#رواية_مارد_المخابرات ❤
اقتباس من حلقة بكره بس ^^
مراد سكت شويه : مين اهلها ؟ فين ؟ ليه سايبنها لوحدها ؟
الدكتوره بان على وشها التردد : مصطفى و مراد خواتها هيجوا و
مراد بحده : انا بقول اهلها .. يعنى ابوها و امها
الدكتوره : بص دى اسرار مريض انا مينفعش اتكلم فيها مع حد من وراها
مازن سكت شويه : لها قضيه عندنا و بنحقق فيها و عايز اعرف كل حاجه عنها عشان ده يخرّجها منها
الدكتوره : صدقنى انا معرفش حاجه .. يمكن هى نفسها متعرفش بردوا
مراد بانتباه : يعنى ايه هى متعرفش ؟ فى حد ميعرفش اهله ؟
الدكتوره سكتت شويه : هى كانت عايشه مع حد بعد كده اكتشفت انه مش ابوها و هى نازله هنا البلد عشان توصل لابوها
مراد ابتسم بتلقائيه .. طاقة امل بتتفتح قدامه
❤❤❤
مراد مسك الملف بيدوّر فيه بتوهان .. عينيه بتسابق الكلام كأنها بتدوّر عليهم بين السطور ..
فضلت عينيه تلف لحد ما اتجمّدت عند تقرير الوفاه اللى اتعمل لابنه لحظة ما القلب وقف و سابوه ..
مراد بتلقائيه رجله ارتخت بعنف كأنها رفضت تصلبه تانى .. نخ بقهره ع الارض و الملف ف ايده
كل مواصفات الحادثه بتقول انهم هما .. يبقى اللى مات ده ابنه .. كأنه بياخد صدمة موته من تانى .. بيتوجع من اول و جديد
❤❤❤
مصطفى بقلق : ابوك تقريبا وصل لحاجه عنكوا يا مراد .. و كان واخد ليليان بالطريقه دى بس عشان يتآكد و وهمها انهم عايزينها ف قضيه قسيمة الجواز المزوره
مارد بغضب : و هو ملقاش طريقه غير دى ؟ غير انه يموّتها من الخوف .. و يا عالم الكلاب بتوعه عملوا معاها ايه جوه عشان تتكلم و وصلت للحاله دى
مصطفى : كده خلاص لازم تقعدوا و تتكلموا مع بعض .. لازم تتكلموا
❤❤❤
مارد ركن عربيته بعنف و دخل و وشه هيطقّ من الغيظ
حد من الامن برا دخل لمراد : فى واحد عايز حضرتك برا إسمه المقدم مراد عبدالله
مراد خرج بلهفه و بتلقائيه ابتسمله و لسه هيتكلم
مارد انفجر فيه بعنف : يا اخى حرام عليك .. حرام عليك بقاا ..
انت اييه ؟ دمّرتنا و انت بعيد و انت معانا .. انت حالف لتكسرنا .. مش كفايه قهرة السنين دى كلها
مجيتش وقفت قدامى راجل لراجل ليه ؟ و لا زى ما عاصم قال عنك انك بتحدف و تجرى تستخبى
مراد اتصدم بكلامه و قلبه بيدق بعنف مش عارف يفسره
و مراد بغضب : يا اخى ارحمنا بقااا ده حته القطه بتحس بولادها و اللى بيقرب منهم بتمزّعه .. و انت ايييه مفيش احساس خالص !
و ف وسط كلام المارد الكلب بتاع مراد مُريان لمحوه من بعيد و بدون مقدمات جاه جرى بهيستريا و نط عليه .. رفع رجليه اللى قدام على كتفه و رجليه اللى ورا لفّهم على وسطه و بيتحرك بعنف كأنه بيلف بيه
مراد بصّله قووى و اتنفس بصوت عالى و اتنهد براحه زى اللى كان شايل حِمل تقيل و دلوقت بس نزّله
ظهرت على وشه ابتسامه متتناسبش مع الموقف خاالص
اتقدم خطوات ناحيتهم و المارد وقف قصاده و الاتنين بصّوا لبعض
مراد و هو بيبصّله قووى : _______
و لحد هنا و نقول #فوتكم_بعافيه
و نكمل بكرره
نياهياهياهياهياهييياااااه 😂😂😂😂
عايزه اوضح حاجه قبل ما انشر حلقه بكره و اتمنى تسمعوها ياريت كويس
و انا بنقل اللى كتبته من الاجنده ع الفون عشان اظبط الحلقه .. اختارت اللقطات اللى هقفل بيها حلقه بكره و حلقه بعد بكره فالقفلات حكمت ان حلقه بكره تبقا طويله جدا جدا و احداثها كتيره بهبل و فرقعه و.حلقه بعده بكره صغيره عنها بحكم انى عايزه اقفل كل واحده فيهم على مشهد معين ..
ياريت حزب المعارضه يتقبل الموضوع ده و بلاش هجوم من نوعيه الحلقه صغيره و الاحداث قليله و مش عارف ايه ..
اللى بيحكم حجم الحلقه اللقطات اللى حابه اقفل عليها ..
زى ما هتنبسطوا بالحلقه الطويله ياريت تتقبلوا الصغيره ..
و ياريت محدش يقولى الاتنين لان ظروفى مش هتسمح و اللى فاضل مش كتير ف خلونا نستمتع بيه واحده واحده ..
ده لينك الجروب عايزه تفجير .. انا مرضتش اطلب قبل الاقتباس عشان .محدش يتهمنى انى بستغلكم
ضيفوا صحابكم و شيروا اللينك عندكم او على اى جروب انتوا فيه خلوه يكبر بيكم ❤
https://www.facebook.com/groups/193929417794822/
