#المستشفي
.
.
.
الحلقه الرابعه عشر
.
.
.
عصام>> باتي
باته>> منعم يا ليد وانت يوم يومين جايني في موضوع
عصام>> قتلك اللي قتلك عليه بيخطب نوران قالي جاي الاسبوع لجاي هو وهله
باته >> باهي فيها خيره
عصام>>ان شاء الله
//
.
.
.
كنت في المستشفى علي قيس الساعه 4 القايله هكي كنت انا ومحمد نكشفو علي مريض و كملنا شغلنا وطلعنا
محمد>> من بكرا امسكي مكان جمانة في القسم لي لوطا اصلا مافيش حد يهني
انا>> باهي :(
محمد>> غريبه ما فرحتيش
وكنا نحكو ونمشو في الممر انا وياه
انا >> لا عادي فرحانه بس فيه موضوع شاغلني
محمد>> موضوع خوك لي مبدري
انا>> اها
محمد>> توكلي علي الله وشوفيه بلكي اتريحيله يلي يجيك ما فيش مشكله
انا>> ممكن نسألك سؤال ؟
محمد>> اسئلي😓
انا >> انت ديما واخذ الحياه هكي ببرود ؟ وما فيش شي يأثر فيك
وكنا نمشو ووقفنا عند غرفة تغيير الملابس وفتحت الباب وصبيت و نراجي في محمد يرد
محمد>> لا مش كل حاجه واخذها هكي بس فيه حاجات ما يستاهلنش اصلا اني نفكر فيهن
انا >> بس انا ملاحظه انه كل شي تاخذ فيه هكي
محمد>> حط يده علي لحيته وقعد يمسح عليها تو بعد تعيشي معايا في الحوش احكمي لانه شخصيتي هنا تحتلف عن شخصيتي بين ناسي و القريبين ليا
انا >> ممكن برضو وسلحت البالطو الابيض و خشيت للدار وسيبت محمد برا
.
.
.
نهي>> اممممم حسن
حسن يتشغل علي الكمبيوتر >> نعم
نهي >> بحت فيا
حسن>> نهي احكي عندي شغل واجد
نهى>> حكيت مع الدكتور مراد علي الاجازه لي بتاخذها ؟
حسن>> أه قتله اسبوعين
نهي >> يعني اكيده 😭
حسن >> ما قلنا اه
سكتت نهي و حسن بحت فيها
حسن>> كنك رايحه تسألي واجد علي السفره
نهي >> شي مغير خاطري نسافر حتي انا بس 😒
حسن >> والله نحكي جد
نهي ارتبكت >> لا شي بنعدي نشوف بلكي حد يبي مساعده
