#المستشفي
.
.
.
الحلقه الواحده والثلاثون
.
.
.
انا << محمممممدد؟؟؟؟؟؟
وكانت الصدمه ماليه وجي بكللللل وركبتني الحراره وحسيت منظري مش هوا بكككككل
محمد << اها محمد
ومرفع حاجبه ويبحت فيا
انا << محمد افهمني قبل بس
محمد<< مش تبي حوش هلك ؟؟خليكي فيه
وبرم سيبني و مشا وانا كأنه نكبت عليا اميه ساخنه وموقفييييي شييييين بكل مهما كان الاعذار لي نبي نقولهن مهما كان لي نبي نديره حسيييت روحي خسررررته
انا خسرت محمد ؟؟؟؟ كيف كان يبحت فيا وكيف عيونه شرار ويحكن
معش قدرت ندير شي خشيت نجري جوت
امي<< بسم الله كنك رديتي
انا<< خلوني بروحي
وخشيت سكرت الدار عليا وسلحت ايشربي و مش قادره ندير شي قعدت نبكييييي و دموعي يحرقن فيا في وسط قلبي
.
.
.
محمد
روحت للحوش علي اساس نلقاها فيه
خش نادر يسلم عليهم و خشيت وراه
جمانه<< مش قتلي جاي بكرا
نادر<< كملنا شغلنا كله و خلاص ما عندنا ليش قاعدين
امي << باهي لي جيتو حتي كان يومين الحوش بلاكم مكسد
هما يحكو و انا ندور بعيوني علي نوران نبيها
نادر<< اوووه تغديتو
امي << لالا تو بنحطو عدي صلي وغير دبشك علي ما جو جدك و عمامك وباتك من الجامع و حطينا
نادر<< هيا جمانه
منصف<< مغير يكركر فيها وراه😑
نادر<< اشقا بروحك خيرلك
محمد<< جمانه نوران فوق ؟؟
جمانه<< لالا عند هلها
محمد<< اها مشت اتغدا غادي
منصف<< تي لا من امس غادي قاعده
محمد << كيف ؟؟
جمانه وهي راكبه مع الدروج ماسكه في يد نادر<< تي ماهو حصلت غادي شكلها ورنت علي منصف مسكينه ما ردش عليها
محمد<< تمام تمام تو نعدي نجيبها
وطلعت من الحوش ما نحقش في شي بكل
ركبت في السياره وجري شور حوش هلها
الحاجه الوحيده لي نفكر فيها انها مش دايرتني راجل ومش دايره الكلمتي حساب .... قتلها امشي الهلك لكن تبات لا انا راجل ما عنديش وليه تبات برا الحوش
عليش تكسر في كلمتي وطلعتني عيل كيف مانيش راجل انا .... نجري بسياره والحمد لله لي كان يوم جمعه و الطريق فاضيه كان هضا را ودرت روحي ولا ودرت حد
