اقتباس صغنن من حلقة بالليل ❤
الدكتور بإستغراب : معرفش .. انا حتى مستغرب .. من يوم ما جيتى لا حد بيجيلك و لا حد بيسأل عنك .. مفيش غير عاصم بيه اللى حاطط كميه حراسه تحرس بلد بحالها و محذّر من اى حد يدخلّك
همسه إتنفضت بفزع : عاصم مين ؟
لسه الدكتور هيتكلم جاه صوت عاصم من وراه : اناا ..
قرّب منها بلهفه وضمّها .. همسه قلبها إتقبض مره واحده اما شافته و بتلقائيه إتكوّمت ف حرف السرير بخضّه
عاصم إبتسم : حمد الله على سلامتك يا حبيبتى .. وحشتينى .. كل ده يا همسه ؟
همسه مش بترد بس بتبصّله قوى .. حاسه إنها تايهه
همسه : انت مين ؟ انت مش جوزى
عاصم ضيّق عينيه و بصّلها بحذر و بصّ للدكتور قوى بحده و رجع بصّلها : ايه يا حبيبتى اللى بتقوليه ده ؟ انتى بس تعبانه... إرهاق من الغيبوبه
همسه قامت مره واحده بعنف و ده ألمها ف صرخت ..
عاصم قرّب بسرعه بس هى زقّته بعنف : انت مش جوزى .. فاهم
عاصم بصّ للدكتور بحده : ما تتصرف يا بنى ادم انت .. واقف بتتفرج
الدكتور قرّب و إداها مهدئ و هى جسمها إبتدى يرتخى شويه بشويه لحد ما راحت ف النوم
عاصم بصّ للدكتور بغضب و شدّه بحده و خرج
عاصم مسكه بعنف من رقبته و زنقه ف الحيطه وراه و رفعه لفوق : انت بتتحدانى ؟ انا مش قولت مش عايزها تعرف اى حاجه عن اللى حصل ؟
الدكتور بيكح : انا مقولتلهاش حاجه.. هى سألت و انا جاوبتها
عاصم بغضب : و لا كلمه .. و لا حرف .. انا قولت مش عايز حد يتكلم معاها ف اى حاجه .. لو سمعت إنك حتى فتحت بوقك هقفلهولك انا و للابد .. فاااهم
زقّه بعنف وقّعه ف الارض و الدكتور قام بسرعه و مشى من قدامه .. و هو كزّ على سنانه و بص ناحيه اوضتها
ايام عدّت على همسه على نفس الحاله .. بتفوق و تنهار و يغمى عليها تانى ..
عاصم : ايه بس يا حبيبتى ؟ كنتى بقيتى كويسه ايه اللى حصل تانى ؟
و لحد هنا و نقول #فوتكم_بعافيه
و نكمل بالليل
نياهياهياهياهياهياهياهييييااااه 😂😂😂
استنونى بالليل ف حلقه طويله جدا جدا جدا و مميزه و عباره عن كشف الوجه الاخر للحقيقه المزيفه و بداية الحقيقه ..
التفاعل وحش قوى .. على فكره انا امبارح كنت هقول لو فى تفاعل كويس هنزل بإقتباس عن حلقه بكره بس اتراجعت و قولت اما اشوف هتتفاعلوا من نفسكم و لا مصلحه عشان الجديد ينزل و حقيقى اتصدمت ان الحلقه اللى قبلها عشان كان فى وعد لو فى تفاعل هينزل تانى كان عليها تفاعل الضعف و ده معناه ان فى ناس بتستخسر التشجيع و ده بردوا معناه انى انا اللى لازم ازعل مش انتوا
