رد شرف 🔞

٦

قلت ليها م تخافي بس خلي بالك من لمار لحد ما يفارقنا ، قالت لي لمار مالو معاها كمان ، قلت ليها لا مافي حاجه بس للضمان ، انتي عارفه انا من بكرة حبدأ شغل المهم يا لمياء انتبهي وخلاص ، يلا عشان انوم..

نمته ..... و صحيت الساعه  10:30 ياداب لحقت اللبس و اطلع
طلعتا و شمس تلخم واقفه في الشارع دا لمن راسي سخن ، اهاا يا الله لقيت لي ركشه ، ركبتا و وصلني كانت 11:30
دخلت الكوافير ، اعتزرتا عن التاخير و باشرتا في شغلي طوالي ، يعني شوية حسابات بالنسبه لي الموضوع ساهل ، مافي حاجه تزكر ، لحد الساعه 4 ، جات واحدة داخله ، من لحظة ددخولها تتنفر و تتزهج في البنات ، سالت رفيدة ، قلت ليها دي ست الدنيا الاحنا عايشين فيها دي ولاشنو تتنفر كدا !ّ

قالت لي هه لا دي من الطبقه الواو ، و زيبونه مستديمةهناا و متعودين علي اساليبا و حركاتا دي ، المهم بنطول بالنا عشان اكل عيشنا ،، قلت ليها م محبورين ، الجاب دي بجيب غيراا ،، قالت لي ي زوله دي كل يومين ناطه هنا ، كان م جات بي عربيتا ، راجلا بيوصلها لحد هنا ،، قلت ليها والله دا كلام الله يرزقنا من زي دااا .....
بس انا بعاين فيها والله م غريبه علي انا شايفاها في مكان ،،، اتصلت لي ملاذ
قالت لي :
_ لوووولوووو
*لوذة
_حبيبة لوذة اسمعيني
*غردي
_ يلا انتي في الشغل صح ؟
*ايوة
_طيب عايزة الاقيكي ضرووري مزنوقه مزنوقه شديد
* خلعتيني في شنو ؟
_ اتخيلي عيد ميلاد وافي اخوي و ناسياهو خالص و زمن ماافي عايزاكي تساعديني ، بتقدري صح ؟؟
* عيوني ليكي بس وريني اال........ #قاطعتني الزيبونة اياهااا ، قالت لي :
//ما شايفاني واقفه ؟
* سوري م انتبهت
// تنتبهي كيف و الزفت دا في اضانك
* قلت ليكي م انتبهت و بعدين انتي ياداب جيتي يعني م وقفتك
// انتي قايله نفسك منو تردي لي كلمة ب كلمة انا بقروشي دي اشتري عيلتك كلها
* اسي عيلتي سالتك ؟ ولا انا جبت سيرة قروش ؟ ولا قليت ادبي معاكي عشان تقولي كلامك دا
// لالاا كمان استني لمن وحدة حشرة زيك تقل ادبا علي انااا والله دااا الفضل
*استغفر الله العظيم
// غبية
*انتي في شنو ي زوله ! دا كلو عشان شنو ليه الاسلوب دا والطريقه دي انا غلطت عليكي في شنوووو
//يا بت انتي غبيه ولا شمو كمان استناك لمن تغلطي ..... يااااا رفيييييييييدة
وووين ست المحل داا ، تعالي وريني دي شنو الغبيه الجبتوها ختيتوها لينا دي !!
رفيدة قالت ليها ، دي لقاء جديدة عندنا ان شاءالله خير .. قالت ليها خير ، انا والله الا اطيراا من المكان داا ، وحدة م محترمة تافهه ما متربية ....
الصراحه انا مذهولة ، مستغربه ياناس دا شنو ودا كلام شنو ، هسي انا غلطت عليها بشنو ، المرة من جات داخله نافشه ريشااا ،،، كل العملتو اني سكتا لاني حقيقي م فاهمه الحاصل دا شنووو ....
رفيدة جاي جاي اعتزرت ليها ، قالت لرفيدة ليه انتي تعتذري ، البهيمة دي التعتذر ،
و احسن تنصحيها انه تعتذر لي عشان ما اقطع رجلها من المكان دااا ....
ساكته خشمي ما فتحتو ..
رفيدة قالت لي ، لقاء وعاينت لي ..
ما رديت ولا عبرتها ... قلت لي رفيدة انا منتظرة الحساب حقها ، عندي باقي شغل ،، ديك انفجرت و بقت تكورك و تتكلم ، صراحه كبرت الموضوع وعملت مشكله من ولا شي بس اللهم تهزئني و تقلل مني ،
لله في لله ..... قلت لبها ابردي ، لمن اقتنع اني غلطت عليكي حأبقي اعتزر ، و اسي انا كل الحقولو ليكي ، يدك والتجيبو ( اعلا ماف خيلك اركبيهو ) ... قالت لي تمام بتشوفي

طبعا بعد مشت اتزكرتها ،،
تتزكرو اول يوم جيت فيهو الكوافير ، كانت في واحدة طالعه و انا داخله ، وخبطت فيني كدا وحدرت فيني ،، بس ياها
كرهه من الله  ....

المهم ، جاتني ملاذ ، و حكيت ليها الموضوع كلوو من طق طق ، قالت لي وواي كان لميت فيها يا لقاء وحات الله اعدما الشعراية ، قلت ليها هي من غير شي هايجه فينا يختي رووقي ،،، اها موضوع (وافي) شنو ؟
( وافي دا من تجي سيرتو انا كل شي فيني بتلخبط ، بس عارفه انه المستحيل الممكن)

مشينا السوق ..
لمينا زينه ، ولفيت معاها جبنا ليهو كم هديه ، طبعا انا م عندي قرووش ،، بعدها اتزكرت الرصيد الحولو لي مؤيد ... طوالي بعتو و شلت القروش ، بقيت محتارة اجيب ليهو شنو ،هو انسان راقي جداا و انا قروشي ياداب تكفي تجيب ساعه ...
المهم قلت لملاذ انتظريني هنا حمشي المحل داك واجي ، قالت لي طيب ، بخش محل الخلويات داك ، م تتاخري ...

مشيت محل ساعات .. شلت لي وحدة سودا
و خاتم فضا اسود ( شلت المقاس عشوائي)
غلفتهاا و اشتريت كرت ، و دخلتهم في شنطتي و مشيت لي ملاذ .. انتهينا و رجعت معاها بيتهم زينتا معاها .. الكلام دا كان الساعه 7 مساا ..
'' بقلم سحر سمير ''

استككانة✌¢~

يتبع ........