*#المستشفي **
الحلقة الثانية
.
.
.
محمد>> حسني متكسر بكل
ام محمد >> ربي يعطيك الصحه مش كان نجوزك يا وليدي ونتريح عليك انا ما نبي نقعدلك ديما سلم اوليدي
محمد تعقد من نفس السيره
محمد>> يا حاجه الله يربحك بعد نبي نجوز مانيش واحل تو نجي ونقولك نبي نجوز
ام محمد>> يا وليدي لي كيفك بعيالهم ساد خوك لي قطمرني لعند توا ما طلعش فرحه
محمد>> غير اشقي بنادر وانا ساهل
ام محمد >> بس يا وليدي
قاطعها محمد >> امي نبي غدا كان فيه كان ما فيه نبي نرقد
ام محمد>> تو نقول الفتيحه #الخدامه# تحطلك
محمد >> تمام علي ما غسلت و صليت
خش محمد الدارة وهوا يفكر في كلام امه محمد محتاج المرأه في حياته تصبي معاه وتكون معاه أمه وليه كبيره ويبيها اتريح بس في نفس الوقت محمد تجاربه فاشلة مع البنات صاحب مرتين و المرتين هذينا وهوا اصغير في بداية العشرينات وطبعا ما فيش ولا وحده تحملاته الطبعه الصعب و قعد حاط في باله انه اي مرا حا يجوزها حا يجي يوم وتسيبه عشان طبعه الصعب خايف يجوز ويظلم بنت الناس لي بياخذها
قطع تفكير محمد صوت رن تلفونه
محمد >> الو
حسن من الاستعلامات>> محمد جتنا حالة ولاده والدكتوره سلمي مسافره و الدكتور مراد تلفونه مقفل تقدر تجي الحاله خطيره وتعبانه
محمد>> جاي توا من الممرضة لي مناوبه
حسن >> ما فيش حد الا انا ونهي
محمد>> رن علي البنت الجديده خليها تجي نلبس وجاي انا
سلح محمد تيشرت التوته ورد لبس بلوزه كحليه وسروال امريكي وخذا دخانه ومفتاح سيارته وطلع
ام محمد>> محمد يا محمد الغدا واتي
محمد>> عندي طوارئ وطلع وسيبها
ام محمد>> هالشغل تو يجيب اخرته انا لازم نحكي مع بوه العيل هضا
~~~~~~~~~~
جمانه >> نادر حول من عليا رانا في المستشفي
نادر >> وكان في المستشفي ياعمري نرايف عليكي انا
جمانه >> اي يا نادر رقبتي حول تو تعلمها ليا كيف بنروح للحوش انا
نادر >> حبيبي عاد ارتخي بس
جمانه دفاته>> نادر بلا هبال طلع الفرح و دير لي تبي اديره
وقعدت جمانه تسقم في دبشها
جمانه>> تو معقوله هكي هضا منظر دكتورة هضا نادر البطمه يا نادر وووووه عليا منك انا ياريت سمعت كلام خويا ونقلت المستشفي اخري
