#المستشفي
.
.
.
الحلقه الرابعه والعشرون
.
.
.
نضت ثاني يوم الصبح لقيت روحي راقده علي صدر
محمد باهي مش مشكله انا نذكر اني قتله قرب مني وخشيت فيه كنت محتاجتله ماجانيش زهايمر نذكر رغم اني كنت نعسانه
بس اللي ما نذكرش ان محمد مش لابس تيشرت راقد يالايا عريان لابس سروال البيجامه بس حي علي امك يا نوران شن صار و كيف صار بس انتي مريضه ومحمد دكتور ويعرف انه الخبر هضا ما يسيرش وانا مريضه
شن درت يا محممدددد نطيت من السرير وسيبته راقد في عز نومه خشيت للحمام درت دوش دافي عشان نتريح وكان ظهري يسطر فياا بكل من الالم لكن بطني خفت شويا
لبست روب لعند الركبه سماوي و فيه رسمه باللون الابيض و نشفت شعري و خليته مبلول و مطلوق و قعمزت في الصاله ونعصر في دماغي نذكر شن صار امس
.
.
.
#محمد
بعد ليلة امس و نوران رقدت في حضني رحنا في نومه و اول مره نرقد وهي علي صدري
نضت في الصبح بحتت ما لقيتهش حذايا فطنت الروحي مش لابس تيشرتي من فوق ....قعمزت علي السرير بحتت جنبي لقيت باكو الدخان علي الدرج خذيته وولعته مازلت حتي وجي ما غسلته وطلعت للصاله ندور في نوران
محمد<< صباح الخير
انا<< ومازلت اخري عريان عدي عدي البس
وبرمت وجي ما بيتش نبحت فيه
محمد<< تي كنك علي اساس ما تشوفيش فيهم في المسلسلات التركيه هللي اتفرجن عليهن نص لابس ونص عريان
بحتت فيا نوران ورفعت حاجبها<< تيييي فطرت توا انت عشان ادخن حتي وجك ماغسلته
وصبت فكت من فمي الدخان وانا رقالي منها بكل لاني منبهها عليها الحركه هذي
محمد<< كم مره قتلك الدخان معش تفكيه مني و اي حاجه نقعد ما سكها معش تفكيها مني
وقعدت نقرب منها نبي نفك الدخان وخرت لصقة في الساس
نوران <<قسما بالله تقرب يا محمد نحط الدخان في فمي وندخنه خلاص معش نعاودها لكن توا خش دوش و صلي عشان نفطرو جيعانه امس ما تعشيتش
قعدت نبحت فيها وهي مرفعه الدخان و حاطته قدام فمها
محمد<< حطيه قدامي توا في الكناسه هيا
طلعت للفرندا و عزقاته وعفست عليه << خلاص هه عزقته خش
محمد<< ايوه
نوران<< غير عدي توا دوش وتعال نبي نفهم منك حاجه
محمد<< باهي
عرفتها تبي تسألني شن صار امس فا قررت نحرقلها دمها خشيت ندوش وانا نفكر فطريقه نحرق بيها دمها
