رد شرف 🔞

١٥

في اللحظة دي ، اتصلت علي ملاذ
قالت لي بخصوص الرحله الدايرين يطلعوها بكرة ،، اترددتا طبعاا ، بس عشان خاطراا قلت ليها خلاص تمام ...
اهاا من دون الايام نمته بدري ، الدنيا كلها اتصلت بي م رديت .. لمن الصباح انا صحيت الساعه 11 ، حتي علاقتي بناس البيت بقت محدودة م زي زمان اتونس و اتكلم و العب مع لمار ، واتابع علاجات امي ولا اسال من ابوي ولا ادردش مع لمياء ، ولا اراجع لؤي ، انا كنت فاقدة المراعاة م عندي انسان يهتم بي ، اكلتي ، شربتي ، انتي كويسه انتي ناقصك كداا ،، الدنيا دي عاكستني بما فيهو الكفايه حتي لمن حبيت ،حبيت انسان م قادرة اشيلو من بالي وهو لا شبهي ولا بعاين لي اساساً
،، المهم قلت لي لمياء ارح نعانا الرحله ، بحيث اني اكون معاها طوالي و مؤيد ما يجي جمبي ، بس هي رفضت ،، لبستا و طلعت علي ملاااذ ... مشيت لقيت امها قاعده ، سلمتا و مشيت علي غرفتا ، خبطت الباب ودخلتا ، كانت بتتكلم تلفون من شافتني قفلت المكالمة ، و تمتمت كدااا
قلت ليها مالك ي بت ، قالت لا بس اتخلعتاا ، دي شنو القشرة دي ، شايفه ذووقي حلو كيف
، ههه حلوة الشماعه يا ذوقي انتي
قالت لي سمح ، يلا مشينااا .. قلت ليها ااااا
قالت لي اااا شنو في شنو مالك ؟
لالا مافي حاجه ، قالت لي لا في ، مالك احكي ، ي بت مافي حاجه مهمة نسيت زاتو كنته عايزة اقول شنو ( كنت عايزة اسألها عن وافي 😢) ..
المهم طلعناا ، مشينا مسافه برجولنا ، لحد م ديل( امير و مؤيد ) جونا بالعربيه ، ركبنا مؤيد من شافاني داير يطيرر ، و قعد يعلق علي شكلي وشعري واني اتغيرتاا ،، قال لأمير انا حنتظر ابوي بفارغ الصبر اسوقو نجي نتقدم ،، انا هنا اتخلعتا ،، علي اساس بنات العربات م بعرسوهم ، مؤيد دا اخر زول افكر اتزومو ، شخصيته م قوية ونهائي مافي قبول ،
كل الحصل اني اتختيت ف الامر الواقع والوضع فرض علي اعرفو .. ملاذ قعدت تكورك وفرحت قالت لي عقبال افك بووورتي ي لولو ، اخدت الموضوع جد بصورة غريبه ،، انا سكته و قفلت معاي خشمي م فتحتوو ..
اتصل بي احمد ،
عملت تلفوني صامت ،، و مويد دا بتلصق فيني و انا ازح بالجد اخلاقي في نخرتي ، كترر شدييد ، فجاه كوركت فيهو ، قلت ليهو : من ضيق المكان ما تزح كدلا شنو لاصق فيني بالطريقه دي ....
اتخلعو فيني لمن امير و ملاذ ديل قبلو علي و يعاينو فيني ، مويد قالي اسف و زحا مني ،، فضل في صمت غريب ، ملاذ وامير الكانو بتونسو سكتوو .. لمن وصلنا الجو متنشن و نكدتا عليهم ، بس من نزلنا ملاذ مسكتني ، قالت لي قصتك شنو انتي،  هجتي في ود الناس دا كداا ، قلت ليها زهجني جاب اخلاقي في نخرتي يااخ م قادرة اقعد زي الناس ،، طيب وفيها شنو ؟ انتي استحملتي نعاهو الاكتر من كداا ، انتي بس قولي سيرة العرس نفسنت بيكي ، المهم روقي انحنا جاين ننبسط، تمام ي ملاااذ امشي انا حقيف هنا شووويه .. طيب
فضلتا واقفه وراسي دا يودي و يجيب ،، كل ما امسك التلفون بلقي احمد بتصل علي ، ختيت التلفون في جيب البنطلون ، و مشيت بفتش في ملااااذ ، عايزة امشي بجد ضايقه بي م طايقه المكان ، زاتو شكلو غريب ..
مشيت سألت وحدة من البنا اللقيناهم قدامنا ، قالت لي في الرواكيب ديك ،، ( زي غرف معموله بعريشه ، بحجزوها الاسر الناس البكونو عندهم مناسبه او ضبيحه يعني بختو فيها حاجاتهم ) .. مششيت
عاينت كداا ، لقيت وحدة قلت ليها ملاذ هنا ؟
قالت لي ملاذ منو ؟ .....سكت خليتا
بقيت بتلفت ، جاني مؤيد ، قالي مالك واقفه هنا ؟ بفتش في ملاذ انا دايرة ارجع البيت امي عيانة شويه ، قالي طيب بوصلك هنا م حتلقي مواصلات بالساهل ..
جات ملاذ و امير الظاهر كانو مع بعض ، وقفو يتصورو جمبنا ، امير قام صورنا انا ومؤيد ، صريت ليهو وشي ، قلت لملاذ انا عايزة ارجع البيت ، قالت لي م جادة طبعا
مؤيد قاليها امها تعبانه الظاهر اتصلو عليها ، وامير يصور ، لمن كوركتا فيهوو ..
شال المفتاح من امير و مشينا ، ركبت معاهو قداام ، قالي عارفه مرات بحسك ما طايفاني ، و م اكذب عليكي انا عرفت بنات كتار بس زيك م في وحدة داخله راسي .. ودايرك علي سنة الله ورسوله ولو قلتي لي اسي اخش لابوكي انا م عندي مانع واعمل ليكي عرس اي وحدة تتمناهو ، قلتي شنو ؟
قلتا اني مالاقيه نفسي معاك صراحه و م عندي ليك حاجه ، انا معرفتي بيك كانت امر واقع جيت مع ملاذ وانا م عارفه حاجه و م حبيت اضيع بهجتكم ، ديك لحظة وانتهت اعفيني من الموضوع دا ...
عاين لي بأستغرااااب كداا ، قلت ليهو نزلني هنا بلقا مواصلات ، وقف العربيه ولا اتكلم معاي ، نزلتا واقفه في الشارع لمن جات امجاد ، ركبتا ...
مسكت تلفوني لقيت احمد بيتقل لمن تلفوني دا نزل شحن ، رديت ليهو ، ' بهرشه'
انتي وووين ؟ قلت ليهو براحه يا احمد
_ لا ما براحه يا لقاء من الصباح انا بتصل
قلقتيني ذلعتب روحي
* طيب روق عشان تقدر تسمعني
_ودا شنو صوت العربات الجمبك دا انتي في الشارع ؟
* احمد طيب حتعرف كيف اذا ما سمعتني ممكن تهدااا ؟
_ لا ما حأهداا عايني متصل عليكي كم مرة و كمان برا البيت من غير م تكلميني
*انت وين ؟
_ وصلتا لينا الكوافير ، واقف برااا
* تعال لي جمب ال(....)
_ طيب لينا ؟
*انا ولا لينا ؟
_ جاي عليكي ...
* م تتأخر علي
.... ** ربع ساعه وكان عندي**....
من ركبتا ، حضني قالي قلقتيني عليكي ، لزيتو قبت ليهو دا شنو العملتو داا ؟ قالي اسف والله غصب عني ،، مرت بدت تتصل و يعاين لي و يعاين للتلفون ،، عملو صامت ، قالي عايزة اسالك سوال بصراحه ،،
قلت ليهو اتفضل ،، قالي انتي رديني علي لينا من تلفوني ؟؟
متين دااا ؟ قابي م عارف بس هي بتقول كدا ويومين عامله لي مشاكل  ..
قلت ليهو لا طبعاً البخليني ارد عليها شنو ..
قالي المهم :
بعد القلق القلقتو عليكي الليله دا انا مصمم علي زواجنا واي اثبات دايراهو انا حاضر
و بتمني مت دربنا دا نمش ننتهي من الموضوع داا ..
قلت ليهو ارح .. قالي احلفي
قلت ليهو لو ما استعجلتا حغير راي .. يلا
والله من الفرح ، دور العربيه وقفنا في صايغ اشتري لي سد عديل  وخلاني اخترتو ..
اتصل بي اتنين من اصحابو ( طبعاً م عندي خلفيه عن الزواج دا بكون كيف )
.. مشينا عندو شقه كدا في ال(...) مشيت
البواب بعاين لي كدا بنظرة غريبه شديد ، فيها حزن واسى .. طلعنا شقتو في الارضي علوي ،، وقفت قدام الباب مترددة
قالي طبعا م جادة بعد شويه حتبقي مرتي.. دخلتا وقعتا بالطرف كداا .. بقلم/سحر سمير