#رواية_مارد_المخابرات ❤
اقتباس من حلقة بالليل ^^
نقلوها ع العنايه المركزه و مراد معاهم و اصرّ يبقا معاها ف الغرفه .. ايام و ليالى وصلت لأسابيع و هى مش بتفوق .. بيتطمنوا عليها بس من الاجهزه إنها عايشه ..
مراد جنبها مبيفارقش الغرفه .. مصطفى مسابهوش جنبه طول الوقت و ليليان معاهم
لحد ما همسه إبتدت تفوق .. بربشت بعينيها مرتين تلاته .. مراد لاحظها فقام بلهفه إتحدف ع السرير و ركّز إيديه الاتنين ع السرير حوالين كتافها .. و وشه فوق وشها على طول ..
همسه إبتدت تفتّح ببطئ لحد ما فاقت و إبتسمت بهدوء و حب اما لمحت مراد جنبها
اول ما فتحت ميّل عليها باس راسها : وحشتينى يا امى .. وحشتينى اوى .. انتى متعرفيش انا كنت حاسس ب ايه و انتى كده .. انا كنت بمووت
همسه بضعف : حبيبى انت بعد الشر عنك .. مش انت اللى قلتلى ربنا مستحسل يحرمنا من بعض بعد ما جمّعنا
مراد ابتسم بدموع : ربنا ما يفرّقنا تانى و لا يحرمنا منك يا روحى انتى .. و الله ما هسيبك تانى يا حبيبتى .. و الله ما هسيبك مهما يحصل ..
همسه : حبيبى ده نصيب
*************
اللوا رأفت بذهول : استقالتك؟ طب ليه يا مراد؟
مراد سكت شويه : اعتبرها ظروف خاصه
اللوا رأفت : مراد عندك ظروف خد اجازه .. ارتاح شويه .. لكن ليه استقاله؟
مراد بهدوء : معلش كده هيناسبنى اكتر
*************
مراد راح ع الجهاز و طلب يقابل رئيس إدارة الجهاز بشكل شخصى ..
رئيس الجهاز وافق و مراد راح قابله ف بيته بسريه .. إتردد شويه ف الاول لإنه كان حابب يخلّى تاره مع عاصم شخصى بس دى الطريقه الوحيده اللى هيقدر يوصل بيها لأبوه
حكاله كل حاجه .. ان عاصم اللى كان ممسوك ف قضيه هنا و هرب موجود ف روسيا ..
مراد كان بيحكيله بناءاً على اللى حكاه عاصم ل همسه إنه إتورّط ف سرقة الميكروفيلم بس و بعدما إتقبض عليه و هرب
مكنش يعرف باللى حصل كله .. و مع ذلك إستثنى الجزء الخاص ب أمه و أخته و خرّجهم من الموضوع ..
هو بس عرّفه ان عاصم اللى كان له قضيه هنا و هرب موجود و هو كشفه و عشان كده قتل رحاب
رئيس الجهاز بذهول : انت عارف اللى بتقوله ده معناه ايه؟ ان عاصم عايش
مراد : ايوه و بسهوله إدلّك على مكانه
رئيس الجهاز : و انت عرفت منين؟
مراد سكت شويه : وقع تحت إيدى بالصدفه او تقدر تقول كده سوء حظه اللى رماه لحد عندى
رئيس الجهاز سكت شويه
و مراد بصّله بتردد : ايه تفاصيل قضيته اللى كانت معموله له هنا ؟
رئيس الجهاز : دى اسرار شغل .. ملف قضيته فيه خصوصيات و اسرار عسكريه و قياديه للبلد و فيه تفاصيل الميكروفيلم اللى إتسرق وقتها
مراد سيرة الميكروفيلم وقّعت قلبه لان عاصم قاله كده
مراد بقلق : هو ايه حكاية الميكروفيلم؟ مين سرقه و مين رجّعه؟
رئيس الجهاز : دى حكايه من اكتر من حاجه و عشرين سنه و اكيد مش هيبقى عندى كافة التفاصيل خاصة لو دقيقه كده .. بعدين انا لسه متأكدتش من كلامك
مراد بثقه : إدينى شوية وقت و انا هجيبلك عاصم تحت رجلك
رئيس الجهاز : احنا لقينا الميكروفيلم بعدها لكن معرفناش مين ورا إختفائه .. وقع تحت إيدينا ف إيد واحد من الواضح إنه كان كبش فدا .. بس لمين معرفناش
مراد قلبه دق بعنف لإن عاصم قال لهمسه إن أبوه اللى سرقه عشان يورطه بعدها رجّعه ع اساس إنه شغله و دوّر و جابه .. و كلام رئيس الجهاز دلوقت بيثبت كلام عاصم
مراد اخد نَفس طويل و خرّجه بعنف : انا بس محتاج ملف القضيه اللى كانت مفتوحه لعاصم هنا .. غير الفريق اللى كان بيحقق ف القضيه .. او الظابط تحديداً اللى كان ماسك القضيه
رئيس الجهاز بصّله كتير و إداله ورقه و مراد اخدها بشئ من التردد و فجأه _______
و لحد هنا و نقول #فوتكم_بعافيه
و نكمل الليل
استنوونى ف حلقه طويله جدا و مميزه ❤
نياهياهياهياهياهياهياهياهياهياهياهياهيييياااه 😂😂😂
كذا اقتباس اهو 😂
بشكركم للمره التانيه على مجهودكم معايا و تفاعلكم اللى اتمنى يستمر ..
متابعه للاكونت بتاعى Soma Ahmed و تفاعل جواه 💞
ده لينك الاكونت بتاعى
https://www.facebook.com/soma.ahmedentomalko
