.#المستشفي
.
.
.
الحلقه الخامسة و الاربعون
.
.
.
والتفتت جيت نبي نطلع
محمد<< نوران انتي حامل ؟؟؟
وقبل ما يكمل كلامه فتحت الباب و طلعت نجري من الدار
محمد<< نوران نوران
وصبا يجري ورايا وانا كنت نمشي بسرعة مش قادره نجري بالقوه ومحمد ورايا و اللي في الممر كلهم يبحتو فينا
خشيت للحمام وسكرته عليا
نهي << شن فيه كنكم ؟
محمد<<مش عارف خشت تجري لحمام
نهي<<مسكينه التعب مبهدلها
محمد بحت في نهي زين و نهي ادق عليا في الحمام وانا جو نرجع وحالتي حاله ..شوية هكي وفتحت باب الحمام
نهي<< كنك ؟؟
انا بحتت في محمد عرفته عرف اني حامل عيونه حمر و عروق يديه بارزات
محمد ساكت
انا<< شي زعمت كبدي بس
ومشيت بننزل الجنان لوطا و محمد ساكت ويمشي ورايا
نزلنا لوطا و طلعت برا شميت هواء نظيف و تريحت بكل و محمد مصبي وانا حذاه بعيدين من بعضنا شوية
محمد<< من امتي ؟
انا << 3 شهور بس ما عرفتش الا من شهر ونص يوم لي كنت تبي تروح من مصر عرفت هه
وضحكة بهزوه
محمد طلع دخان من جيبه << وانا باته لي في بطنك ومن حقي نعرف زي ما انتي تعرفي؟
انا<< عارفه وكنت حنقولك من يومها بس انت عارف لي صار
محمد<< اه
حط الدخان في فمه
انا<< محمد لو سمحت
برم بحت فيا و عزق الدخان بغل و دس الولاعه في جيبه
محمد << اللي تنقصك قوليلي نجيبها لكي و مدامك مقرره
تحملي في حوش هلك وواخذه قرارك ما تحكيش علي حملك ونعرف بالصدفه انه مراتي حامل من مشيتها ومن حركاتها فاخلاص خليكي قد قرارك
انا غمضت عيوني و نزلن دموعي حسيت روحي وجعتله قلبه وحسيته يحكي وهوا مقهور و محروق بكل ما كانش في يدي شي زييي زي اي مراه عرفت انه راجلها يخون فيها حتي لو كان كذب مجرد صورته وهوا قريب من وحده اخري هزت كياني
قعدت ساكته ودموعي ساخنات علي خدي يحرررررقن حرق
حسن<< محمد محمد يبوك طوارئ
وعدا محمد بدون ما يبحت حتي فيا و مشاا للطوارئ وانا رنيت علي منذر و بسرعه روحت
.
.
.
محمد
مشيت الطواريء مع حسن لقيت الدكتور مراد سابقني ويدير في الإسعافات
د.مراد<< لا تمام يدها مفتوحه بس ما تحتاجش عمليه خياطه عاديه بس
محمد<< خلاص عدي شوف شغلك تو نخيطها انا
د.مراد<< تمام
