المستشفى💉🥼

الحلقه 1️⃣2️⃣

#المستشفي
.
.
.
الحلقه الثانيه عشر
.
.
.
يوسف >> خشي

وفاء خايفه وساكته وخشت وخش وراها يوسف

يوسف>> تعشيتي

وفاء>> لالا

يوسف>> تو يجيبولنا عشا

وفاء>> باهي

يوسف>> خلاص خشي غيري دبشك عشان نغير حتي انا

وفاء>> بس ما معاياش دبش دبشي كله في الصاكوات😳 وعدا للحوش غادي ما جبتش معايا شي

يوسف>> فيه توته من الفندق يحطو فيها معلقه في الدولاب

وفاء>> شكلك تجي هنا واجد

يوسف>> لا مش ديما مره مره استضفت وحدين هنا بس

وفاء>> امممم باهي تمام

وخشت وفاء وما حوتك ما سلحت الفيلو و فكت التسريحه وخلت شعرها مطلوق وخففت شويا من المكياج ولبست التوته كان لونها دمي و مكتوب عليها اسم الفندق من لاورا وطلعت خشت للحمام

اول ما طلعت من الدار خش يوسف وسيب الباب مردود لبس توته بنطلون اسود و تيشرت دمي و بخ عطر وطلع يرجي فيها في الصاله وشويه طلعت كانت ليله باردة جدا عليهم هما لثنين

طلعت من الحمام وقعمزت ولعت التلفزون وطلع يوسف وشوي ودق الباب وجابولهم عشا

يوسف>> تعالي كولي

وفاء>> باهي

مسكت وفاء الكيس من يوسف وكان في الفرفه طاوله وفيها كرسيين حطت فيها الوكال ورتباته ويوسف يبحت فيها ومش عارف بعد العشا كيف حا يدير ولا هي عارفه شن ادير

قعمزو تعشو و كان الصمت سيد الموقف كملو و لمت وفاء الطاوله وقعمزت علي الكنبة اتفرج

يوسف>> مش نعسانه

وفاء>> شويه ما نعرفش نرقد الا وفيه جنبؤ تلفزون عشان ننعس

يوسف>> تمام بعد تنعسي خشي ارقدي جوا وانا تو نرقد هنا

وفاء انصدمت صدمة عمرها كانت متوقع كل شي انه مش حايجي شورها لكن كل حد في مكان من اول ليله تغير وجهها بكل وقعدت تبحت فيه ووجعتها روحها وخنقتها العبره بس مسكت روحها والتفتت شور التلفزون وكانت ماسكه الجهاز تغير في القنوات

وفاء>> لا خش تريح جوا نبي نرقد هنا عجبتني الكنبة مريحه ☺

يوسف>> علي راحتك 😕

وخش يوسف للدار وسيب وفاء برا
.
.
.
عند جمانه ونادر خشو للفندق وكان جوهم سمح

جمانه>> بنخش نغير دبشي

نادر>> حتي انا😌

جمانه>> هي دار وحده وحمام واحد خوذ دبشك وغير في الصاله الله يربحك 😒