رد شرف 🔞

١٩

حاولت اقنع نفسي انها جاتني غلط
بس م قدرتا ، بالجد كمية من التوتر دخل فيني ما مرق و بقول لنفسي جات غلط ،
منو ممكن يهددني او يقول لي كلام زي دا انا ما عندي اي عدوو ...
_ مالك انتي في شنو
*مالي يا ياسر !
_في شنو ، اسي كنا بنضحك و نتونس
* مافي حاجه انا كويسه
_رغم اني متاكد انك م كويسه لكن بتمني
* لالا اطمن
_كدي اتصل بالجماعه ديل اشوفهم وين
*جماعه منو ؟
_عمر و ملاذ و سفيان صاحبنا
* عمر وملاذ!!!!
_ايوة عمر وملاذ مالك !
*مالك ما وريتني انههم جايين ؟
_عادي يا لقاء طوالي بنتلاقا وين الجديد
*انا مضطرة امشي يا ياسر
_لا ما حتمشي يا لقاء الا افهم الحاصل شنو
*ياسر عليك الله خليني امشي ( عيوني رقرقو)
_ اقعدي طيب
*عايزة امشي
_حتمشي طيب بس روقي ، قولي بسم الله
*بسم الله
_ وحدة وحدة في شنو وريني
* انا مخنوقه
_من شنو في شنو ؟
*ملاذ متغيرة مني ، من يوم ميلادي العملتو لي، بتكلمني بأسلوب م حلو من غير م اعرف ذنبي شنو
_طيب دي فرصه كويسه ، انكم تقعدو وتتفاهمو و تتراضو
*م ظنيت ي ياسر الشي المزعلا دا كبير و دي ما عادتا ، انا لمن اغلط كانت بتجيني لحد البيت و تشاكلني و تمشي و تاني يوم بنرجع زي اول و احسن كمان
_ والله م عارف زاتو اقوليكي شنو
*قوم وصلني بس
_خلاص اقعدي معاي ممكن اتصل بيهم م يجو ، بس روقي عليكي الله
* لا خليهم يجو اقعد معاهم انت ، زاتك اقعد انتظرهم انا بمشي ، ( قبل اتم كلامي عمر وملاذ و سفيان ديل جووة )  ...
ملاذ من شافتني استغربت ، سلمت عليهم وقافي ، دايرة امشي ياسر قالي يعني مصممة، عمر قالي كراعنا حارة ولا شنو ؟
قلت ليهو لا بس مصدعه شويه ،، عمر قال لي ملاذ شوفي صحبتك دي مالها ..
قالت ليهو يمكن مصدعه ، ياسر عاين ليها كدا بخيبه امل .. قالت لياسر اهاا وافقت ؟
قاليها علي شنو ؟ قالت ليهو زواجككم ،، في سري قلت هو دا المزعلها مني !!!! و الصورة الورتني ليهاا اذن شكي الاول صح ياها صورة ياسر !!! ياداب فهمتااا   ..
قلت ليها ملاذ تعالي لحظة عايزاكي ، قلت لي عايزاني في شنو ؟ قلت ليها عندي موضوع ، قالت لي احكي هنا ،قلت ليها ما بينحكي هنا ،
قالت لي لا بينحكا هنا ، قلت ليها وانا متاكدة ما بينحكا هنا ي ملاذ لو سمحتي تعالي معاي دقايق وارجعي ،،  عمر قاليها مالك انتي بتتعاملي كدا مع صحبتك .. قالت ليهو مافي حاجه مصدعه شويه ...
قلت ليها واقفه منتظراكي انا ، قالت لي ما مشه مكان احكي هناا ، قلت ليها جدااً انذكري انتي الاصريتي ...
* انا ياداب فهمتا سبب تغيرك مني الايام الفاتت دي ولحد اللحظة دي
_ سووو
* سووو ان ياسر مجرد صديق واخ بالنسبه لي ... ' طيرت عيونا واتلفتت علي '
ياسر قالي دا كلام شنو وعلاقه ملاذ شنو بالكلام دااا ،، عمر قالي ، و ملاذ دخلها شنو
م تكون ضغطت عليكي توافقي ، في النهايه هي عايزة ساعدتك ، واني ي ملاذ كونها رفضت دا ما شي يخليكي تتغيري منهاا .. ّ( بالله شوفو حسن النيه الفي قلوبهم )
هههه قلت ليهم فعلااااا ، كلامكم صح و مشيت خليتهم ...
وقفتا امجاد ركبتا ، ياسر جا وراي بس م لحقني ،، لقيت احمد بيتصل ، رديت ليهو
* اهلا احمد
_ انا منتظرك لو منتبهه يعني للحاجه دي
*اممممم
_اممم شنو ، عايز اشوفك اسي اناا
*انا ماشه علي البيت نتلاقا بكرة
_انا عايزك اسي م تنسي انك مرتك
* لا ما ناسيه
_ تعالي
* طيب .... ( م عشان كلامو وافقتا ، عشان انا عندي موضوع معاهو ) ..

/وصلتا .../

المهم وصلتا .. دخلتا ، سلمتا  ، دخلت نعاهو الغرفة ، قلت ليهو دايرني بي شنو ؟ّ
قالي داير مرتي فيها حاجه دي ؟ قلت ليهو لا مافيها ، انا دايرة اتكلم معاك في موضوع
قالي ، لينا حامل ،، قلت ليهو وبعدين ! قالي عايز اكرس حياتي لمرتي و ولدي ولا بتي الحيجي ، قلت ليهو هههه وانا ؟
قالي انتي انا ما مقصر منك في حاجه ، مصاريف بديكي دهب ملبسك لبس ملبسك تلفون جديد ، عندك البتتمناهو اي وحدة
،، سبحان الله لحد كم يوم فاتو دا ما كان كلامك ، قالي في لحطة كل شي بيتغير ،، قلت ليهو خلاص اتزوجني و طلقني ،، قالي م بقدر ،، قلت ليهو
* هههه وين قطر ، والاحلام و ال...الخ
_ لقاء عايزة تعيشي معاي كدا اهلا وسهلا ما عايزة ....
* تم كلامك ، م عايزة شنو ؟؟
_ كل زول يروح لحاله و ما مطالبك ب اي حاجه جبتها ليكي
* سبحان الله ،، و شرفي الانتهكتو !!!
_ هههه قولي كلام يتصدق
* قصدك شنو ؟
_قصدي يعني ابن الوز عوااام ،، ههه
* ابن الوز عوام !
_ايوة ، يعني خربانة من كبارااااا ، يعني بعد دا كان م فهمتي تبقي عوجه
* ههه لا فهمتا
_يعني عندك ابو محترم زي ابوكي دااا مفترض م ترفعي عينك وانتي بتتكلمي معاي
* بس ابوي مريض
_ ههههههههه مريض ههه لقاء ابوكي دا اعقل مني و منك ، انتي قايلاني صدقت الفلم القلتيهو لي بي القسم دااا ، لا يا ماما م تنسي دا شغلي و انا اتغابيت قدام الناس عشان م احرجك قدام الناس ...
* كتر خيرك

استككانة✌~ م تعلقي لي تحت الحلقه فضلاً ...

يتبع .....