قلت معقوله تاني تكون مرسله لي بالغلط
ما معقووول دي الرسالة الرابعه .. دا منوووو ؟؟؟؟ و داير مني شنو يا ربي ؟
بالجد دخل جواي احساس خوف ما عادي ،،
شلت المذكرة بعد دايرة افتحا ، رجعتها جواا الشنطة .. بقيت كداا حاسه بخوف م عادي
لمن ياسر اتصل علي اربعه مرات انا شايغه مكالماته بس م قادرة ارد .. المرة الخامسة رديت عليهو ..
* ايوة يا ياسر
_لا حول ولا قوة الا بالله انتي ليه بتعملي كدا ياخ، ممكن تفهميني في شنو بالضبط ؟
*ماف حاجه
_لقاء م تعصبيني ' بي نهره 'و م تقولي لي مافي حاجه
* ياسر خليني عليك الله
_لا ما حخليكي * اثتاء المكالمة جاتني رسايل تاني من نفس الرقم * ، قلت ليهو ياسر اقفل لحظة برجع ليك .. قالي منتظرك
فتحتا الرسايل ، لقيتا رسايل فاضيه ما فيها ولا حرف .. احترت بقيت ما فاهمه حاجه
( في جانب تاني )
*عمتووووو مشتاقه ليكي والله
_ فطومة حبيبه عمتها
*كيفك عمتو اشتقت ليكي كتيييير
_وانا كمان والله ، مالك اتاخرتي كداا ؟
*والله يا عمتو البص عمل لينا حركات في السكة
_المهم حمدلله علي سلامتك
*الله يسلمك ، دي شنو الريحه دي ؟
_خاته لي قرفه في النار ، اكب ليكي ؟
* لالالالالالالا ، م دايرة
_طيب براحه مالك انتي
* ..........
_مالك في شنووو ؟
* والله ي عمتو انا سبب جيتي عندك م زياره عاديه ، عندي مشكله وم لقيت غيرك
_ في شنو قلقتي بي
* انا حامل يا عمتو خديجة
_ سجمي سجمي سجمي وووووووووب وووب ، دا كلام شنو يا بت سجمي ، ليه عملتي كدااا يا فاطمة ، ليه غلطتي غلطتي يا بتي ، عاجبك الحال الانا فيهووو داااا عاجبك وضعي لا ولد لا بت لا راجل و عمري 45 سنة ، ضيعت نفسي وقعدتا ، لاحول الله ولا قوة الا بالله ...
*والله ي عمتو م عارفه اقوليكي شنو بس ندمانه و غلطه حصلت والله كانت اول مرة
_بنتصرف بنتصرف
* ناس عمو كيف و محمد اخوي ما بجيكي
_محمد دا اخر مرة شفتو متين م متزكرة
*كيف الكلام دا ي عمتو ، ليهو قريب شهر جاا الخرطوم ، كان قاعد عند عم عبدالله
_ خلينا نغير السيرة دي ، قومي غيري ملابسك دي ، عشان تاكلي
*طيب ....(بقلم/سحر سمير )....
اما في جانبي ، ياسر رجع ضرب لي ، اكيد الجواي م ساهل علي اقولو او اتكلم بيهو لكن رغم كداا كان بحاول يطلعني من الجو الانا بقيت فيهو .. فضل يتكلم معاي لمن نمته و بعداك قفل ...
اها تاني يوم ، طبعا كنت مواعده ملاذ ..
لبست و مشيت ليها علي البيت ،، الفتح لي وافي .. سلمت عليهو من غير مصافحه ودخلتا ، قعدت في القاله حقتهم كدا بالطرف منتظرة ملاذ ... قعد قصادي و بيعاين فيني
رفعت راسي شفتوو ،
قالي بتعندي ليه ؟ قلت ليهو اعند في شنو يا وافي ؟
قالي ولا حاجه !! قلت ليهو مافي حاجه اسمها ولا حاجه ، م حتقول كدا ساي ،، قالي طناشك لي ، وانتي عارفه الجواي و .... *جات ملاذ* سكت وانا لسه بعاين فيهو كل شعور فيني كان منتبه معاهووو ...
للحظة حسيت اني عشمتا روحي شديد و كلامه دا ما لي او انا فهمته غلط و غلط شديد كمان ، الحقيقه الوحيده والحاجه الوحيدة ابما اتغيرت فيني هي حبي للانسان دااا ، و من البدايه قلت ليكم اسمو المستحيل الممكن ... ملاذ سلمت علي بي بياخه و طلعنا ... لمن وصلنا الشارع وركبنا م اتكلمت معاي ولا قالت لي انحنا حنمشي وين ..
قلت ليها ملاذ ، في كلام انا دايرة اقولو ليكي ،، بالجد انا م عارفه انتي ليه م كنتي صريحه معاي بخصوص ياسر او ليه بقيتي مع عمر في حين انك بتحبي ياسر ،، ياسر انا بعتبره اخوي وصديقي و اصلاا انا ما بنفع للزواج .. عاينت لي ، قالت لي ما بهمني ياسر ..
سكتاا .. لمن وصلنا ،ومشينا حته برجولنا ، قلت ليها ماشين وين ، قالت لي بيت صحبتي عندها لمة نقغد شويه و نطلع ..
قلت ليها تمام ،، صراحه المكان كان غريب و مريب يعني ، بس عادي يعني الناس ساكنة .. خبطت باب البيت ، فتحت وحدة سلمت عليها سلام حار و دخلنا و اصلا م كان في غيرا في البيت ..
دخلنا قعدنا هما يتونسو ويضحكو وانا البيت باقي لي غريب شديد ... لمن الجرس ضرب ..
( بقلم/سحر سمير )
استككانة✌~
يتبع .......
أنت تقرأ
رد شرف 🔞
Romanceمن #قاع المجتمع(قصة حقيقية) ، علاقات محرمة نشأت ، كيف ؟ و ليه ؟ و متين ؟ الاجابة حتلقوها في الاحداث ، دي الروايه الوحيدة الكان مفروص اقول ليك لو عمرك اقل من 🔞 م تقريها .. لكن حقوليك اقراها لانه ما بقا في زول صغير في مجتمعنا لأنو : اذا انا اهتميت بح...
