رد شرف 🔞

٤

بقيت اقوليها لولو ...
اتلفت وراي لقيتو ولد عمي واقف بعاين فيني بنظرة مريبه كداا و عاضي علي شفايفو ، اتخلعتا ،بقيت بتلفت اشوف لي طرحه ، اصلا ماف زول بجي هناا غريب ..
قالي ازيك ...
قلت لي ، لمار ، اجري ناوليني توبي امي دااك
قالي مالك معقدة كداا انا ما غريب ،
م رديت عليهو ، مل القلت ليهو : خير عايز حاجه ؟
بصراحه انزعجت شديد من دخولو بالطربقه دي حتي ما قحا ولا استاذن لو كان دابر شي كان ينادي ولا يرسل لؤي ..
المهم .. قالي عطشان والصبارة بهناك مويتا سخنت ، قلت ليهو لؤي وين ؟ ( وهو عينو في صدري ) ،، قالي لؤي داا جاهو صحبو واقفين قدام الباب ،
فتحت التلاجة اديتو قزازة وهو لسه واقف ، قلت ليهو عايز حاجه تاني ؟ قالي لا ، قلت ليهو طيب اتفضل عشان اعرف اشتغل ، مشا وبعاين فيني ،، المهم اخدتا ضيقتي ، و خلصنا برنامج الاكل ...

سقتا لمار غرفتي و قفلنا الباب و بقيت بلعب معاها ، في اللحظة دي جاني تلفون ،، رديت :
* الووووو
_ اووه لقاء
* ههه اهلين رفيده ازيك حبيبتي
_ تمام والله حمدلله
*دايماً ي رب في احسن حال
_ اجمعين يارب ، اسمعيني يا لقاء
* هااا
_ تتزكري من فترة كان وصيتيني علي شغل و ما رديت ليكي خبر
*ولا يهمك الناس الظروف برضو
_ تسلمي لي ، اهاا طبعاً زي ما عارفه انا شغاله في الكوافير داك ، و هسي البت البتقعد لينا في الحسابات ، عرسها قرب و خلت الشغل فجاه ، كان بيناسبك تعالي وشوفي الحاصل ..
* والله يا رفيده بيني وبينك جيتيني في وقتك انا فعلا محتاجه حاجه افرغ فيها طاقتي ، بس الشغل دا من كم لي كم و الراتب كيف نظامو ؟
_ يا رب يناسبك انتي تستاهلي الخير كله ، اما اسألتك دي ، تعرفي اجابتا من مدام حنان لمن تجي تتفقو انتو مع بعض
*خلاص تمام ، تسلمي لي حبيبتي
' قفلت علي كدا '

اليوم دا ناس امو جو ومافي شي يزكر ، لحد تاني يوم ، كلمت امي بالشغل ورحبت بالفكرة، وكلمتها بخصوص الرحله اترددت شويه ، بعدها قالت لي تسوقي لمياء معاكي ، طبعا دا ما جو لمياء و كالعادة رفضت مبدأ الفكرة ..

( في جانب تاني )
#اسمعي ، عايني هناك ..
_اممم وين ؟
#ياخ غبيه انتي ! قلت ليكي عايني مش تتلفتي كداا
_طيب وين بالضبط ؟
#عايني علي يساري ، انحنارمش قاعدين في رابع مقعد ؟ يلاا تالت مقعد قصادنا علي اليسار
_ ايوة ايوة الراجل الكبير دااا ،، وووووااي دا شنووو ، سجمي سجمي
#بسسس وطي صوتك
_وووواي لكن هي كيف ساكته ليهو ؟
#اصلا عايني في وشها م حتستحمل كتير
_اخسي عليهو لكن راجل كبير بي شيبو ما محترم سنه ، والله غاظني جوة قلبي
#انتي اول مرة تشوفي زي داا ؟ قلة الادب دي واحد بقت شامله الكل ما فيها كبير و صغير
_حاجة مقرفه بالجد دا اكيد مريض ياخ حسبي الله ونعم الوكيل فيهو ، هي زاتا تستاهل قاعدة وساكته ليهو لشنو، دا حقو حار والله بلقاا قدام
#محسساني انك اول مرة تشوفي تحرش في المواصلات ، هه يا بت امي كل يوم حاصله افلام زي دي ...... ووووبعلي قامت علي حيلااا عايني .. * محتوي النقاش *
يا راجل يا عجوز يا قليل الادب يا ما محترم انا عشان ساكته و مستحمله عسان م اوصل للمرحله دي و اهزء بيك قدام الناس لكن اتماديت وقليت ادبك و بالجد انت راجل ما عندك ذرة الاخلاق و ..........( الباقي لقدام)

في جانبي طلعت من البيت عشان امشي الكوافير ، و مسافة نص ساعه او ساعه الا ربع بالكتير من جمب بيتنا ،،
وصلتاا ، قبل ادخل اتصلتا علي رفيدة ، جاتني طالعة سلمت عليها و دخلنا ، المهم اتفقت معاهم و بنات محبوبات و كواغبر معروف يعني وناسو راقين ، دوامي من الساعه 11 :5 ، المهم خلصتا و طلعت منهم الساعه 1، انا طالعه و وحدة داخله ماشاءالله ريحتا تجيب من اول الشارع ، بس لله في لله كدا حدرت فيني ودخلت ، قلتا خير م ناقصه مشاكل ...
بقيت موازيه للشارع و ماشه عشان اخد لي ركشه ، انا ماشه وحاسه غي عربيه مهدية و ماشه وراي ، بقيت ماشه بسرعه و دا ماشي وراي ، لمن حسيت الموضوع زاد عن حدو ، وقفت عاينت ليهوو ، م عرفتوو
بس ملامحو م غريبه علي شايفاهو قبل كداا
م اتكلمت وكملت طريقي ، ولسه ماشي وراي لمن وصلت مرحله ، وقفت قلت ليهو مالك انت ؟
قالي مالك سالتك ؟ قلت ليهوو مرازيني و تجي تقول لي سالتك !!
قالي ماشي في شارع الله والرسول ما سالتك اناا ، ، قلت ليهو تمام ..
علي حظي جا بتاع ركشه وقفتو طوالي وركبتاا علي البيت .. نزلتا ، جيت داخله البيت لقيت ابوي دا قاعد في ركن في الصالون ومدنقر راسو ، قلت ليهو سلام عليكم ودخلتا ..
دخلتا و غيرتا ، اتصلت بي ملاذ قالت لي حنطلع بكرة للرحلة قبل الظهر ، قلت ليها تمام
.... بعدها جاتني لمياء قالت لي ، شفتي ابوكي ؟ قلت ليها اشوفو في شنو قصدك ؟
قالت لي م شفتي وانتي داخله ؟
قلت ليها شايفاهو قاعد ، والمرة القاعده مع امي دي والله يا لمياء قلبي مابيهاا اصلو ما ردتها كلوكلووو .. قالت لي ولا اناا جيتا كترت ...
المهم اليوم دا خلص لحد ما جا زمن الرحله
لبست اسكيرت و بلوزة و طلعتا ، جوني لحد الشارع بالعربيه ، ملاذ وامير و معاهم ولدين
استغربت طبعا لكن طلعت معاهم ورا بقيت قاعده في الطرف .. سلمو علي
والولدين كل واحد فتح فيني خشموو
اها الجمبي دا ابتدا يتونس معاي و يتعرف،وبرد قدر السوااال ، انتي اسمك منو ؟ اسمي لقاء تشرفنا وانا مؤيد .. لمن وصلنا علي الحال دا..
م عارفه اوصف ليكم المكان ، بس جو حفلات و شباب و ناس غيرنا طالعين مجموعات ، نزلنا وبقيت قاعده كدا منكمشه كدا مع نفسي
،و ملاذ دي ما سايبه زول ، آخر ونسه وضحك ، قام جاني الولد الكان قاعد جمبي في العربيه ، قالي مالك حفلتنا ما سمحه ولا شنو ؟
قلت ليهو لا عادي ، بس م بعرف زول ، قالي احسن اعرفيني انا بس ، عاينت ليهو كداا وقبلت وشي ..
قالي انتي جميله ، معقوله وحدة بالجمال دا م عندها حبيب ! قلت ليهو عن ازنك
قمت ناديت ملاذ ، جاتني ، قلت ليها ملاذ انا صدعتا و حاسه بلفه راس ، ممكن تكلمي لي امير يفتح لي العربيه الباب الوراا ،، قالت لي سجمي مالك ، قلت ليها لا بسيطه بس عشان م متعوده وهناك شمس ، قالت لي طيب لحظه ..
فعلاا مشت نادتو جاا فتح لي ، ركبت وراا و بقيت متكيه و مغمضه زي النعاس كداا ،،
بس فجاه الباب فتح ، لحد م رفعت راسي وعاينت كان جا قعد جمبي و قفل الباب بالتأمين ..........

استككانة 🏃~

يتبع ..........