قفلتا منه ، وفكرت شويه موضوع شنو دا البيني و بين الزول داا ..
انا جنيت ولا شنو كمان اديتو معاد ... اوووف
،، نمتته .. صحيت الصباح
قافله معاي واخلاقي في نخرتي ،، و طلعت بدري من بدري ، مقهورة شديد و بفكر في الموقف الانا م عارفه سببو شنو ، يعني يمكن
احترام وافي لي البظهر من خلال كلامو و سلامو لي كان بكفيني جداً اني احبه بصمت من غير ما احس بي اي وجع نفسي ..
بفكر و ماشه في الشارع ..
بس حسيت ان في عربيه ، ماشه موازيه لي في الشارع ،، م اهتميت كتير ،
هرولتا في المشي و بالجد م لي مزاج اركب و غير كدا لسه الوقت بدري ... و لسه العربيه دي ماشه معاي ، قلت يمكن ماشي بنفس طريقي .. لقيت في سوبرماركت ، قلت اشتري بسكويت ولا حاجه م اكلت شي من امبارح ،
و منه اشوف اخرالعربيه دي شنو .. لمن وقفتا في الماركت ، لقيتو ركن بعيد .. شلت حاجاتي حشرتهم في الشنطة و طلعت ، اتحركتا بعدها بمسافه ، حسيت نفس العربيه ماشه وراي ومرة موازيه لي ... وقفتا عاينت ليهو !! عايزة اتكلم كدااا ( ذُهلت)
قلت ليهو ، انت تاااااااااني !! قصتك شنو انت ، دي المرة التانيه
قالي بتتكلمي معاي انا ؟ قلت ليهو سبحان الله تخيل اني بتكلم معاك ( ظاهر عليهو ولد ناس محترم و مرطب ترطيبه جد جد يعني )
قالي مالك انتي اسي هايجة !
قلت ليهو سبحان الله دي المرة التانيه تمشي بطريقتك دي ، انت متعود تباري بنات الناس كدا ؟
بعدها انتبهت ان المرة الفاتت كان مباريني في شارع الكوافير ، بس داا شارع منطقتنا و في فرق في المسافه يعني ، الزول دا قصتو شنو ؟؟
سكتا و مشيت في طريقي ، و لسه دا ماشي وراي ، اصلي ما اشتغلت بيهو ..
لمن تعبتا ، وقفت لي ركشه ، ركبتا نزلني لحد الكوافير .. دخلتا طوالي
يومي في الشغل م كان فيهو حاجه تُزكر
غير اتصلت بي ملاذ ،، زعلانه مني ، اني كيف امشي بالطريقه دي ، المهم راضيتا حمدلله
قلت ليها ملاذ عاوزة منك طلب :
_ طوالي اطلبي عيوني
*تسلم عيونك
_ اهاا
*انا جبت هدية لي وافي و امس لمن صدعتا نسيتا فوق التسريحه حقتك ، اديها ليهو نيابه عني عليكي الله
_ هههههههههه
*مالك ؟
_يا بت جا غرفتي والله
براهو لقاهاا و شالها من غير ما يسال حتي
* اجي ، كيف يعني ؟
_والله زي م قلت ليكي هههه ، المهم ، اها الليله شارع النيل كيف ؟
*لالالا م معاكم انا والله مرهقه
_ لا ياخ بطلي مساخه و بعدين ايمن صاحب امير الكان معانا في الرحله باكي فيك
* وووواي زكرتيني ، اممير
_مالو ؟
*م بعرفو ياخ لاصق فيني دا كمان ، مصمم يلاقيني الليله قال دايرني في موضوع
_خلاص م مشكله اطلعي معانا ، انا زاتي اتعرفت علي زول جديد ووواي كان شفتي ياخ ، و كايسه طريقه اتخارج بيها من امير دا باقي لي في رقبتي ، لكن الليله اخر مرة الاقي فيها غايتو ..
*اجي انتي م بتحبيهو يعني ؟
_بري ، دا بالنسبه لي صرااف آلي يختي
* م بسالك لكن ، خلاص نتلاقي نتم كلامنا
_ تمام ....
اليوم دا انتهي علي كداا .. وكان صابح جمعه اجازتي ،،
خلصتا ومشيت البيت ، قعدت مع ناس البيت اتونسنا ، وجاتني ملاذ ، لبسنا و طلعنا ، طبعا علي الشارع امير كان منتظرنا ،
ومعاهو مؤيد ، ركبنا ، طبعا انا ورا ، سلمت عليهم ، من قعدتا مؤيد باسني لمن اتخلعتا واتربكتا ، حتي امير ضحك بصوت عالي ،
قالينا اخدو راحتكم مافي زول غريب ، انا انزعجتا لمن ظهر في وشي ،، لفينا بالعربيه و انتظرت الموضوع القالو لي م اتكلم معاي ، نزلنا قعدنا في حته و منتظرة يتكلم ، بس شابكني مشتاق ليكي ،
مشتاق ليكي ،، لمن حسيت الوقت زنق ، ركبنا العربيه قدام ملاذ وامير ،،
و طبعا حصل زي ما حصل المرة الفاتت ، و برضو ما حاولتا امنعوو ، كل مرة بكره نفسي اكتررر .. اتحركنا و طبعا نزلونا بعيد عن البيت .. ملاذ مشت بيتهم ،
وانا ماشه علي بيتنا ، تااني شفت ابوي ، بس المرة دي طالع من بيت عمي محمود ، و واقفه بعاين من بعيد ما مشا بشارع بيتنا ، انا احترت صراحه ، المهم انا مشيت علي البيت ، غيرتا و رقدتاا، اتصل بي مؤيد ، ابتديت احس انه مصيري ، والانسان البحبو دا سراب خداع مالي فيهو نصيب ، اخير اعيش واقعي ،، بقينا اربعه يوم ورا بعض ونسه بالتلفونات 24 ساعه مع بعض ..
في يوم في الدوام ، بعد قفلتا من مؤيد ..
بقيت ماسكة تلفوني ، خدمتي انتهت والنت سحب رصيدي و ما جايبه خبر ، شلت قروش من شنطتي ، مشيت لي رفيدة ، قلت ليها بجيب رصيد و بجي اسي ، قالت لي فضل نص ساعه علي دوامك وينتهي ، قلت ليها ااي ااي ، بس بمشي و بجي عندي حاجة ضرورية في النت ،، سبحان الله طلعت البقال ، جبتا الاسكرتشات حقتي ، من بعيد و انا راجعه علي الكوافير ، شفت العربيه البتمشي وراي ، استغربتا ، انا شفتو ف الشارع الرئيسي لكن قدام كوافيرنا عديل ،
الزول دا وراه قصه ،، بقيت ماشه براحه ، لمن لقيتو نزل وحدة و مشا و م شافني ،، دخلت الكوافير ، لقيت الفقر دي بتعمل في بودي كير ، طبعااً حدرت فيني لمن فترت ... بس استغربت هما في تعجب !!!!
انتطرت لحد نهاية دوامي وقعدت وقت اضافي عشان افهم حاجه ، بس من الفقر دي طلعت استلمتا رفيدة ،، قلت ليها دايرة اسألك ، انتي المرة دي كان قلتي راجلا بجيبا اغلب الاحيان ، قبل شويه وانا راجعه شايفاها نزلت من عربيه صاحب اخوي ، لونا رصاصي كداا دا هو زوجها ؟
قالت لي واااااااي ياهو القرض دا زاتو راجلهاا احي يا لقاء ، اريتو حظي وحظك يختي
قعدت اضحك ( ضحكة صفرااا ) = قلت في سري معني كدااا يا لولو ،
الكووورة في ملعبك ، تشوتيها يمين ، و تشوتيهااا شماااااااااال ، فرصه انتقام جاتني لحد قبلي ........ فهمتو !!
استككانة🏃¢~
يتبع ........ " التوقعات "
أنت تقرأ
رد شرف 🔞
Romanceمن #قاع المجتمع(قصة حقيقية) ، علاقات محرمة نشأت ، كيف ؟ و ليه ؟ و متين ؟ الاجابة حتلقوها في الاحداث ، دي الروايه الوحيدة الكان مفروص اقول ليك لو عمرك اقل من 🔞 م تقريها .. لكن حقوليك اقراها لانه ما بقا في زول صغير في مجتمعنا لأنو : اذا انا اهتميت بح...
