#المستشفي
.
.
.
الحلقه22
.
.
.
انا >> اكيد غير رايه :/ اصلا هوا مش طبيعي
قعدت ماده وجي بروحي شويا و ماعنديش كيف نرن عليه معنديش شفره والفايبر متاعه مصكرر
طلعت برا قعدت نشوف في العائلات والعرسان كل ثنين ماسكين يدين بعضهم ويوشوشو و يضحكو قعدت نبحت فيهم وحسيت الجو صقع خشيت جوا لبست جاكه جلد سودا وجيت بنطلع رن الفايبر
انا >> ماما
ماما>> الو نوران كيف حالك
انا>> كويسه يا ماما كويسه
ماما>> ما نسمعش فيك
انا>> كويسه كويسه كيف حالكم انتو
ماما>> الحمد لله شن دايره مع محمد
انا>> الحمد لله يا ماما قاعدين
ماما>> نعم الصوت يقطع
انا>> صكري صكري تو ندزلك تسجيل
وصكرت منها وبديت ندزلها تسجيلات صوتيه وهي ترد عليا ونهدرزو
.
.
.
<<محمد>>
من بعد اللقطه لي صارت مع نوران تحشمت بكل
مع اني نبي نقرب منها ونبيها معايا لكن حاجه من جوا مانعتني كنت خلاص قريب بكل و كان ممكن كل شي يقعد كويس ونقعدو زوجين طبيعيين بس مش عارف مازلت مش عارف روحي شن نبي عشان هكي ما نبيش نقرب منها الا بعد تحبني ونحبها
كنت لوطا في الريسبشن ندخن فتحت نت لقيت رساله من حسن
**وينك يا ناسينا**
محمد >> عليك الخرياط
رديت عليك ** اين ناسيكم مازل ما صكرت اسبوع**
ودزيتها لكن كان مصكر ما ردش قعدت علنت وبحتت في الساعه لقيتها 4 ونص واذكرت اني قلت النوران نبو نطلعووووو نسيت بكل
حطيت التلفون في جيبي وركبت فوق اول ما فتحت الباب لقيتها مقعمزه في الصاله علي التلفزون وموخره راسها لاوره اول ما خشيت بحتت فيا وردت بحتت في التلفزون
محمد>> معلش طولت
انا>> لا عادي
محمد>> شويا نخش نلبس ونطلعو
انا>> خوذ وقتك
كانت تحكي معايا بكل رسميه وما تبحتش فيه اصلا استغربت ردت فعلها معقوله تبيني نقرب منها ؟؟
خشيت للحمام درت دوش سريع وطلعت نشفت شعري ولبست سروال امريكي داكن و جاكه جلد سودا وتحتها تيشرت رصاصي ودرت شعري وطلعت للصاله
محمد>> هيا
انا >> باهي ويشاحي بس
خشت جوا ونحق فيها وانا مصبي علي الباب عزقت الويشاح علي راسها ولبست جاكه جلد سودا حتي هي ولبست كندرتها وطلعت
