رد شرف 🔞

١٨

دخلت غرفتي ، وراقده
بفكر ، قدر شنو اليوم دا كانت فيهو حاجات غريبه ، ولا يوم كامل حتي ، كل شي جصل بصورة خياليه في ساعات انا حياتي دي اتقلبت رأساً علي عقب ..... ااااخ يا لقاء عملتي شنو في  نفسك ،،
احمد م رجع لي ، ولا ملاذ م عارفه حاصل عليها شنوو ، قلت اتصل عليها اطمن ..
|جررررس......|
* الوو
_اهلين لقاء
*اهلين حبيبتي ، وينك ؟
_في البيت
*م بتسالي مني مالك م عوايدك !
_كنت مشغوله شويه
*ولا يهمك انا حبيت اطمن عليكي
_فيكي الخير ..
* ههه ملاذ انا لقاء علي فكرة
_ايوة عارفه
* لا قصدي انك بتكلميني بي رسمية كداا ، يعني عكس العاده
_ لا ماف حاجه ، انا عايزة اقفل
*طيب ، سلام ...... قفلت السكة

الصراحه الحصل دا شي محير شديد ، ليه في شنو غلط انا عملتوو ،، بس قعدت ابكي موجوعه حاسه اني خسرت كل حاجه ، وكيف من مجرد فكرة انتقام انعكست علي ، الحل الوحيد انا لازم اتكلم مع احمد نعلن زواجنا حتي لو قدام اهلي بس ..
بتصل عليهو ، ما بيرد بديني انتظار ( في مكالمة) ، بفصل وانتظر شويه بقول يمكن يرجع لي ،، بس م بيرجع ، ارجع انا يديني انتظار ، و هكذا .... لمن نمت وانا ماسكة التلفون ،، فجاه صحيت مخلوعه بصوت الهزاز ، قمت ناطه لقيتو ياسر ، ردبت عليهو لاني بجد مخنوقه وحاسه اني محتاجة زول اتكلم معاهووو ...
* الو ياسر كيفك
_ حمدلله بخير ، كيف حالك ؟
* انا بخير
_صوتك ما طبيعي ، في شي ؟
*لالا بس شويه ارهاق لي كم يوم عندي ارق ما بقدر انوم
_كدا م صح ، اسمعيني انا حرسل ليكي رابط في الواتساب ، ادخلي عليهو ، بحولك لليوتيوب ، دي رقية شرعيه افتحيها وختي السماعات في اضانك وغمضي و ختي يدك في مكان الحته المقلقه بيكي و بعدها استغفري ،حتلقي روحك نمتي بأذن الله
*العبرة مسكتني ، ان عندي ناس كويسه ف حياتي بس انا ليه مسكت الطريف داا ،، قلت ليهو حاضر ..
_قالي بس قبل اقفل ، اقدر الاقيكي بكرة اذا م عندك مانع ؟
*ان شاءالله
_يا حبذا لو بعد الساعه 3 بكون خلصتا دوامي
*باذن الله
_يلا خشي الواتساب اسي قبل اقفل
* طيب
_اهااا.....
*منتظراك
_اسي بجيكي
* ايوة هداا ليهو جاني
_كدي جربي شوفي بيفتح
* ااي بيفتح
_يلا  ، ربنا يطمنك و يريح بالك ، ان شاءالله تبقي احسن ، يلا ف امان الله ..
*اللهم امين .. ف امان الله
.... قفلنااا
حقيقي حسيت بي راحه ، الانسانه دا عندو جواهو طاقه اجابيه غريبه ، عنده حلول لاي حاجة ، انسان كدااا محترم شديد .. قلتا بس انا علاقتي شنو بالاحترام !!
فتحت الرقيه وغمضتاا ، فعلا حسيت بي راحه لمن نمتا ....
صحيت الصباح علي امل القا مكالمة من احمد ، لكن م اتصل ولا رجع لي ، بقيت عايشه خالة استياء كدا غريبه ، بالجد م عارفه انا انتقمت من مرتو ولا من نفسي ، لا قادرة اكل لا قادرة اشرب ، اكتر انسان وقف معاي كان ياسر ، من غير حتي م يعرف سبب حالتي دي شنو ، بس اللهم كان لي سند ..

في يوم ، اتصل علي احمد .. رديت
_ حبيبتي
*اهلين احمد ( انا مهنا كانت حاجتي للانسان او مدى تأثيرو علي ، لو كنت في سكرات الموت ما بظهر ليهو حاجتي ليهو )
_ اهلين حاف كداا !
* لا دقيقه احشي ليك فيها مربى
_لالا ما لقاء البتتكلم معاي ، في شنو انتي؟
*مافي اي شي
_طيب انا عارف اني مقصر معاكي بس كنت ماري بي ظروف في البيت واموري ملخبطه شديد ، ممكن نتلاقاا و افهمك ؟
*لو لقيت زمن
_لقاء ما تتعاملي معاي كداا
*اتعامل معاك كيف يعني ؟
_حسسيني انك بتحبيني او فقدتيني ، شاكليني كوركي هيجي
* وليه اعمل دا كلو ، عشان شنو ؟
_ ما عشان حاجه ، المهم لمن تفضي ارجعي لي منتظرك
* امممم ، سلام ،، وقفلتاا
( م انا الببكي لي في راجل ، هو كان منتظر الحاجة دي ، و م حيلقاها عندي ان جنا )

اتصل لي ياسر .. منتظر تلفونك
قلت ليهو انت خلصتا دوامك ؟ قالي ايوة ...
خلاص اللبس و اجيك ، نتلاقا وين ؟؟
قالي نتلاقا في ال(...) ، قلت ليهو تمام ، قمت اخدت لي حمام ، و لبستا لي لبسه و مشيت
.. واقفه في الشارع الرئيسي ، انقرو لاقيت منو ؟ هه لاقيت وااافي ، سلم علي ، قالي وينك م ظاهرة حتي البيت بطلتي تجي ؟
قلت ليهو شوية مشغوليات المهم انتو كيفكم قالي تمام ... داير يمشي وقفتو ..
قلت ليهو ممكن سؤال ؟
قالي جداا ، اتفضلي .. قلت ليهو  سبب النظرة دي شنو ، يعني حمدلله نحن بشر و ربنا كرمنا بنعمة الاحساس ،وانا حاسة يعني لي فترة ، بغض النظر عن يوم ميلادك ...
قالي يعني م عارفه ؟ قلت ليهو لو عارفه م كان سألتك ...
قالي ولا حتعرفي خليكي علي كداا وفات خلاني اضرب اخماس في اسداس .. بقبت واقفه مسهيه ، لمن قاطعتني مكالمة من ياسر ، ركبت و مشيت ليهو ...
سلمت عليهو وقعدنا ، طلبنا غدا ، اكلنا شربنا بارد ، انا لي زمن م اكلت بنفس كداا ، بالجد بيغير لي مزاااجي شديد ..
في اللحظة دي ، جاتني #رساله من رقم غريب ..* *محتواها * *
''انتي ودعتي السعاده في حياتك الي اجل غير مسمي ، ربنا يقويكي علي اللي جااي ''
رساله غريبه شديد ..
قلت اكيد جاياني غلط .....

استككانة📲«~ م تعلقي لي تحت الحلقه فضلاااً ..

يتبع ......