*#المستشفي*
.
.
.
الحلقه الخامسه
.
.
.
محمد>> يثاوب صباح الخير
حسن>>صباح النور
محمد>> نحسابك روحت
حسن>> نرجي في نهي تجي معش جت
محمد>> اها ربي يعاون
برم محمد يبي يعدي ورد علي حسن
محمد >> قتلك ؟
حسن >> عارفك علي شن بتسأل كانت هنا معايا عالفجر والساعة 5 اختفت
محمد ابتسم وعدا
خش للدار لي كنت راقده فيها
كنت متكيه علي الكنبه و حاطه راسي علي الحاشيه و ايشربي طايح والبالطو مطوح و سالحه الكندره كنت بجد تعبانه بكل
محمد قرب مني وقعد يبحت فيا وابتسم كر البالطو من لوطا و غطاني بيه
انا اول ما حط البالطو عليا حسيت بحاجه مسقعه نطيت محمد وخر انفجع
انا >> اسفه اسفه والله مش قصدي نرقد بس والله تعبت بكل و اسأل حتي حسن ما ليش ساعتين بي كيف رقدت ارجوك ما تعيطش عليا والله ما بقصدي رقدت بس تعبت و بعدين قبل ما نرقد درت تشك علي المرضي كلهم وبع.....
محمد يبحت فيا بنظرة غريبه ما فهمتهش
محمد >> اهدي يا بنت الناس صبح صبح مش قايل شي حتي انا وقعي ولمي الهرجه لي دايرتيها و اطلعي روحي
وبرم طلع بدون ما يراجي حتي شن نبي نقول
فرحت انه ما هزبنيش و لميت حوستي وغسلت وجي وطلعت
انا >> صباح الخير
حسن ونهي >> صباح النور
انا >> حسن عطيني نوقع بسرعة مش قادرة
حسن >> بنطيح علي وجي حتي انا هاكي
ووقعت و قعمزت في الاستقبال نراجي في منذر يجيني
منذر >> انا برا هيا اطلعي
انا >> هيا
وطلعت من المستشفى و روحت للحوش
واستقبلني خويا بالهزايب
خويا الكبير قاسي بكل و كان رافض اني نخش طب اصلا ونقصي و يشك حتى في روحه ومرات توصل بيه لدرجة يمد في يده عليا
بس الحمد لله كان بابا قاعد صباله و نفذت منه علي اخر لحظه و خشيت لداري وانا مش طايقه شي درت دوش اميه ساخنه بكل و طلعت بدون ما نجفف شعري يدوبك لبست و طحت رقدددت
.
.
.
~~~
مشي يوم في المستشفي هادي ما فيش حاالات واجد حاجات بسيطه يجن
نادر >> باتك قال لازم تجو للعشا اليوم جدك يبينا في موضوع
محمد >> فكوني من لماتكم كذا عندي شغل
نادر >> كلم جدك وباتك قولها لهم
محمد >> باهي ما تسكنش في راسي تو نجي
نادر >> حصله
محمد >> اطلع من راسي خيرلك
نادر >> ههههههههه تشاو بنشوف جمانتي
