المستشفى💉🥼

التاسعه والاربعون ما قبل الاخيرة😭😍

#المستشفي
.
.
.
الحلقه التاسعه والاربعون
.
.
.
محمد <<عطيتك فرصه كيف ماتبي صح
وتوا خلاص وقتك انتهي ومش كيف ما تبي انتي

انا<<محمد بعد مني

محمد حط يده ورا ظهري و سحبني من يدي و خشينا للدار
.
.
.
عند البنات في الجنان

منصف خش يبي يحط تلفونه في الشحن

والبنات كانن يلمن و يغنن

حلا<< نرجاااهم نا نرجا نرجا حتى لو قسمو بالهررررجهه

رنا<< خميس يجينيي كل خميس يجييييي

ريهام <<خميس يجييييي خميس ما جاني حييييييه عليييي

حسناء<< وووووووووو

حلا<< من نار الفرققققه اه ياليل

حسناء << اتشيييط وترقا

منصف<< وطن صوتكن الساعه 3 الناس راقده

حلا كانت تحط في الكراسي فوق بعضهن خبطت الكرسي و خشت جواا

رنا<< ولعت يا حييي عليها وشعت ويش ايطفيها

حسناء<< ههههههههههههههههههههههههههههههههههههههه

ريهام<< واطيه يا توأمي هههههههههههههه

منصف << حسابكن بعدين انتن
وخش ورا حلا

حلا كانت من لاورا عند المخزن ما بتش تخش الحوش عشان كانت متوقعه منصف يخش وراها

منصف<< ليش الحركات هذينا

حلا<<انا ما نديرش في حركات من فضلك بعد من عليا و عدي لم دبشك طيارتك بكرا

منصف<< مش شورك امتي ما نبي نلمه نلمه سقمي اسلوبك معايا ما تحكيش مع واحد من الشارع

حلا<< الكلام معاك مافيش اي فايدة انا فتتك بكل و جيت هنا بروحي عليش لاحقني ؟

منصف<< كنك تعاملي فيا هكي

حلا << ماشيه بمقولة عامل كما تعامل

منصف << بس انا ما نعاملش فيكي هكي نبي نسافر مع اصحابي بس

حلا<< انت تبي تسافر وانا مانبيكش تسافر قول عقلها صغير قول طفله انانيه اي حاجة بس هضا لي عندي أنا اسفه
وخبطت في كتف منصف و خشت لحوشهم

منصف خبط باب المخزن بكراعه دار صوت جن البنات

حسناء<< كنك بسم الله

منصف<< شي فوتوني

حسناء << هدو روحكم شن صارلكم

منصف<< ما كنا شي اختك تعاند بس حتي الواحد جاي يبي يقوللها كلمه مسقمه ما تعطيش فرصه

وطلع منصف و ركبت حسناء لحلا لقتها تاكل
<<يابرودك

حلا<< تبيني نبكي ؟ حاضر شويه نكمل وكال و نبكيلك