#رواية_مارد_المخابرات ❤
اقتباس من حلقة بكره ^^
سليم دخل عليه بفزع و بصّله قوى و مراد حتى محاولش يمسح دموعه او يداريها
سليم بجمود : مين ده اللى عايش؟
مراد غمض عينيه بعنف و سليم صرخ فيه : انطق
ام همسه جات من برا على صوتهم و لمحت الوضع بس متكلمتش لإن المشهد ده إتكرر قدامها الف مره و مره .. سكتوا كتير .. و هى إتنهدت و لسه بتخرج إتسمّرت مكانها على كلمة مراد
مراد بغلّ : عاصم
سليم قعد فجأه : ايش عرّفك؟ شوفته؟
مراد بعد ما سكت كتير حكاله اللى سمعه من يحيي و محمد عن القضيه اللى معمولاله و حكاله التفاصيل
سليم بعنف : يعنى ايه؟ ضحك علينا تانى؟
مراد بقهره : قول عاشر
سليم : مين اللى ماسك القضيه دى؟
مراد : يحيي و الفريق بتاعه بقيادة واد اسمه مارد
سليم : عايز اقعد معاه و اشوف التفاصيل .. عايز اسمع منه ازاى وصلوله
مراد : إتأكدوا من صورُه و التسجيلات اللى بصوته من وجوده
هدى بدموع : و كان فين كل ده؟
مراد بشرود : ف روسيا
سليم بغضب : و اما إتأكدوا متقبضش عليه ليه؟
مراد : القضيه لسه فيها كتير و هو عميل مهم و فعّال ف المنظّمه دى .. يعنى محتاجين وجوده عشان يقفّلوا بيه القضيه
سليم وقف بجمود : عايز اقابل مارد
مراد سكت كتير : معرفش بس
سليم بحده : كلم مصطفى الحارونى خلّيه يجبهولى او يوصّلنى بيه
مراد سكت كتير بوجع و سليم مسك موبايله ...
***
همسه اخدت روسيليا و قبل ما يمشوا
همسه : هروح اجيب قهوه قبل ما نمشى
قامت و دخلت الماركت جابت القهوه و هى خارجه مسكاها و مميله و باصّه فيها ..
مره واحده خبطت ف اخر واحد ف الدنيا ممكن كان يتخيّل انه يشوفها على وش الارض مش تحتها
و اتلاقت عيونهم ف نظره زى البحر مموّجه بين الرفض و اللهفه و الذهول .. نظره الجنون مسيطر عليها !!!!!
و هو رفع إيده اللى بتترعش على وشها يتلمّسه و هى بتلقائيه استسلمتله و غمضت عنيها رغم انها معرفتهوش همسه دمّعت بتلقائيه و هو _______
و لحد هنا و نقول #فوتكم_بعافيه
و نكمل بكرره
انا رفعت الاقتباس مش عشان حاجه .. انا نزلته جبراً بخاطركم زى ما عودتونى تجبروا بخاطرى
بس اللى حصل منكم امبارح ده حرفيا كسرنى مش كسر بخاطرى
انا امبارح من وقت ما النت اشتغل و بستقبل رسايل و.كلام سم و.كل ده عشان ايه ؟ عشان يوم واحد حلقته منزلتش !!
و اللى تقولى كلامك مش منطقى و اللى تقولى يعنى مكنتيش قادره تنزلى تجيبى كارت شحن و اللى تقول ما تعملى باقه و لا مش قادره و اللى تقولى ياريت كنتى قولتى مشغوله ع الاقل تبقا حجه مقبوله و اللى تقارنى بكاتبه تانيه و تقولى فلانه دى محترمه و.معروفه و حلقاتها طويله عشان كده الكل بيعذرها ( اللى هو معناه ان انا مش محترمه ) و و و ...
عموما انا قدمت عذرى زى ما كتير منكم بيبعتلى اعذاره و يقولى مبنعرفش نتفاعل بلايك و لا كومنت عشان الدراسه و بفتح فالخفا او عشان خطيبى و اللى بتقولى انها هتستنى اما الروايه تخلص و تتابعها و رغم انها كده بتضيع مجهودى بس بقدّر و بعذر ..
اللى انا فعلا مش قادره افهمه و.محتاجه اجابه بجد عليه هو اشمعنى انا ؟؟
انا لا نشرت حاجه قبل كده و لا شوفتونى !!
يبقا ليه الهجوم ده كله اللى بقابله على اقل حاجه !! ده من تأخير دقيقه الاقى كلام و.دوشه و عصبيه و او اعتذرت يوم الدنيا تتقلب عليا و.كل اللى قدمته سابق بيتمسح قصاد حاجه زى دى !!
فى كتابات كتير مع احترامى لهم بيعملوا اكتر من كده ..
ايه محمد مثلا و لها احترامها لانها حرفيا من الناس اللى بعشقها
بس ف روايتها الاخيره كانت بتنزل الحلقات يوم اه و ايام لاء و.واقفه عند الفصل 27 من امتى ؟!!!
و.مع.ذلك مشوفتش بوست واحد بيعترض و لا حد نطق .. و محدش يقولى اصلها كاتبه كبيره و.معروفه عشان انا مش بتكلم ف كبيره و لا صغيره انا بتكلم ف نقطه محدده !
دى دى فتحى ف عذاب رعد 2 كانت بتنزل حلقه و تعتذر التانيه و لحد ما نزلت الخاتمه كنت انا نسيت الاحداث و الله و.مع.ذلك مسمعتش صوت حد اعترض !
بوسى ف معشوقتى المجنونه 2 كانت بتنزل يوم و تعتذر كذا يوم و بردوا محدش نطق و لا اعترض و لا شوفت كمية الهجوم دى من غياب يوم !!
ااه هما كان لهم اعذارهم و انا كمان قدمت عذرى و لا التقدير و الاحترام لناس و ناس ؟؟؟
مش متخيله القهره انى بدمج حلقات عشان الحلقه تبقا طويله
و اما الناس اعترضت ع المعاد و قالت متاخر و انى مبحترمش ظروفهم بقيت ارفعهالهم بدرى عشانهم
و انى بحاول قد ما اقدر ارد على كل اللى البوستات اللى بتنزل او الكومنتس عشان محدش يتضايق من عدم الرد لدرجة انهم بنفسهم بيقولوا انى الوحيده تقريبا اللى بحاول ارضى الكل و ارد ع الكومنتات و الاخر اسمع كلام زى السم ف جنابى لمجرد يوم النت فصل عندى
انا من البدايه اما استعجلوا التانى قولتلهم انا ظروفى ملغبطه و هحاول قد ما اقدر
و اما لقيت يوم اجازة جوزى بيحصل بينا مشكله كل جمعه بسبب انى ماسكه الفون قولت يا جماعه الروايه هتبقا من السبت للخميس عشان جوزى اجازه الجمعه و.حتى قعدنا نهرج و سابوا الحلقه و بقوا يألشوا ع الجزئيه دى و اللى يقولى هننزله شغله غصب عنه و اللى يقولى هنبعتله.طلب للشغل مخصوص
و اعتذرت قبلها تقديرا للكل
و المره اللى كريم نام و.نمت دى مكنتش حلقه اساسيه دى كانت حلقه.زياده و قولت لو.ظروفى سمحت
يعنى قبل اى حاجه بعتذر و بستأذن. عشان دى ظروف مترتبلها و.معروفه
لكن فصل النت ده اللى جاه فجأه و مش مترتبله
عموما الروايه باقى منها كام.حلقه و.بمجرد ما يخلصوا هنستفض بقا و شكرا كمان مره !!
اه على فكره انا اما طلبت منكم مساعدة الجروب يكبر ده بس من باب الحب او الصداقه او يمكن العشم اللى مكنتش عارفه انا جيباه فيكم منين الصراحه .. بس انا طلبت ده لا انتوا اللى شجعتونى اكتب تانى و.انشر تانى و انا معنديش طاقه لذل الادمن و.مرمطة الجروبات و.كل واحده تقطم فيا شويه لحد ما تدينى اذن النشر .. لكن توصل ان واحده تقولى انتى بتستغلى الروايه او بتستغلينا يبقا كفايه لحد كده بجد !!
المهم لينك الجروب اهو للى حابب يساعد مش اكتر .. الناس اللى محسسانى انى بتذللها و بتقدملى جميل ياريت متدخلش
https://www.facebook.com/groups/193929417794822/
لينك الواتباد للجزء الاول 👇
https://my.w.tt/yvjyZGOfkX
لينك الواتباد للجزء التانى 👇
https://my.w.tt/pBR6G5I8qZ
لينك الفيس للجزء الاول 👇
https://www.facebook.com/media/set/?set=a.2151409794987296&type=3
لينك الفيس للجزء التانى 👇
https://www.facebook.com/media/set/?set=a.2178647858930156&type=3
