رد شرف 🔞

١٠

رقدتاا نمته ، بعد تفكيرررر ...
صحيت الصباح ،، بصوت ناس امي ديل زي الطالعين كداا ، قبل اقوم صحتني لمياء ، قالت لي قومي قومي
قلت ليها لابسه كدا ماشين وين انتو ؟
قالت لي المستشفي لي خالك ، خالي منو ؟
قالت لي خالو اسماعيل يا لقاء ،، قلت ليها ، اها مالو تاني ؟
قالت لي عندو عملية بتر تانيه الصباع الجمب الاتقطع المرة الفاتت ، شم الغرغرينه ، و اسي كمان لازم يتشال ، حتجي معانا صح ؟
قلت ليها الليله اجازتي م حابه اطلع اسي وبعدين طالعه السوق مع ملاذ ، قالت لي امرك غريب ،و طلعت ... انتو م تتخيلو انا بكره خالي دا قدر شنووو .. ( سرحتا)

* باك فلاش سنة 2000 كان عمري 5 سنوات *
خالي داا ، كان قاعد معانا فترة ، هو اخو امي من ابوها ، و امي كانت مقعداهو في الصالون
نفس الاتعمل لي لمار اختي ، كان بيعملووو لي ، و كنت اجي لي لمياء اختي اوريها وهي زاتا شافعه وانحنا ما فاهمين حاجه ، كل التعلمو تشطفني ، دايماً الاخت الاكير بتكون بمثابة الام للاخت الصغيرة والام بتكون تاكله عليها حمل اكبر من عمرهاا .. عشان تشوفو الدنيا دي دوارة كيف ، نفس الصباع الكان بأذيني بيهوو ، اتبتر ،
كأنه ربنا سبحانه وتعالي بيجازيهوو ...

المهم ، قمتا حسيت اني دايرة اصلي في حمل كدا علي قلبي ، تقل كدا ما عادي .. خلصتا صلاتي واستحميت ، فتحت التلفزيون شويه والنت شويه ، لمن جات الساعه 3 لبست و طلعت علي ملاااذ ...
وانا في السكة ، ماشه علي ملاذ ، شفت ابوي داخل بيت عمي محمود ، ابوي دا اساساً شبه بقا ساكن عند عم محمود ، و بصادفو مصادفه في البيت ، عايش في عالمو براهوو ..
م واقفتا ، و طوالي كملت طريقي ، لمن وصلتا ، لقيت وافي قاعد براا مع واحد من اصحابه ،
( بيت ناس ملاذ دا فيهو زي سور و كله زرع لبلاب وعنب و نيم  ...الخ ) كانو قاعدين داخل السور ،، طبعا قلبي دااا ، داير يمرق مني والله زي الهبوط كدا بمسكني من اشوفو . . دنقرت راسي و مشيت حتي ولا سلمتا ، لمن وصلتا الباب ، دخلتا ولا عاينت ليهو
لقيت ام ملاذ واختها الكبيرة قاعدين ، سلمت عليهو ، لمن ملاذ لبست ..
جينا طالعين كداا ، وافي كان دااخل ، عيني وقعت في يدوو ، لابس الساعه الانا جبتها ليهو ، اقسم بالله من الفرح دايرة اطير ، ياخ يا بخت الساعه والله ،،
قام قالي سلام عليكم ، قلت ليهو وعليكم السلام ،، ملاذ دي تعاين فيني ..
قالي شكرااً علي الهديه ظريفه ، وعجبتني
، قلت ليهو حمدلله انها عجبتك ،، قالي م عجبتني شديد صراحه  ، قلت ليهو معليش حاجه علي قدري ، قالي لا م كداا ، لو اديتيني ليهاا انتي ،، ' اتربكتا '
قلت ليهو المرة الجايه ...
ملاذ قالت : تحبو نقعد و نعمل شاي بالمرة ،، قلت ليها اعصابك يلا يلا ..
قالي لحظة ، يا ملاذ لحظة ... و دخل البيت
شويه وجاا نازل ، مد لي دفتر مذكراتي الصغير ، اتخلعتا والله لمن وشي دا حمر ، قلت ليهو بتمتمة ،، للل للل ل .. لقيتو وين؟؟
ما تخافي م فتحتو بس وانا بشيل الهديه لقيتو واقع ، عرفتو بكون حقك شلتو ليكي ،  قلت ليهو اااي اي ، بكون وقع من شنطتي ، شكرااا ليك ...

اتحركنا من جمبه ، وانا يديني ديل باردات زي التلج و متوترة وساكته .. ملاذ قالت لي :
ما اكذب عليكي ، مرات كتيرة بحس انك ما طبيعيه قدام وافي اخوي بتتوتري كداا .. قلت ليها 'بخلعه' اناااااااا !!
ااي انتي ، مالك ؟
قلت ليها ي بت انتي عويرة ، وافي دا زيك بالضبط ،، قالت لي انا زاتي قلتا كدااا .. سكتنا و مشيناا ...

خلصنا مشاويرناا بدري ،، واقفين ف الشارع ، قلت ليها قصتك شنو انتي ، واقفين لينا ساعه ما دايرة تأشري لركشه ولا اي عربيه توصلناا ، قالت لي منتظرة ، زولي ،،
قلت ليها امير ؟؟ قالت لالالا عمر ، الجديد
قلت ليها سمح ، طيب استعجليهوو ..

اهاا ، دقايق ، وجات وقفت لينا عربيه تقول انا انا ، توقش رقشي ، كبدي ، فخامة كدا بس خلوها بالنيه ،، نزل الولد سلم عليناا ، وسامة وجيهه مبالغه ماشاءالله ..
ركبنا ، طبعا انا وراا ، و ملاذ قداام ، طبعا الصوت الرقيق و الحنكشه و حرف الجيم دا عذبتو عذاب لمن م عرفتهاا ،، اها مشينا شوية كداا ،، وقف لي وااحد ، برضو راكب عربيه ما تقل عن عربيه عمر دي بي حاجه ، عمر قاليهوو ماشي وين ؟ داك قاليهو م عندي موضوع كنت راجع البيت ، عمر قاليهو خلاص تعال معاناا ، داك اتعزز كداا ، قاليهو ما جوي والكلام داا ، عمر اصر عليهو ، لمن جا ركب م كان قايل ان انا ورا م شافني ، ركن عربيتو وامن عليها و جاا ركب لمن اتخلع و بقا منطط عيونو ،، قالي ازيك
قلت ليهو مرحب ، وعاين لي عمر و ابتسم كداا ،، اها اتحركنا و ملاذ وعمر ونسه ، وانا هنا بتفرج في الشوارع دي ،، ابتدا يحاورني ، قالي انا اسمي ياسر ،، قلت ليهو تشرفنا ، وانا لقاء عبدالله ،، قالي فرصه سعيدة ..
قال لي عمر ، والله رغم ان دا ما جوي بس دا ما حيمنعني اعاتبك يا صحبي ، عندك قحبات زي ديل و ما تعرفني انا ما اخوك .. قعد يضحك قاليهو انا اتعرفت علي لوزتي دي في الفيس و لقاء دي اول مرة اشوفا الليله صحبت ملاذ ، واسي م فات شي ،،
الصراحه ( ياسر دا حلاتو و مرطب زي عمر ، بس النوع التعايني ليهو م تشبعي ، لكن وشو مألووووف ، بس في حاجه غريبه ،، ان لمن ملتذ دي جاتني البيت و ورتني صورة عمر ، ما بتشبه عمر الاسي داا ، الصورة دي كأنها صورة ياسر كان زاكرتي ما خانتني ... نشوف غايتو في الاحداث الجايه )

اها ابتدأ يتونس معاي.. قريتي شنو و بتحبي شنو ، يعني اسألتو لي محترمة شديدو اسئله عامة وحاجات بارزة في حياة اي زول فيني ، و انسان مليان طموح و كلامو زاتو خالي من مصطلحات الشباب والالفاظ و كلامو بأدب ، النوع التناقشي في موضوع ، يديكي مساحتك للاخر بعداك يرد و هكذااا  .. بالجد انسان مبالغه كان م اكون استعجلتا في حكمي ..... بكل ذوق طلب رقمي ، اديتو ليهو .. لمن وصلت قريب بيتنا شلتا اكياسي و نزلتاا ... دخلت البيت ..

امي ، اتناقشت معاي انه طلعاتي كترت و بقيت اتاخر برا و كدا ....الخ ، بس راضيتا و دخلتا غرفتي ...

استككانة 🐒~

يتبع ......