رد شرف 🔞

١١

دخلتا غرفتي ، جاتني لمياء
دي شنو الاكياس دي والحاجات دي ، قلت ليها شويات لبسات لينا طولنا م جبنا ،
و جبت لي لمار فستان و شبط ، انا كدا ، مساحيل اجيب حاجه لي براي و م اجيب لاخواني ، كان زول اداني شكولاتة ، بدخلا جوة شنطتي لمن اجي البيت واتقسما معاهم ،، المهم قالت لي :
_ محمد ود عمك بكون رجع ؟
* يرجع جهنم يا لمياء الله لا جابو احسن م يرجع عشان لو رجع والله ما اخلي
_ وطي صوتك امي براا
انا بس بقصد الضربه دي ما تكون جابت آخرو
*خلي التجيب و كان لقيتو المرة دي بقطعو حتت انتي بتهزري ولا شنو
_اصلك م بتعرفي تتكلمي براحه ، انا طالعه زاتو
* تصبحي علي خير زاتو بكرة عندي دواام
_طيب وانتي من اهلوو
.. ختيت الاكياس في الكرسي و نمته طواالي .. صحيت لقيت تلفرني قافل كهربا ، اسي دا حيشحن متين ياخ ،، المهم وصلتو و مشيت استحميت و لبستا ، شلت تلفوني ودخلتو الشنطة وطلعتاا ...
لحد ما وصلتا الدوام م كانت في حاجه تذكر ، انتهزت فرصه الصباح الجو بكون رايق ، خليت البنات صبغن لي شعري و زبطن لي حواجبي و عملتا الازم يعني ، وحواجبي ديل عمري ما شلتهم ..
خلصتا و رجعتا مكتبي ،، اهاا جاتني الفقر دي انا م عارفه قصتا شنو كل يوم والتاني جايه الكوافير ،، قالت لي رفيدة وينا ؟
قلت ليها شكلها اجازة لانو ما من عاداتها تااخر كداا ،، قالت لي تعرفي البلا ،، والله مستغرباها الزوله دي ،، قلت ليها هين اصبري علي ...
قالت لي قلتي شنو ؟ قلت ليها لا ما معاكي ، بس جاتني و مسكتني من شعري ، قالت لي نبزتيني صح ، يا قليله الادب يا ما محترمة ، علي حظي الشوم جات ست الكوافير زاتااا ،، ولقت المنظر دا قداما و البنات بحجزن..
قالت لينا في شنو ؟ و كلمتا بأسلوب حنين كداا ، وانا نهرتني
قالت ليها البيت دي مستقصداني من اول يوم ليها عنا بتقل في ادبا و ما بتحترمني و بالججد دي اخر مرة اجيكم فيهااا ...
طيبي ناسنا يجرو واطي ،، قالت ليها معليش دي م عارفه حاجه ، قالت ليها كيف يعني م عارفه حاجه و تنبز و تغلط ، دي زاتا واجهه كعبه لي كوافيركم و سمعتكم
طبعا شهدت البنات و طبيعي و قفو معاها رغم انهم حاضرين من البداية و عارفين الغلطان منو بس خافو من الطرد ..
فعلااااً انطردتا من الشغل ... م اتناقشت ولا اتكلمت بالعكس ابتسمت ليها ابتسامة معناها ( ابقي قدر الجااايكي )..

علي حظي الحلوو ، انا بالجد طالعه نفسيتي زفت بس عارفه كويس هدفي واول مرة اعزم علي حاجه وابقا واثقه من خطوتي تجاها ..
طلعت علي الشارع ماشه و دموعي ديل م دايرات يقيفو ، والله يا ناس الظلم دا حار شديد ...
ملاذ دي زي التقول حاسه تشيل وتتصل ، ماشه في الشارع و حسيت للحظة ان في عربيه وراي و تضرب بوري ، م عاينت قلت يمكن ماشه قدااما ، زحيت ، ولسه بضرب بوووري ، لمن وقفتا و جات جمبي ، و بقا مهدي السواقه و ماشي موازي لي ..
عاينت ليه صراحه اتخلعتا .. ياهو الزول البمشي وراي زااااتو  ..
هنا حسيت ان البحصل لي داا بقول لي اخدي حقك ، والمشكله م قادرة افكر دموعي سابقني ، عاينت ليهو وكملت مشي ، وهو يضرب في البوري ، انفعلت فبهو   قلت ليهو دايررر شنو انت هزا الشارع فاضي في شنو تاني !!!
قالي مالك بتبكي زي الشفع و ماشه في شارع كله عربات ،، قلت ليهو مافاهمه انت دخلك شنو ، قالي داا جزاااي يعني ، قلت ليهو لا جزاك لا جزاي ،، قالي طيب اركبي
سبحان الله ، رغم ان دا الاتمنيتو بس م قدرت و كنت بتعامل معاهو بطيبعتي و انعالي ، يعني م كنت بتقل قاصدة ..
قلت ليهو بعرفك من وين انا عشان اركب معااك ، قالي م وقتو عشان م ظنيت بحالتك دي ممكن تصلي بيتكم بسلام ، خليني اكسب فيك الاجررر ،،، قلت ليهو انت قصتك شنو لاحظ دي كدا المرة التالته ..
قالي ، لو عايزة تعرفي ، تعالي اركبي ..
فعلااا ، فتح لي الباب و ركبته ...

ّ
لو سمحتي ، ممنوع تنقلي الروايه في اي قروب م ليهو علاقه بالروابات او تنسخيها قبل تتم او تحذفي حقوقي في الكتابه ،، و ممنوع تعلقي داخل الصور ، دا لمصلحتككم عشان تقدرو تصلو للاجزاء كامله ...

استككانة🐸¢~

يتبع .......