#المستشفي
.
.
.
الحلقه الحاديه عشر
.
.
.
انا>>منذر يا منذر
منذر>> تي كنك
انا>> هيا واتيه انا
منذر>>عليك سرعه اصبري شوية ندير جل
انا>> عليك سريب😒
قعدت نسقم في روحي علي المرايا ونسقم في مكياجي وطلع منذر ولقينا عصام قدام الباب
عصام>> وين علي خير ؟ طالعه وفسختك هكي لا مشاوره لا دباره
منذر>>تحق فيها طالعه مع واحد ساقط ولا كيف ؟ تهيالي باتي قالك معش تدخل فيها صح ؟ ولا تحب نخشله نخليه يعاودلك الكلمتين لي قالهن لك من قبل ؟
بحت عصام في منذر و برم بحت فيا وخش وطبق في وجوهنا الباب
انا>> استغفرالله العلي العظيم لازم ينكد عليا ما يبقش عصام كان ما دارها
منذر>> اركبي اركبي بس حسابه بعدين معايا
ركبت فسياره وركب منذر
انا>> فوته خلاص تو نمشي اليوم وبكرا مش ماشيه ما فيش داعي
منذر>> بلا خوف خوك لي شايلك مش ولد شوارع غير هوا يحب يبين روحه انه واعر و جنتل قدامنا فوتيه وساهل بكرا
انا>> ان شاء الله
وصلني منذر الجمانه ونزلت من السياره فيه عرم رجاله في الشارع غطيت نص وجي بويشاحي وكان هرجه وناس و معلقين ضوايا في الشارع
خشيت جوا لقيت مجموعة بنات مقعمزات وفيه بنت تشبه جمانه
انا>> خير معلش وين جمانه
البنت>> في الصالون لي برا مع البنات تعالي معايا
انا>> باه
وشالتني البنت للصالون كانن ملتمات فيه صبايا ويشتن ويغنن وبرا مولعين دي جي و جو حلو
جمانه>> حبي انستيني واخيرا
انا>> ههههه الله يسلمك
جمانه>> تعالي تعالي قعمزي
انا>> مشاء الله صبغتي شعرك منورك بكل
جمانه>> اه يا حنه معش فيها امس عديت درتا عشان يطفي اللون وياخذ وقته ما بيتش ندير كل حاجه يوم الزفه قلت بشوي بشوي
انا>> صدقتي ...قتلك نبي حمام نحول عبايتي ونسقم شكلي
جمانه>> راجي... اريج يا أريج
أريج>> نعم
جمانه>> شيلي نوران للحمام .... نونا هذي اريج احتي الصغيرة
انا>> مشاء الله عليها تشبه لك ههههههه
جمانه>> اها يقولو لي فيها
