المستشفى💉🥼

الحلقه 1️⃣3️⃣🥰

#المستشفي
.
.
.تفاعلو ولا بنوقف التنزيل 🤕💔😭
.
.
الحلقه الثالثه عشر
.
.
.

محمد>> خير يا جدي كيف حالك؟

جده>> خير خير يا وليدي تعال

محمد>> باتي وين ؟

جده>> باتك نا لزيته نريد نحكو وحدنا

محمد>> ههههه يستر الله

جده>> ههههه ريت يا وليدي راني عايش في هالدنيا ليا قريب 70 سنه

محمد>> ربي يطوللنا في عمرك

وطلعو يتمشو في الجنان

جده>> غير اسمعني .... الدنيا هذي تكر وتاخذ ما في حد دايم لحد عشان هكي انا نبيكم تجوزو وتكونو روحكم و تعيشو حياتكم انت عمرك توا 28 سنه وصح مانكش كبير عجواز لكن نا انت بذات نريد انتهني عليك ونتريح عليك انت ويوسف بذات كلا لخرين عارفهم ما يقعدوش بلا زيزه عارفها الحياه مش جواز وبس لكن لازم تكمل نص دينك و ضنا عمك لخرين كلهم عارفهم موفقين بين شغلهم و حيشانهم و لي مازال ما اجوز عارفه تو يوفق بينهن كلا انت يا محمد شغلك وبس عطيت شغلك اكثر من حقه وجا وقت تعطي روحك فرصه

محمد>> وهضا لي جاي نحكيلك فيه حتي انا نبي نخطب و نبيك انت يا جدي تختارلي وحده

جده >> لالالالا ما نختار الحد عمامك كلهم وحتي باتك وضنا سيدك كلهم اختارو بروحهم كلهم ...انا ما نحب نختار الحد ولا نبي نختار الحد انت اختار و انت بروحك تعرف نصيبك و ضربه بالعكوز علي ظهره ببصاره اكيد فيه شي وحده هك ولا هك يا ليد

محمد>> هههههههه لا والله يا جدي ما فيه كان هضا را قتلك نبي وحده علي طول

جده>> افتح عيونك زين نصيبك مرات يقعد قاعد قدامك لكن ما تشوفش فيه

محمد قعد يفكر في كلام جده >> خلاص تو نشوف

جده>> استعجل بس ما تقعدش اتماطل في وكل مره تمشيني

محمد>> لا اطمن يا جدي عطيني اسبوع بس و يسير خير

جده>> باهي يا وليدي ربي يفرحني بيك

محمد>> ان شاء الله يا جدي

وطلع محمد من حذا جده وقعمز عند النافوره يفكر في كلامه وكان مطبس راسه وماسك دخانه ويدخن جت صبت عند راسه هند عمته

هند>> حميدا

محمد رفع راسه ومسح علي شعره>> اوي تعالي قعمزي

هند>> في شنو كنت تفكر

محمد>> في الشغل والله رايح ضغط بكل من بعد ما سيبونا نادر و جمانه

هند>> حي ما سمعتش بكرا مسافرين تركيا ومروحين بعد اسبوعين و يوسف ووفاء ماشيين مشرق بعدين مصر