#المستشفى
.
.
.
الحلقه الخامسه عشر
.
.
.
نادر >> اوووووو منصف
منصف>> الحمد لله علي السلامه يا غالي نورتنا
نادر>> الله يسلمك
جمانة>> خير يا منصف كيف حالك
منصف>> مرات خويا اهلا اهلا
نادر>> وين ما في حد ؟
منصف>> هلك جوا
وخشو نادر و جمانة و سلمو علي امه وقعمزو حذاها شويا و جو بيركبو لجناحهم فوق
نادر>> قتلك لمهم ليا بعدين فليل الشباب و البنات نبيهم
منصف>> تم تم
وطلع منصف عنده مقابلة شغل يدير فيها وركبو نادر وجمانه فوق
جمانه>> بنخش نغير دبشي و نتريح شويا وننزل لوطا
نادر >> عليش ؟ تو ننزلو بعدين بالمره
جمانه>> بتنزل لوطا ؟
نادر>> اها ونوزعو عليهم الهدايا بالمره
جمانه>> اممم باهي وفاء ويوسف امتي مروحين ؟
نادر>> بكرا في الليل قال يوسف
جمانه>> يوصلو بسلامه
.
.
.
كملت شغلي لوطا و قالولي انه جمانه بكرا بتبدا تداوم هي ونادر 😍 واخيرا رايفة عليهم بكل
كملت ومشيت للكافيتيريا عند نهي و لقيت حسن مقعمز بروحه
حسن>> اووو عروستنا
انا>> عروسة شنو :/
حسن>> 😂😂 دايره روحك متحشمه
انا>>حسن مش وقت حناطه
حسن>> تي كنك واخذه الموضوع باعصاب ارخي روحك
انا>> انت مش حاس بلي انا حاسه بيه عموما😒 بكرا مسافر صح
حسن>> ان شاء الله
انا >> توصل بسلامه طمنا عليك
حسن>> نبي نفتك منكم 😂
انا>> خزي ما فيك خير 😒
مع جيت نهي
نهي>> كنكم اتناقرو ، حكيتلها علي موضوع الخطبه ؟
انا>> يااربي علي موضوع الخطبه نبي نصبي انا وكان صوتي عالي
وصبيت ما نجي الا مقابلة محمد☺
محمد رافع حاجبه لعند فوق بكل
انا رديت قعمزت زي البنت الطيبه و حسن و نهي ماسكين ضحكتهم 😂 كر محمد الكرسي و قعمز جنبي :)
حسن يبي يفتح موضوع>> حا تكسدو بدوني 😌
نهي>> اوكي يا ملاهي ... اوكي يا تلفزون يا نت انت
