رد شرف 🔞

١٢

ركبتا معاهووو ، اداني منديل
والله زي الشافعة ، بمسح في دموعي ، قلت ليهو ، وريني انت منو ؟ قالي في شنو انتي مالك ، روقي كدااا
قلت ليهو انا رايقه بس المافاهماهو انك طوالي ماشي وراي حاصل شنوو ؟ قالي معجب ، عاينت ليهو كدا بأستغراب ، قلت ليهو ماشاءالله يعني من قلت البنات !!!
قالي علي فكرة استايلك الجديد روعه ، قلت ليهو كمان عارف استايلي ، ايوة و عارف بيتك كمان و بشوفك مع صحبتك الرقيقه ديك تقول تومات 24 ساعه معاهاا ...
قلت ليهو انت منو ؟ و مراقبني كداا ليه ؟ و داير شنو ؟ و العرفك محل شغلي شنو ؟
قلي براحه ستين سؤال وراا بعض !
طيب انا منو ؟ انا احمد ، مراقبك ليه ؟ اناي م تسميها مراقبه ، سميها اعجاب بس ، داير شنو ؟ دايرك انتي ، محل شغلك دا شفتك بالصدفه ( هو فعلا صدفه بس كذاااب بيجيب مرتو حسب كلام رفيدة ) ..
قلت ليهو بس دي حتت كوافير يعني البجيب راجل جمب كوافير حريمي شنو ؟
قالي بطلي تحقيق بعد دا كان دايرة تنزلي انزلي اهم حاجه عندي دموعك ديل وقفوو ، فتحت الباب عشان انزل ،
مسكني من يدي ، قالي بهزر معاكي ، ياخ عاينت ليهو شديد والله م غريب علي الزوول داا ، في سري قلتا يا لقاء ابردي ، وحدة وحدة عشان تتسدي ..
قلت ليهو وصلني البيت ، قالي طوالي كداا و بالسرعه دي ؟ قلت ليهو ايوة مصدعه ، قالي طيب اديني رقمك ، عملت فيها مترددة بعداك مليتو الرقم ،، م حصل حاجه لحد م ةصلت البيت ، نزلت بعيد كالعاد ، و كملت برجوولي ، جيت بنفس البيت الابوي بروح ليهو ، عاينت من بعبد اول مرة القا الباب متاكاا
اصريت الا امشي و افهم الحاصل ، فعلاا مشيت ، و لزيت الباب علي اطرراف اصابعي دخلت ، شامة ريحه بصلة محمرة في النار
، كملتا ، طبعا كل دا انا ماشه في الحووش
علي حظي الكعب ، تلفوني رن وهو في يدي ، قفلتا الصوت و لبدتاا .. ( مكالمة من ملاذ)
اهاا اتاكدت ان ماف زول ملاحظ لي ،، كملتا عشان اعاين ، لي عم محمود البطبخ داا ..
لمن وصلتا قريب المطبخ ، بفيت اتاوق هه اتخيلووو ، مرة واقفه في المطبخ ، والله خجلانه اقوليكم بقميص نوم ، و رافعه حلة الملاح وشغاله ، المرة دي ياها المصاحبه امي روووح بالروووح ، ( دي المرة القالت لي عليها لمياء انا رجلا كترت في بيتنا )..
طيب لحد هنا حلوين ! عم محمود دا اعزب
البجيب ليهو مرة متزوجة شنو ؟؟؟
رجعتا من السكة الدخلت بيها ، ماشه علي باب الشارع ، سمعت صوووت بناديها من جوة الغرفة ، يااا مناااال ، وقفتت ، و رجعتا عاينت لقيتو ....... ' ابوي '
ااي دا ابوي المعاها ولابسه بالمنظر داا ، جري طلعتا ،، و بقبت مرهوله علي البيت
( انا عارفه كتار منكم حيقولو انهم لو مكاني م كان سكتو وكان مسكتوها وجريتوها من شعرا و علمتوها ادب المدايح ، بس يلا دا ابوي انتو لسه ما عرفتووه ، انا عارفاهو من صغيرة ، و حتعرفو مع الاحداث ) ..

مشيت البيت ، دخلت عادي
سلمت علي امي و لمار و لمياء كانت برا البيت ، رجعت اتصلت علي ملاذ ، قالت لي مالك م بتردي من رجعنا بليل ،، قلت ليها والله قصه طويله يا لوذة ، تجيني ؟
قالت لي لالا تعالي انتي انا قاعده براي انا و وافي ناس امي ديل من بلبل بايتين عند خالتي ، ( في سري قلت ليها اجيكي طييارة )

استحميت ، و اكلت لقمة علي السريع جريت لي توب و سقت معاي لمار ..
مشينااا ، لمن وصلنا ، قعدت مع ملاذ ، حكيت ليها العملتو معاي المرة ددي ، حكيت ليها خطتي ، وافقتني عليها ، اتونسنا كتيرررر
، قالت لي اسمعي :
_ياسر دا مكسر فيكي والله
* يا زوله
_والله جد ، صحي انتي مالك م بتردي علي اتصالاتو من بليل
*وانتي عرفك شنو انو اتصل بي ، اذا كنت انا صحبة التلفون م عارفه
_قالت لي يخ بهزر  م عارفه اذا اتصل عليكي ولا لا ، بس من امس نظراتو ليكي بتوحي بكداا
* لالا م ظنيت ، فعلا في ارقام غريبه متصله علي و انا م فضيت ارد
_ ايواااه ، طيب ولو طلع معجب ؟
* م عندي ليهو حاجه يا ملاذ ، الناس ديل ما بيشبهوني
_ اهاااااا
* مالك انتي في حاجه حاقله معاكي ؟
_ لالا حاجة شنوو ياخ

عاينت كدا م لقيت لمار ، قلت ليها دي مشت وين ؟ قالت لي مع وافي شايفاها ، من قالت وافي اتعدلت وصلحت التوب ، عاينت لي وضحكت قالت لي والله امرك عجيب وغريب يا لولو ،، قلت ليها هي انا ماشه ..

فعلا طلعتا برااا ، لقيت وافي ولمار يلعبو ويتونسو ، اقسم بالله حسدتها ، قلت ليها يلا يا لولو بعد دا نمشي ، عاين لي كداا بي استغرااب نظرة كدا اصلي م انساها ،، والله قالي وعليكم السلام ، قلت ليهو معليش م قصدي ، قال لي لمار ، باي يا لولو تعالي لينا طواالي ، حدر فيني ودخل ،
والله وجعت قلبي نظرتو لي .. المهم مشينا البيت ، اتعشينا وقعدت معاهم شويه ،
جاني اتصال ، دخلت غرفتي ، رديت قالي انا احمد يا لقاء ، قلت ليهو انت عرفت اسمي من وين ؟ انا ما قلتو ليك ؟ ..... سكت م رد
قالي ضروري الاقيكي بكرة
احترت شديد ، بعناد مني اصريت افهم الزول دا مالو معاي ، لو هو زول بعرفني انا كدا م حقدر انتقم منه براحتي ، واساساً راجل مرة ساكيني مالو ، قلت خير وقفلتا منو .. جيت انوم اتصل بي ياسر ، دا جراها ونسه معاي للصباح ، و مؤيد دا يشيل و يتصل ، مطنشاهوو .. اهاا جا تاني يوم ، طبعا ما عندي دوام قاعده النهار كله في البيت ، لمن جات مواعيدي مع احمد ، لبست و طلعت انتظرتو علي الشارع ...
جاني ركبتا و اتحركناا ،، قلت ليهو احكي
قالي سلمي اول ، قلت ليهو السلام عليكم ، قالي عسل وانتي صارة كداا والله .. انا من جواي مغبونة بقيت مشتته هو متزوج ،
من هناك مرتو مستلماني و من هنا هواا مستلمني ، بالجد محتارة ، دا كلو صدف !!!!!!!
قالي : انا ما بعرفك ، جيت مرة في شارع الكوافير كنت بوصل #زول 'ملاحظين' و شفتك ف الشارع و اعجبت بيك شديد ، وختيتك في راسي والله لانو كان نفسي اعرفك ( كلامو دا كلو قاهرني ، يا راااجل انت بي مرتك عيب عليك بس قلت اشوف اخرو شنو ) .. قلت ليهو ونهايه اللعجاب دا شنو ؟
قالي زوووواااج ،،
قالي ايوة زووواج ، بس ...
قلت ليهو بس شنو ، وااصل كلامك
قالي #عرفي ....

استككانة🏃~ اعملي متابعه علي صفحتي الشخصيه عشان توصلك الاجزاء الجديده سحر سمير

بتبع .....