعدت نهدي في روحي و نتنفس بروحي ونقول بلكي واحد من اقاربهم خشيت علي المحادثات لقيت ما فيش بينهم كلام ...طبعا اكيد الاخت ماسحه المحادثات لي بينهم ☺
عزقت التلفون بقو قوتي علي الطاولة و طلعت سيبت الباب مفتوح
ركبت في سيارتي وانا مش عارف وين نمشي و شن ندير يعني الدراما هذي كلها عشان في حد في حياتها غيري ؟؟؟ معقوله يعني نوران يطلع منها هكي عقلي بينفجر من التفكير و نحس في قلبي يوجع فيييييا بكل خذيت دخان ونزلت من السيارة في طريق فاضيه ولعت ضي السياره وفتحت الروشن و قعدت نبحت في الناس من بعيد و عرم افكار في راسي
.
.
.
انا مازلت ما نندريش علي شي بكل قاعدة في دار منذر ندور في النت
انا<< ووووك علياا وين حط البلا هضا
منذر << نوران نوران
انا<< تعال تعال وين حاط النت
منذر<<تي سيبي البلا راجلك برا
انا اول ما قالي راجلك برا برمت عليه << كييف محمد قاعد
منذر<< اها في المربوعه قاعد
انا<< اوكي
منذر<< بنركب للسطاح انا بندور حاجه في المخزن
انا<< باه
عرفت انه منذر يبيني ناخذ راحتي مع محمد استجمعت روحي و خذيت نفس و بحتت في المرايه سيبت شعري مبلول و لبست كندرة حوش فيها دب و طلعت
بحتت في المربوعه ما لقيتش حد بس فيه ريحه عمري ما ننساها ولا تحول من بالي ريحة عطر حمادي❤ مخلطه بالدخان بحتت لقيت باب الحوش مفتوح عرفت انه كان هنا وطلع 💔💔
انقهرت عشان كان خاطري نشوفه رايفة عليه بكل 😞
لقيت تلفوني مقلوب علي وجه و مغير مكانه
وهنا كانت الصدمه 💔
شاشة تلفوني مكسوره من فوق 😳😳
فتحت التلفون لقيته محطوط علي اسم عموري طلعت بسرعه ركبت مع الدروج بأقصيييي سرعتي ونسيت اني حامل بكلللل
انا<< منذر منذر
منذر<< نعم
انا<< انت مسكت تلفوني ؟؟
منذر<< لا والله
انا<< متأكد محمد خش للمربوعه
منذر << تي اها خش و قعمز و لقا بطانيتك و دنيتك الشايله
