#المستشفي
.
.
.
الحلقه الواحده والعشرون
.
.
.
نهي >> اوف
وبحتت في التلفون و داراته صامت وبرمت تبحت من القزاز
حسن قعد يبحت فيها كيف ما ردتش عليه قعد شويا وتردد يمشيلها ولا يسيبها شوية هكي وعدالها
حسن>> صباح الخير
نهي ارتبكت >> صباح لنور
كر حسن كرسي و قعمز
نهي بحتت فيه
حسن>> كنك من عند الصبح قالبه وجد؟
نهي>> لا شي غير تعبانه
حسن غمزلها >> زي المرضه هذكي؟
نهي>> حسن😳
حسن>> ههههههههههه والله كنك
نهي بحتت فيه>> ما في شي والله هكي بنقعد مع روحي شويه
حسن>> انا شبه عرفت شن فيه بطلي تفكير اطفال وخوذي قهوتك وصبي نطلعو برا
نهي انصدمت>> كيف شن فهمت😳
حسن>> اللي جت في بالك توا خلاص متفكريش بس وخلي كل شي يمشي بروحه
نهي عرفت انه حسن فهم ان هي مضايقه من موضوع أمس هزت راسها و خذت قهوتها وطلعت هي وياه يتمشو برا
.
.
.
في الفيلا عند حسناء وحلا و هند عمتهم
حسناء>> حلولا من جدك تحكي ؟؟
حلا >>تي كنكم معايا ؟؟
حسناء>> بس انتي مش عارفه روحك شن تبي😕
هند>> حلا ما تسرعيش ارجوكي
حلا>> اوهووو علينا تو انا قتلكم ان فيه شاب عاجبني و بصدفه جا اليوم في الجامعه وحكالي وقالي عاجبتيني وبنكلم هلك وين الموضوع ؟؟
هند>>باهي ومنصف؟
حلا>> علي اساس انا ومنصف نموتو في بعضنا ؟ تي مش شايلني من ارضي ولد خوك
هند>> استغفر الله العلي العظيم كيدك علي روحك كان قدرتي بس نحن نحكولك عشان ما تندميش بعدين بعد يقعد كل شي جدي
حسناء>> ايوه بزبط بعد يجي ويخطبك ويقعد كلام رجاله معش فيها مهرب بعدين كلنا عارفين كيف تحبي منصف وياما درتي عشان عدا وسافر
حلا >> كنت ☺ وكيف ما كنت نحبه خلاص معش نحبه وبعدين حتي كان مازلت نحبه هوا ما يبادلنيش نفس الشعور
هند>> بدليل القفطان اللي جابه لكي
حلا>> عادي وين الموضوع خلاص فوتن الموضوع
حسناء>> رد بالك بعدين تجيني تشكيلي
حلا>> لالا اطمني😒
.
.
.
عندي انا ومحمد
خشيت قعدت نوتي في الدبش ومحمد نسمع فيه ولع دخان 😑😑 شوي هكي كمله وجاني
محمد>> كملتي دبشك؟
انا>> لالا مازال بنقعدو 10 ايام قتلي صح
محمد>> ان شاء الله لأنه لازم نردو للمستشفي حايسين
انا>> رايفة عليهم بكل
محمد>> حتي انا والله
انا في عقلي امس كنت عندهم 😒😒
طلع محمد صاكو صغير حط فيه كم لبسه و شورتين و كتين يبدل بينهن
انا>> خلاص عدي قعمز تو نكملك انا المهم حطيت الدبش
محمد>> باه
نحسابه بيطلع قعمز علسرير اتكا وولع اللابتوب قدامه وقعد حذايا وانا نتوتر بكل لما نكون انا وياه في نفس المكان 😭
حطيت دبش عرمت عرم😂 لاني منعرفش وين ماشيين بر ولا بحر ولا شنو وفي نفس الوقت ما بيتش نسال محمد تو يقول سكانه😒 منشف و كم حاجه ليا عطور وكريمات
وجيت عند شنطة محمد حطيتله ادوات الحلاقة وحطيتله عطر كنت نحبه عليه😍😍 ومنشفه وسكرت الشناطي و مشيت عند الزيانه خذيت دزدان صغير حطيت فيه مكياجي و كم حاجه وحطيتهن في شنطة اليد
انا >> واخيرا كملت
قعمزت في السرير حذا محمد و رفعت شعري فوق التفتت لقيت محمد يبحت فيا
انا >>😳 كنك نسيت حاجه ما حطيتهش لكي ؟
محمد>> اه لالا ما نسيتي شي اطلعي شويا
انا>>نعم😳
محمد>> نبي نغير دبشي☺
انا >> باهي
<<محمد >>
كانت نوران تبرم حذايا وتلم في الدبش وحايسه وانا كنت دروحي فاتح اللابتوب حذاها ما بيتش نربكها ونقعد نبحت فيها عارفها اتوتر لما نقعد نبحت فيها
كنت نبحت فيها من تحت التحت وهي تحط في تيشرت وطلعه و تحط توته واطلعها وتحط وحده اخري وكل ما تمسك روب تبحت فيا متحشمه تبي تشوفني شفته ولا لا😂😂😂
لعند ما قعمزت حذايا شويا ورفعت شعرها فوق قتلها اطلعي نبي نغير دبشي ماكنتش نبي نغير دبشي بس مش عارف ليش كنت نبيها تطلع من الدار وخلاص
بعد طلعت دق الباب طلعت نفتح
رنا >> أمسك وانت مبهدلنا في جرتك
محمد>> 😂😂امي هزباتك
رنا>> عارف يعني 😒
محمد>>😂😂😂😂 عارفك لسانك طويل
رنا>> باه والله ما في غدا تو ننزل بيه لوطا نقوللهم محمد ما يبيش
محمد>> تي تعالي هنا جيعان😂
رنا>> قول اسف يا احسن بنت عم
محمد>> رنا 😠😠
رنا>> خلاص خلاص 😂😂😂 هاك هاه
محمد>> انتي وتوأم الشر ما تجن الا بلعين الحمرا 😒
رنا>>😝😝
.
.
.
وفاء ويوسف
وفاء >> حبيبي مازلت عند وعدك تبي تشيلني صح
يوسف>> حاضر باهي
وفاء>> نجك ليا
كان يوسف لابس يبي يطلع ووفاء مقابلته تحكي معاه وقريبه منه طالقه شعرها ولابسه بلوزه سوداا
يوسف قرب منها>> تعالي هنا ما فيش حاجه قبل ما نطلع
وفاء>> انت لي جيبلي معاك حاجه نبي نزين بيها الكيكه
يوسف>>ديما جيب ما فيش هاك بكل 😒
وفاء باساته علي خده
يوسف>> يانا عليا تبي شوكلاطه بس
وفاء>> اها ههههههههه
ابتسم يوسف وحضنها وطلع
.
.
.
ثاني يوم في الصبح
محمد>> هيا نورانن
انا>> هيا هي
كنت مصبيه علي الزيانه وندور في نظااراتي
لبست بنطلون ضيق اسود وعليه بلوزه واسعة وطويله فوق الركبة بشوي لونها ابيض و عليهن وشاح رصاصي في البودري و كويش اسود وما درتش مكياج لمعه لفمي بس وكنت لابسه نظارات وخذيت شنطتي حطيت فيها فرشه ومعجون اسنان و شحني وشحن محمد وحطيت محفظتي وطلعت
محمد>> خلاص
انا>> اها خلاص
استغربت ان محمد ما علقش علي لبستي ولا ممكن عشان مش دايره مكياج ما فطنش 😕
بس ونحن طالعين.....
محمد قدم عليا
انا>>😳😳
محمد>> كم ليا نقولك ويشاحك يتقدم ؟
انا>> من اول يوم جيت فيه للمستشفي 🌚
محمد>> مشاء الله حافظه ☺ ياريت تحفظي انك كل ما تكوني معايا تقدميه
انا>> باه هيا نادر يراجي فينا 😒
ونزلت نجري عشان ما نبيش يعلق علي لبستي 😒
انا>> نادر صباح الخير
نادر>> ناني صباح الخير وين محمد
انا>> اهو ورايا
نزل محمد وحطينا الشناطي في السياره ومشينا شور المطار
في السياره
محمد>> وين جمانه مش علي اساس تمشي معانا اليوم
نادر>> مريضه والله حتي المستشفي مش ماشيه
محمد>> كنها لاباس ؟
نادر>> خشت في شهور الوحم
محمد>> اوووووه 😂😂 مرات تلزك من الحوش يا مان
نادر>> لا جمانتي ما اديرهش
انا كنت لاوره في النص ونضحك علي نادر ومحمد
بعد شويا وصلنا للمطار ودرنا اجراءااتنا وركبنا للطياره وكانت الطياره اغلبها عرسان واثنين اثنين متلصقين في بعضهم وانا ومحمد تقول مش جايين مع بعضنا بكل 😂😂🌚
بعد شويا جت المضيفة كانت اجنبيه مش عربيه
المضيفه >> can i help you ?
انا>> yea ..can i have cup of Orange juice plez ?
المضيفه>> sure ☺ وبحتت في محمد and you ?
محمد>> no thanks
وعدت المضيفة ومحمد يبحت فيا🌚شويا وجت المضيفة جابتلي العصير وبعدها رقدت ما نندري الا علي محمد يواعي فيا
محمد>> نوران نوران
انا>> وصلنا
محمد>> لالا توا بتهبط الطياره صبي
انا >> باه
واتكيت علي الكرسي وطلعت مرايا من شنطتي سقمت وجي و ويشاحي وشويا هبطت الطياره و نزلنا علي مطار و درنا الاجراءات وعلي طول طلعنا خذينا تاكسي وراه محمد الوصف وشالنا له
نحن وصلنا تقريبا مغرب كانت الدنيا مازال ضي وصلنا عند الفندق و جا واحد شال الشناطي وركبنا للأصنصير ونحس في جسمي متكسر من رقدة الطياره 😭
خش محمد وخشيت وراه
انا>> تهببببببببببببببل بكل
محمد>> اه
انا>> جاي هنا من قبل
محمد>> اها جاي
انا>> انت ومن؟
محمد>> ما تبيش تاكلي؟
حسيته غير الموضوع فجأة 🌚
انا>> اها نبي
محمد>> عدي غيري دبشك
انا>> باه
وخشيت درت دوش سريع غيرت دبشي ولبست توته محترمه المره هذي😂 سروال اسود فيه ظبطه من لوطا وعليه تيشرت نص كم احمر فيه علامه سودا و طلقت شعري و طلعت وسيبت محمد بيخش للحمام
نبحت في الجناح كان كبييييير بكل 😍 غرفة نوم كبيره و صاله و مطبخ وحمام حجري سمح و فيه فيرندا اطلعك علي زي المزرعه تجننننننننن بكل بس كانت الدنيا دوبها تظلم وحاطين ضوايا برا وشكلها حلو 😍😍
كنت فرحانة نبي نطير عديت صليت وطلعت تلفوني لقيت واي فاي في الفندق فتحت فايبر دزيت الماما اني وصلت ودزيت القبس لاني امس قتلهم نبي نسافر و حطيت التلفون و جيت بنطلع علي طلعت محمد من الحمام مش لابس من فوق تحسابوني طلعت ؟ 😂😂😂😂 ابدا قعمزت علي السرير وقعدت نبحت فيه 😌 نديرله زي ما يديرلي واصلا كان شكله سمح
محمد مصدوم>> ما جش الوكال
انا>> لالا
محمد فتح الشنطه وخذا منها كناتيره وقعد لابسها علي الشورت وولع المكيف
انا صبيت وطفيت المكيف وطلعت استشوار من الشنطه
محمد>> كنك حمو 😐
انا>> عشان تمرض زي ما صار في طرابلس
محمد>> غير خليه
انا>> محمد تعال هنا وعلقت الاستشوار في الضي تعال نجففلك
محمد>> انتي
انا >> اها
محمد >> باه هيا
صبيت قدامه وكان مصبي وطويل ما قدرتش نوصل فيه قعدت نرفع في روحي و نرفع في يدي
انا>> محمد طبس بلا مكر
ومحمد دروحه ما يسمعش فيا من صوت الاستشوار مع اني كنت قريبه منه بكل 😒
انا قربت منه >> تي طبس
حط محمد يديه علي خصري رفعني طشه بكل😳😳
طفيت الاستشوار وقعدت نبحت فيه
انا>> محمد تواضع وطبس
محمد>> باه اهدي بس
انا حطيت يدي علي يدين محمد وحولتهن
ودق الباب طلع محمد وهوا حاط يديه علي شعره ينشف فيه لقاه السيرفز جايب الوكال خذاه منه وحطه علي الطاوله و جاني لقاني حاطه يدي علي وجي نقيس في حرارتي بعد اللي صار
محمد>> ههههههههههههههههههههههههههههههههه
انا>> كنك تضحك 😑😑😑
محمد>> تعالي تعالي كولي 😂
انا ابتسمت وزرتني الضحكه وطلعت كليت
كملنا وكال وقعدنا شويا وخشينا نبي نرقدو كانت الساعه 9 بتوقيت المغرب بس كنا تعبانين رقدت علي السرير ومحمد رقد جنبي 😒 بس بعيد بكل بحكم انه السرير كبير وهوا عطيني بظهره وانا عاطيته بظهري
.
.
.
في الفيلا
منصف يبرم في الجنان ولابس تيشرت نص كم ابيض مع طلعت حلا بعد شافاته جت تبي تخش لكن هوا صبالها علي طول
منصف<< مش كنتي طالعه عليش برمتي وخشيتي
حلا<< لقيتك تفكر قلت خليه براحته
منصف<< من امتي الادب هضا
حلا << باهي باه😒
منصف<< شنجوك ؟
حلا << كويسه وانت
منصف<< كويس
وقعدو ساكتين قعمزت حلا عند النافوره بحت منصف هكي وهك و قعمز جنبها
حلا<< تبي تقول حاجه ؟
منصف<< نحس فيكي انتي تبي تقولي
حلا<< امممممممم ولا نقولك خليها في وقتها
منصف<<شن فيه ؟
حلا<< مش قايله
منصف<< حلا 😑 قوليلي موضوع شور شنو بس
حلا<< شوري انا ووو
منصف<< ومنو ؟
حلا<< ما حد المهم الموضوع شوري وقريبا تو تفرحلي
منصف<< كيييف ؟؟؟
حلا<< نبي نخش انا تصبح علي خير
وعدت تجري ومنصف حط يده علي راسه وغمض عيونه و يحاول يحول الفكره من راسه
.
.
.
ثاني يوم في المغرب 😍
كنت راقده وتعبااانه بكككككككللل ...نضت بحتت ما لقيتش محمد جنبي نطيت بسرعه مشيت شور الحمام غسلت وتوضيت و طلعت وتيت لبسه و صليت ولبست ودرت شعري وحطيت مساكه عليه سمحه ودرت عطر وطلعت
دورت محمد ما لقيتش قاعد طلعت للفيرندا لي امس كان شكلها يهبببببببل في الصبح بحتت في ساعة تلفوني لقيتها الساعه 11
كان فيه طاولة اكل صغيره برا قعمزت عليها وقعدت نشوف في المنظر الخيالي و نصور كان مكان كللللللللله شجررب ولونه اخضر و بنه تهبل بكل 😍😍و كانت فيه نسمة بسيطه وصوت عصافير وانا سارحه خش محمد
محمد<< صباح الخير 😏
انا<< صباح النور 😊
محمد<< عجبك المكان
انا<< يجننننننن بكل بكل
محمد<< امممم
انا<< خطرها وين مشيت ؟
محمد<< نزلت شيكت علي الحجز و قتلهم يجيبو فطور
انا<< اممم باه....محمد
محمد<< اممممم وكان يبحت فتلفون
انا<< نبي نكلم هلي
محمد<< رني فايبر
انا<< ما نرجش فيك تقول 😒 دزيت الماما اني وصلت امس ما ردتش عليا لانه التغطيه في حوش هلي ضعيفه
محمد<< باهي تمام تو نطلعو بعدين ناخذو شفره
انا<< باهي تمام
محمد<< بلكي عندك طلب اخري 😒😒
انا<< لالا سلامتك 😑
وخشيت جوا نبي نرتب شناطينا انا ومحمد بنرد الدبش في الدواليب فتحت الصاكوات وبديت في دبشي طبقته وحطيته في الدولاب و جيت طلعت المكياج والعطور والحاجات هذينا حطيتهن عسرير بنرتبهن علي الزيانه جاني محمد
محمد<< تعالي افطري
انا<< تمام هي
سيبت لي في يدي وطلعت نفطر لاني كنت جيعانه بكل وامس من التعب مابش ما كليتش كويس
لقيت الفطور واتي علي الطاوله برا ويسهففف 😭😭 الفطور والمنظر الشكل يهبل بكل
انا << محمد هيا تعال
محمد<< باه
قعمزنا نفطرو وانا ناكل تقول عمري ما فطرت😂 جيعانه يا هوه شن ندير عاد
محمد يبحت فيا ويضحك
انا نزلت الشوكه من فمي << شن فيه؟
محمد<< مش دايرين سباق راه كولي بشويه😂
انا عطيته نظره ونزلت الشوكه
انا<< اصلا شبعت
وصبيت نبي نعدي مسكني من يدي 😳مسكت يده ليا كانت يدي انا مصقعه ويده هوا دافيه خلطت عليا الدنيا برمت بحتت فيه
محمد مطبس راسه لوطا و ياكل بيد وماسك يدي بيده لخرا<< قعمزي
انا بدون اي كلمه قعمزت بس ما قعدتش ناكل قعدت ماسكه كباية عصير ونشرب فيها ومحمد ما كلش واجد طشه وعلي طول طلع الدخان وقعد يدخن
بعد شويا صبيت لدار نكمل في الدبش لي نطبق فيه ونحكي مع قبس شات علي الفايبر
انا "توا انتي ما اتحشميش بكل"
قبس"كنك هبله راجلك هضا البسي وحركي روحك خاطري نحق دبشك لي وتيتيه اكيد كيف وجك ياريت قدرت نجيك"
انا"الحمد لله لي ماجيتي اديريلي زي كارثة طرابلس ما عرفت ما ندير"
قبس"هههههههه تذكري بس هي لي حركت الجو من بعدها العيل اخطبك و اهو اجوزتو"
انا"ههههههه حقير قتلك كلمي ماما طمنيها عليا"
قبس"كلمتها اليوم في الصبح قتلك خطرها امك قالت لي نوري ومراته يبو يروحو من دبي"
انا<<"نوري خويا😳😳تي حتي عرسي ما احضره شن يبي جاي"
قبس"والله امك كلمتها اليوم فصبح اول ما لقيت رسالتك عرفتك مش محصلتيها قالتها ليا "
انا"يستر الله مش متريحه"
وانا مطبسه ماسكه تيشرت في يد و تلفوني في يدي لخرا نكتب القبس خش محمد بحت فيا واتكا علي السرير
انا"قبس محمد جا نحكو بعدين"
قبس"الله الله ما نوصيكش باي😄😂😂"
قعدت نضحك علي كلام قبس وبرمت لقيت محمد عالق اللابتوب و متكي علي السرير وحاط اللابتوب علي بطنه برمت ورديت نكمل في تطبيق الدبش كأني قاعده مع خويا مش راجلي 😒
.
.
.
في المستشفي
نهي<< اووووووف قعدت بروحي انا لا جمانه ولا ناني
حسن<< اعتبريني جمانه وناني
نهي<< نقولك حسنيه مثلا 😒
حسن<< باي انا بنقدم استقالتي
نهي<< ههههههههههههههههههههه حناطتك هذي تعلمتها منك
حسن<< انسيها من فضلك 😀
نهي<< ههههههه تمام
جا دكتور نادر
حسن<< كنك يا دكتور ؟ مش علي بعضك انت ودكتور مراد ودكتور عمر شن فيه؟
نادر<< موضوع بسيط قاعدين نحلو فيه ما فيش داعي تشغلو بالكم بيه خليكم في شغلكم
نهي<< ان شاء الله خير
نادر<< مش هضا لي شاغلني شاغلتني جمانه سيبتها مريضه
حسن<< كلمها
نادر<< ما ردتش عليا و سيبتها فصبح واعيه قلت اكيد رقدت
نهي<< عديلها كان هضا
حسن<< ولا خلي حد من هلك يركبلها
نادر<< نعديلها خير لانه مفتاح نسخه وحده معايا انا و مش حاتقدر تصبي تفتح كان دق الباب
نهي<< خلاص فيش تراجي عدي
نادر<< تي عندي شغل تو بعدين نطلع
حسن<< عيب عليك يا راجل تي اطلع بلا طروح ناعليا كان عندي وحده كيف جمانه والله ما نتحرك من حذاها
نهي عطاته نظره<< عدي يا نادر وما عليك قاعده انا والهم هضا ما عندنا ما نديرو
حسن ردلها النظره
نادر << خلاص تو نزرق ساعه ونجي نعنكم ما تغيبو
حسن<< مش بينا
نهي<<طمنا بس
.
.
.
عندي انا ومحمد
كملت الدبش وطلعت ولعت التلفزون طلع محمد
محمد<< صبي البسي
انا<< وين
محمد<< كنت ندور علي مكان نتغدو فيه سمح ولقيت واحد قريب من هنا مفتوح جديد نعدو نجربوه ونبرمو في المنطقه لو تبي
انا << اكيددد نبي هي طيااااره
وصبيت بنخش لدار وكان محمد مصبي عند الباب و مربع يديه قعدت مطبسه راسي وخايفه
محمد<< خشي
انا<< وسع طشه
محمد<< ما يسدكش هضا؟؟
انا<< محمد نقدر نخش منه بس
محمد<< خلاص خشي
كان المكان ضيق يعني لو خشيت منه حنلصق في محمد عاندت محمد عشان يحسابني حا نتحشم و نخاف وجيت خشيت ولصقت فيه حط يديه محمد حواليه كان محاصرني من الجهتين
انا<< محمد شن تبي انت معش فهمتك
محمد<< اسسسس بس
انا<< محمد وخر متجيش هكي تخوف فيا
كان محمد مغمض عيونه و مقرب علي شعري
محمد<<قلت اسس انا صح
انا ما قدرتش ندفه وفي نفس الوقت ما قدرتش نحكي لاني كنت حا ندوخ ونطيح من القرب
قعد محمد يقرب مني بكل و حاط خده علي شعري و يديه ورايا عساس باعد شعري من علي خدي ورقبتي وجا قرب مني وبعدها بروحه بروحه نط وخررررررررر لعند فجعنيي 😳طلع من الدار بكل
انا قعدت مصدومه مش فاهمه لي صار اهو كان قريب مني بككككككككل يمكن عشان انا ما تجاوبتش معاه او ممكن فطن الروحه ما فهمتش شي قعدت مستغربه
خشيت طلعت لبسه ولبسة و درت مكياج و قعمزت فصاله نراجي فيه يجي
انا<<
.
.
.
يتبع
.
.
.
