رد شرف 🔞

١٣

بتكلم كداا مع ملااذ ، جاتني رساله :
**محتواها
' لا أجد وصفاّ دقيقاً يصف شعوري بالراحة وانا معك .. أنتي كالعودة الي المنزل بعد يوم طويل ، كبراءة سجين ظن انه سيعدم ، كالرضا بعد الخصام💜' ...
استغربت الرساله شديد ، عاينت للعربيه حقت احمد لقيتا لسه واقفة ، قفلت التلفون وختيتو من يدي ...
قلت ل ملاذ اهااا كنتي دايراني بي شنو ؟
قالت لي اجي ،، كيف يعني كنت دايراك في شنوو من متين كمان ،،
تاني سمعت صوت رساله ، ملاذ قالت لي الرسايل شنو ؟ قلت ليها شركة ، هي بتتكلم معاي و انا م مركزة عايزة اشوف محتوى الرساله ، لمن مسكت التلفون ، و لقيت رساله تانية ، و كان **محتواها ...
'' منو الاداكي قدرة غصب ، وشالك زي فرح مبهول و دفقك جوه في احشاي ، منو الاداك مفاتيحي ؟
طيب سؤال : منو الاداكي قدرة تلعبي في خلايا الدم وتعزفي في وتر جواي ..
ممكن جواااب ❤؟؟ ''

والله يدي لمن بقت ترجف ، انا م فاهمه البيحصل دا شنو ، و الرسايل دي معقول تأثر فيني وتهزني كداا ؟ الزول دا متين عرفني و متين لحق يحبني ، ولا هو كان موحود وانا الما منتبهه !!
ملاذ قلطعتني بهرشة ..
قصتك شنو انتي من جيتي ما علي بعضك يا لقاء لي ساعه بتكلم و مطنشاني يا سرحانه يا ماسكة تلفونك ، في شنو انتي ممكن تفهميني ؟؟
براحه يا ملاااذ خلعتيني ، كنته سرحانه في موضوع كدااا ،، قالت لي موضوع شنو ؟
صراحه اتصلت بي رفيده الكنت شغاله معاهم ، و من كلاما دايرني ارجع الشغل ، وانا مترددة و ف نفس الوقت محتاجة قروش و بهناك كرامتي ما سامحه لي ،، قالت لي متأكدة دا الموضوع ؟
ايوة ي ملاذ من متين انا بدس عنك حاجه ! قالت لي بلا شغل بلا زفت ، ناسنا ديل بصرفو عليك زي العجب ، شغل شنو زاتو تدعكي نفسك طول الشهر عشان مرتب ما محصل الاف جنيه ، المهم عمر دا جاي اسي ..
قلت ليها سسسسجمي ،جاي وين ؟
جاي هنا مالك ؟ قلت ليها طيب براهو ولا معاه ياسر ؟
حتي لو مع ياسر مالك انتي ؟
عاينت لعربيه احمد لقيتا ناغي ، قلت حمدلله فات ،، قلت ليها طيب نغير مكانا دا اسلم حل ، قالت لي ليه ؟ قلت ليها عام وملان ناس بخاف زول من اهل امي ديل يشوفناا ، قوماكي .... فعلا ركبنا امجاد مشينا كافتيريا تانيه ،، قعدناا كداا ، عمر و ياسر جو علينا ، سلمت و بقيت ماسكة تلفوني بقرا في الرسايل تاني ..
ياسر لمن يتكلم معاي ، بلاحظ لي ملاذ بتنتبه حتي لو بتتكلم ، بتقطع كلاماا و تركز في كلاموو ،، اغلب الوقت انا ساكته وفي عالم تاني ،، لمن زمن القعدة انتهي ركبناا ، و ياسر دا يعاين فيني ، قالي الليله ما انتي ،
قلت ليهو كيف يعني ؟
قالي ما لقاء القابلتها اول مرة في شي متغير ،، قلت ليهو للاحسن ولا للاكعب ؟
قالي ، اممممم للاكعب ،، اتخلعتا طبعا كيف ممكن يكون انسان بالوضوح داا ..
قلت ليهو حبيت صراحتك شديد ، انا نفسي ما عاجباني نفسي الفترة دي و متضربة شويه ، لكن بأذن الله برجع ...
قالي اتمني والله ،، اها لمن وصلوني البيت
نزلت و كملت برجوولي ، لمن وصلتاا ..
دخلتاا ، حمدلله امي مافي ، سالت لمياء قالت لي مع #فلانة ، جارتنا اللي لقيت ابوي في بيتهاا ،، قلت ليهو وابوي وين ؟؟
قالت لي م عارفه م شفتو الليله ،، انا زاتي من قبيل منتظراكي ، انا طالعه علي صحباتي ، قلت ليها تمام ، لمار مع امي صح ؟ قالت لي ايوة ،، يعني حكون برااي في البيت  ..         

( في جانب آخر )
اسمعي ، انتي كيف حملتي ؟
عليكي الله فكيني من كيف يا مروة ، اسي شوفي لي حل ،، واشوف ليكي حل من وين داية انا ؟
استغفر الله ، انا م قلت ليكي داية ، انتي اسي بتعملي معاي كدا ليه يعني ؟
اذا م كان اخوكي العملا فيني ،، طيب وين الجديد قبل اخوي كنتي معاي انا وما زلتي معاي من كنا شفع ......... * بنتعرف عليهم*

#استككانة💣~

يتبع .......