رد شرف 🔞

٧

قلت لي ملاذ ، الساعه جات 7
عايني منظري دا كيف ، انا بمشي البيت بعد دا ، قالت لي انتي عويرة ولا شنو اكيد ما بتقصدي انك م حتحضري ، قلت ليها ياخ ... ما عارفه ، صراحه انا متوترة
ياخ اصحابكم ديل راقين شديد و كدا م عارفه بحسهم ما عايشين في سودانا دا زاتوو ، ، قالت لي هبله ، ارح نقشر ، اللبسي مني لسه في زمن ، واصلا وافي حيتاخر ف الرجعه ، انتي مش كلمتي ناس البيت انك حتتاخري ؟؟
قلت ليها اي كلمت لمياء وامي ،، طيب ي ملاذ اصل البيت واجي ( ما بعاد مننا برجلي بوصل) ،، قالت لي عندك شنو ، اي حاجه دايراها عندي ... اتزكرت انه عندي مذكرة كدا كنت بدون فيها من اول مرة شفت فيها وافي .. قلت ليعا طيارة م بتاخر
قالت لي والله تتاخري ازعل منك ، قلت ليها لالا ،، و طلعت جرري ، انحنا عندنا شارع كدا شويه مضلم بس مرات بقوي قلبي و بمشي بيهو لانو بختصر لي ،، ماشه في الشارع ،، لقيت ( المرة الكنا بنتكلم عنها انا و لمياء ان كراعا كترت في بيتنا ) ، طبعا استغربت لانه داا نفس البيت الكان شفت ابوي داخلو ، ان دا بيت عمو محمرد صاحب ابوي شنو البدخلا لبيت راجل براهوو ، فضلت واقفه بعاين ليها لمن طلعت مفتاح من ربطة توبا ، فتحت ودخلت ،، الكلام دا بيعني شنو !!!!
ليها علاقه بعم محمود ؟ الله اعلم ،، حسبنت و كملت طريقي للبيت ، شلت المذكرة وكلمت امي و لمياء ان احتمال اتاخر ، و رجعتا بيت ناس ملاذ ....

اهاا مشينا غرفتا ، و قشرتا منهاا
اول مرة اللبس ضيق كداا ، و شعري براا ، ملاذ اصعف مني عشان كدا حاجات ضيقه شوية ..
شويه شويه اصحابهم ابتدو يجو ،
وملاذ معاهم تحت ، ماسكة الكرت في يدي ومحتارة اكتب فيهو شنو ، ولا م اكتب واخت المذكرة، كتبت ورقه ، وتاني خليتا   ..  في كل الاحوال الزول دا ما شبهي ، وحسيت بيأس ، دخلت المذكرة في شنطتي و كتبت علي الكرد ، سنه سعيدة عليك ، و لصقتو في العلبه ....
ملاذ جاتني قالت لي يلا انزلي وافي دا  جاي في السكة ، شلت الطرحه ، قالت لي خليكي كداا ياخ ( كنت لابسه فستان بيج غامق ) اصريت شلت الطرحه ختيتا في راسي بالطرف كداا ، هي ماشه وانا وراهاا ،و ما شلت الهديه ، حاسه انها حتكون اقل هديه فيهم ، المهم سلمتا ، انا م عارفه ليه بحس الناس دايماً شاماني و كارهني ، بقيت واقفه براي و م بعرف زول وملاذ م فاضيه لي ، لمن طفطفو و ،، وافي جاا داخل
بس من جا داخل خلعوو Happy Birthday too you ......🎵**
لمن نورو الانوارر كانت معاهو واحدة ، بس طوالي قبلت وشي وحسيت اني م حقدر اكمل البرنامج داا ، ملاذ بتقوليها ووواي منك نورة انتي وريتي صح ، بقت تضحك ومسكت يدو ، قالت ليها انا م وريتو لكن جيت معاهو عشان مشتاقه ليكي شديد وانتي كلبة ما بتسألي من زول .....  الخ
انا واقفه ماخدة زاويه ، طبعا لا سلمتا لا اتحركتا ، عينو وقعت فيني و انا م منتبهه ليهو ، رفعت راسي بالصدفه لقيتو بعاين فيني ، حسيت انها بايخه م اعيد ليهو ،، حس بي مترددة ، قام جا هوو ، والمعاه قالت لي ماشي وين ، وجات معاهو وهو اصلا م عاين ليهاا ، وبالجد شكله ما كان طبيعي نهائي مع انه كان داخل ضاحك ،، سلم علي من غير م يمد يدو و نظر لي نظرة اشمئزاز كداا .. قلت ليهو ازيك وافي سنه سعيدة عليك ، قالي تسلمي ، والمعاهو تعاين فيني كداا زي نظرة وحدة اقل منهاا ،، طوالي قام مشا و ديك وراهو ... انا هنا حسيت اني مخنوقه عايزة ابكي ... طوالي مشيت غرفة ملاذ ، غيرت ملابسي و غسلت وشي ، و شلت شنطتي و طلعت من غير ما زول ينتبه علي ،
رجعت البيت ...

فتح لي ولد عم عوض ،، بعاين فيني كدا قالي وين انتي ؟ قلت ليهو م دخلك ما مسؤل عني انت ، دفرت الباب ودخلتا ،، لقبت امي نامت و لمياء ماسكة ليها روايه و لمار نايمة جمبهاا ،قالت لي مالك ، قلت ليها مصدعه وتعبانه الجو م عجبني ، بكرة اوريكي(عشان م تجي و تفتح لي محضر ) ..
مشيت غرفتي ، غيرتا و رقدتاا ... اتصل علي مؤيد ، رفضت المكالمة اكتر من مرة ،
م عارفه تدبيسه شنو دي ، وانا وين كان عقلي يوم اتعرفت بالزول داا ..
رديت عليهو :
_ الحب
* حب !
_اي الحب والله
* دا كلام شنو ؟
_والله مشتاق ليكي و انتي اصلك م بتسالي ولا بتتصلي
*مشغوليات والله
_داير اشوفك
*خير !!
_خير بس دايرك في موضوع
*احكيهو
_لا ما بتحكي هنا لازم اشوفك
*طيب خير
_خير شنو ؟
* يعني ما بينفع تحكي اسي ؟
_ لا نهائي م بنفع
*طيب ، بكرة بعد الدوام بأذن الله
_ اتفقنا ....
و قفلتا منه علي كداااااا ....

استككانة💤~

يتبع ........