المستشفى💉🥼

الحلقة الثالثة 3️⃣

**#المستشفي **

الحلقه الثالثه
.
.
.
نهي >> حسونه شن صاير

حسن >> حشيشتكن عيت حنه شيل وجيب الكلام

نهي >> وراس حسونه شني صار

حسن >> اجدي اجدي اخراااا
نهي >> حسن 😠
حسن >> ايوه طلعي عرق الذكر لي فيك هذا هاني لي نعرفه مش ماشي معاك حسونه بكل

نهي >> انا هاني قصدك ؟
حسن >> 😂😂😂 اه انتي هنيوا
نهي >> والله تشوف يا حسن وهضا وجي كان حكيت معاك
حسن>> تي نبصرو تعالي هنا 😂
مع تخطيمت الرئيس عمر

عمر>> احم حسن ما تبيش تعقل وتبطل حناطة ؟
حسن >> والله يا دكتور نبيتك بالله مش نضحك فيك
عمر >> حسن عندك شغل اشقا بيه
حسن>> هههههههههه حاضر يا رايس
عمر >> ايوه وبلا حناطتك

.
.
.

انا >> اوف منذر خويا يرن
جمانه >> ردي عليه وقولي له تو نروح مع دكتوره معايا تونسني هي وخوها
انا >> تو ندزله رساله يسمع صوتي هكي تو ينفجع

جمانه >> باهي

دزيت المنذر رساله و قتله تو نروح مع جمانه وكذبت قتله خوها وخلاص

جمانه>> فهميني شن صاير

انا >> بروحي مش فاهمه شي خشيت عليه نستاذن منه نبي نطلع تجاهلني ولا كاني قاعده عاودت الكلام اخري و صبا قعد يهزب.....

وحكيت الجمانه لي صار مع خشت دكتور نادر

نادر >> انا اسف بكل يا دكتورتنا الصغيره بس والله محمد قلبه طيب لكن الايام هذينا مش علي بعضه

انا >> حصل خير يا دكتور انت وجمانه وكل لي في المستشفي علي عيني وراسي و انا عندي شغل وحا نكمله هوا قالي تقعدي معايا شهر و بعدها تمشي وانا حنكمل الشهر هذا علي اكمل وجه وندير شغلي فيه وبعدين كل حد يمشي في حاله بس خلال الفتره هذي مش حانحكي مع محمد ولا كلمه وارجوك توصله انه ما يحكيش معايا ولا كلمه عشان كا يجرحنيش وعشان سكتتله واجد وهوا بدا يتمادا

نادر >> حقك عليا محمد غلطان ولازم يتحمل نتيجة غلطه ، نطلبلكن حاجه تاكلنها
انا >> لالا نبي نروح

نادر >> معناها هيا نوقع بس و استنني برا تو نجي

طلعت انا وجمانه برا وجا دكتور نادر

جمانه انتي اركبي معاها وانا وراكن بسياره لعند توصلي

انا >> والله عليش اتعب في روحك

نادر >>الساعه 10 ونص بنطلقك بروحك هيا بس

وركبن انا وجمانه فسياره و نادر ورانا وقعدنا انا وجمانه نهدرزو و تحكيلي علي الاحداث لي يسيرن معاهم في المستشفي لعند وصلنا للحوش