رد شرف 🔞

١٧

مشا دخل قدامنا ، قالينا خشووو ..
هه يا ريتني م خشيت و ياريتني مت ولا عشت اليوم دا ولا شفت المنظر داا ،، الظابط طلع منو ؟؟ ....
هه طلع احمد ، اللي هو بعتبر زوجي ، لمياء كانت قدامي و لحظة انا شفتو هو ما شافني قلت في سري دي فرصه اني اهرب ، مسكت لمياء من يدها ، قلت ليها انا حنتظرك هنا جمب الباب ، قالت لي اكيد ما ناويه تخليني براي ، استسلمتا للامر الواقع و دخلتا و مدنقرة راسي ، الساعه الاتلفت علينا فيها انا راسي دا لمن داير يطير ،
و ابوي قاعد كداا في ركن و بيهرش فيهو وبكلمو بأسلوب احزني شديد ، قالي لقاااء !! انتي الجابك هنا شنو ؟؟
سكت ، لمياء ردت و ما ركزت في انه عارف اسمي ، قالت ليهو دي اختي وحاج عبدالله دا ابونا ، والله لمن اتخلع و وقف علي حيلو و بعاين فيني كدا بي حسرة ..
قالينا اتفضلو ، و نادا ابوي قعدو غي كرسي غير ،، قالي لي لمياء انتي غندك فكرة ان دي ما اول مرة والدك يجينا هنا ؟
من اسبوع جات وحدة طلعتو ، والليله انتو ، راجل شايب م قادر يحترم عمره ، يتعرض للبنات في المواصلات والشوارع !
*باك فلاش*
تتزكرو كان في بتين بتونسو في المواصلات و وحدة فيهم نبهت التانيه علي انه في راجل بتحرش بي بت قاعده جمبه وبعدها البت م اتحملت و كوركت والناس اتلمو في الراجل !! اااي ، داا ابوي ..

انا عشان راسي بقا قدر السمسمة ، وانا واختي عارفين تصرفات ابوي كويس م جديده علينا .. عاينت لي لمياء و اتكلمتا ، قلت ليهو ، انا بالجد محرجة من الموقف المختوتين فيهو داا ، بس الوالد ليهو زي تلاته سنه بيعاني من اضطرابات نفسيه ، و فكرة انه يتعالج دي ما قادر يخضع ليها او يستوعباا ، فاا بالجد دا شي م قادرين نتحكم فيهو لكن بأذن الله لقدام حنحاول ندير الامور و الحصل دا ما يتكرر ، و انحنا اسفين يا اخت امسحيها في وشنا ،، لوت بوزا وسكتت، احمد قالي اخدي ابوكم وامشو من المكان داا ، حتي استغربو في كلامو معاي ، ان احمد معروف انه صارم وجادي شديد ، وقبل ندخل بلحظات كان بعلي صوتو علي ابوي و ينهر فيهو و يسيئ ليهو .. لمياء قالت ليهو يعني خلاص نمشي ؟
قاليها ي ريت وف اسرع وقت ممكن ،، قلت لابوي يلاا .. و طلعناا ، و لمياء دي تعاين فيني ، و مفترض ابوي يكون مستحي ولا خجلان مننا ،
كان عادي و فيهو كميه جمود ما عاديه ، المهم لمن وصلنا البيت .. امي استغربت في دخلتنا التلاته مع بعص .. قلنا ليها اتلاقينا صدفه ..

(في جانب آخر )

*اسمعيني ، انا بمشي عند عمتو خديجة
_يا بت انتي جنيتي ، عمتك دي كان عرفت مصيبتك بتقتلك ،،
* لالا انتي م بتعرفي عمتي زوله كدااا ، م عارفه اقوليكي شنو ، لكن بتعرف تتصرف و متاكدة م بتخليني ،
_طيب مالها ما بتجيككم هنا ؟
عندها التزامات في الخرطوم وبعدين ابوي فجأه قاطعهم من غير اي سابق انذار بعد وفاة حبوبة نجوي الله يرحمه .. اسي اخوك دا لو راجل مالو ، يعمل العملا و يهرب
_.. هووووي انتي براك سلمتي روحك بس كان تعملي حسابك ،
* ي ستي اهو الحصل
،، اها بتسافري متين ؟؟
في نهايه الاسبوع دا ان شاءالله ، امشي الخرطوم اغير جوو ونشوف الناس زاتو
_،، ههههه انتي قولي ماشه عشان كدا يختي
،*، اصلا ماشه عشان كدااا ، هو في احلا من كدااا هههه ،،
_ والله كلبة عارفه الفي بطنك دا ولا هاميك يختي ،،
* اسوي شنو يعني اقتل نفسي ، اكيد لا حصل الحصل ، ربك كريم ، اصلا الكبار يغلطو و نشيل احنا العقاب هه
_قصدك شنووو ؟
*ولا شي ....

استككانة☕<~ م تعلقي لي تحت الحلقه ، فضلااا

يتبع ....