#المستشفي
.
.
.
الحلقه الثامنه والثلاثون
.
.
.
انا<< الو ماما
منذر<< ايواا نوران
انا << شن فيه ؟؟؟ماما وين
منذر<< بشويه بس امي تعبانه شوي من امس و ما تبيش تاكل معش عرفت شن ندير ومتبيش مستشفي
انا<< صكر صكر جايتكم
وصكرت علي منذر
انا<<محمد ماما مريضه بنعديلها
محمد<< بشويا اكيد لو في حاجه كان قاعده في المستشفي ما يخلوهش هكي
انا<< عارفه بس ماما تصكر في راسها ما تبيش تمشي و حتي بابا ما يقدر عليها
محمد<< باهي تو نشيلك نصلي العصر نلقاك واتيه
انا << باهي
وبسرعة خش محمد الحمام و خليت الصاكو زي ما هو لي كنت نوتي فيه و قلت نطمن علي ماما ونروح نديره
ولبست عبايه فوق البجامه و محمد صلي و طلع
محمد << هيا
نزلت انا وياه علي السريع تحت وركبنا لسياره
محمد<< ما تخافيش ان شاء الله كويسه
اانا<< ان شاء الله يارب 😢
وصلنا للحوش و نزلت علي طول لقيت الباب مردوه لانه ديما منذر وعصام قدام الحوش
خشيت لماما لقيتها في فراشها وحذاها منذر
انا نزلت بركبيا علي ماما و اظبطتها<<كنك شن تحسي ؟ و كان وجهها شاحب وباين عليها التعب
انا<<ماما لازم نمشو للمستشفي
منذر<<باتي تعارك معاها فصبح ما بتش تعدي
ماما<<ما فيا شي وانت عليش تفجع في اختك مكلمها في هلقايله
انا<<ييييييه محمد برا خششه يا منذر
منذر<<باه
طلع منذر خشش محمد للمربوعه وانا قعدت حذا ماما عطيتها دواها وصبيت درتلها برودو خضره ووكلتها غصبا عنها
منذر<<يبيكي محمد
طلعتله برا اظبطته
محمد <<حبيبي كنك
انا<<شي❤
محمد<< نعدي نشوف شغلي انا؟
انا<<حمادي ما نقدرش نسيب ماما اليوم
محمد<<بس بعد بكرا مسافرين نحن ؟
انا<< نبات اليوم وبكرا الصبح نروح نطمن عليها انا حتي اخت ما عندي و منذر و عصام ما يفهموش
محمد<< امممم باهي فصبح اه نجي ناخذك
انا<<نجك ليا باهي
