#المستشفي
.
.
.
الحلقه السابعه عشر
.
.
.
منذر>> هيا واتيه ؟
انا>>اها ناخذ شنطتي بس
منذر>> باه
وجيت برمت ورديت بحتت في منذر
انا>> منذر كنك زعلان ؟
منذر>> شي سقدي بس
حسيته مضايق بكل بس ما بيتش نكثر عليه برمت خذيت شنطتي وطلعت
وصلني منذر عند قبس وقالي مش مروح بيكي 😕 تو يروح بيكي باتي ...قتله باهي وخشيت
خشيت لقيت قبس متوتره عاد و عازمه ناس واجد بكل الابلات لثنين يلي معاها في المدرسه و صحباتها ال3 وانا و اقاربهم خالاتها لثنين و بنات خالاتها ال 3 و عمتها شباب مش متجوزه كان دارو بيان بالمره😂💔
قبس>> هضا وين كملت فرحتي باهي لي جيتي يا كلبه
انا >> ماه تأخرت و ساعه وانا نلبس
قبس >> كيف طالعه ؟
انا>> مزززززه تهبلي
جو هل خطيب قبس و مولعين اغاني وجو ولبستها امه وجايبين معاهم هدايا وحلويات مشاء الله وقدمنالهم الضيافه وما جت الساعه 9 الا وكل شي منتهي
قبس سلحت الكعب>> تسلمن يا بنات في عراسكن ان شاء الله
أنا>> مش من قدرك يا حبي الله يسلمك
قبس>>علي من ترني ؟
انا >> بابا نبيه يجيني بكرا عندي مستشفي
قبس >>باهي تمام
بعد شوية جا باابا
انا>> خلاص بينا تلفون
قبس>> راجي
وخشت للمطبخ وطلعت تبسي
انا>> عليش متعبه روحك
قبس>> قرعت منذر ياحبي
انا>> تسلمي
وطلعت وركبت فسياره وروح بيا بابا للحوش
.
.
.
في الفيلا
عند يوسف ووفاء
يوسف >> وفاء
وفاء>> نعم
يوسف>> ديريلي قهوه
وفاء>> حاضر هي
وخشت وفاء حطت بكرج فيه اميه وقهوة وسكر عنار وقعدت سرحانه
لهم توا قريب شهرين متجوزين وما شافتش هلها الا مرتين ومازالت اتحشم من يوسف ومتعرفش تطلب منه شي ومازال ما خذتش عليه 😔 وفاء نوعيتها اتحشم بكل ويوسف طبعه ما يفطنش لعند حد ينبهه
فطنت وفاء للقهوه بتفوج طفت عليها وحطتها في سفره وشالتها اليوسف
يوسف>>صحيتي
