#المستشفي
.
.
.
الحلقه الثالثه والثلاثون
.
.
.
انا << تي وييينهم وينهم
يوسف << غرفة الحالات الطارئه وين؟
انا<<ياربييييي وين كنها المستشفي فاضيه
وانا نجري في المستشفي ومش خاطره عليا غرفة العمليات بكلللل
لقيت عامل النظافه
انا<< توفيق توفيق وين الدكاتره وين نادر وين محمد
توفيق<< كلهم يجرو لغرفة العمليات
يوسف ورايا << شنصار
وعديت نجري ما جاوبتش ركبت فوق علي طول
لقيتهم كلهم مصبين بحتت لقيت منصف قاعد مصبي و شكله هكي متبهدل
انا <<منصف انت كويس الحمد لله
يوسف <<اووووف تي خوفتنا عليك عليش مصبين هنا
انا << محمد وين لحق عليك
منصف ساكت
انا << حسن كنكم شن فيه
حسن<< نوران اهدي بشويا علي روحك
انا << حسن محمد كنه ؟ قولولي كنه عايش عايش ؟؟؟؟؟
وقعدت نعيييييط معش قدرت نمسك روحي
يوسف<< احكو ازف شن فيه
منصف<< محمد دار حادث وقاعد في العمليات
خشيت علي طول و ما نحقش في شي من الدموع وما لبستش حتي دبش المستشفي عزقت شنطتي برا و خشيت نجري
حسن<< نوران نوووووران
وخشيت فتحت الباب لقيت دكتور عمر و نادر ومراد مجتمعين علي محمد ومعاهم ممرضات
انا << شن فيه شن صار
نادر مسكني << نوران اطلعي برا خلي الدكاتره يشوفو شغلهم
وكان نادر وجه اصفر وعرقان
انا << حووووول يا نادر حول
دكتور مراد << نوران اطلعي البسي وعقمي يديك وتعالي واسلحي كندرتك
حاولت نقعد قويه خذيت نفس و مسحت دموعي وطلعت لبسة دبش العمليات و حطيت الكمامه وعقمت يديا وخشيت
انا بصوت مخنوق << شن حالته
دكتور عمر << نزيف في الانف وضربة جايته علي الراس سببت له في فقدان الوعي و الشي الخطير في حديده اثناء وقوع الحادث خشت في بطنه و هي لي قاعدين نطلعو فيها توا بس ......وسكت
انا نبكي << بس شنو حا يموت حمادي بيمووووت ما تخلوش يموت الله يربحك نادر قوللهم نبيه انا محمد
وقعدت نبكي
دكتور مراد<< ملقاط
الممرضه << حاضر
